Read NT LS 2005 – Инжил ЛС (2005 Mıyzamdı kaytaloo 13 Bible Online

Mıyzamdı kaytaloo 13 - NT LS 2005 – Инжил ЛС (2005 bible

Mıyzamdı kaytaloo 13

¹Egerde silerdin araŋardan paygambar je tüş joruguç çıgıp, silerge jışaan je keremet körsötö turgan bolso,

²al aytkan jışaan je keremet atkarılsa, anan al: “Jür, sen bilbegen başka kudaylarga barabız, oşolorgo tabınabız”, – dey turgan bolso,

³anda al paygambardın je al tüş joruguç adamdın sözdörün ukpa, antkeni Kuday-Teŋiriŋer Özün çın jürögüŋör, jan-diliŋer menen süyör-süybösüŋördü biliş üçün, silerdi uşul arkıluu sınap jatat.

⁴Kuday-Teŋiriŋerdin jolu menen jürgülö, Andan korkkula. Anın osuyattarın atkargıla, Anın ünün ukkula, Aga kızmat kılgıla, Aga jabışkıla.

⁵Silerdi Misir jerinen alıp çıgıp, kulçuluktan kutkargan Kuday-Teŋiriŋerden çettöögö ündögönü üçün, Kuday-Teŋiriŋ osuyattagan joldon çıgaruuga araket kılganı üçün, al paygambardı je tüş joruguçtu ölüm jazasına tartuu kerek. Öz içiŋdegi jamandıktı uşintip jok kıl.

⁶Egerde seni bir tuuganıŋ, eneŋdin uulu, je uuluŋ, je kızıŋ, je janıŋda jatkan ayalıŋ, je janıŋday körgön jan dosuŋ: “Jür, sen da, ata-babalarıŋ da bilbegen başka kudaylarga tabınabız”, – dep,

⁷senin tegeregiŋdegi, jakın je alıs jaşagan, jerdin bir çetinen ekinçi çetine çeyin jaşagan elderdin kudaylarına jaşıruun azgırsa,

⁸anda aga makul bolbo, anın sözün ukpa. Anı keçirbe, ayaba, jaşırıp koybo.

⁹Anı öltürüp sal. Anı öltürüügö baarınan murun sen kol kötörüşüŋ kerek, andan kiyin büt el kol kötörsün.

¹⁰Anı taş baraŋga alıp öltür, antkeni al seni Misir jerinen, kulçuluktan alıp çıkkan Kuday-Teŋiriŋden alıstatuuga araket kıldı.

¹¹Munu bütkül Israyıl eli ugup, korkup kalat da, oşondon kiyin senin içiŋde anday jamandıktı kılbay kalat.

¹²Egerde Kuday-Teŋiriŋ saga jaşaganga berip jatkan şaarlardın birinen,

¹³senin eliŋdin içinen buzulgan adamdar çıgıp, şaardın turgundarın azgırıp: “Jürgülö, siler bilbegen başka kudaylarga tabınabız”, – degenin uksaŋ,

¹⁴anda izdep, iliktep, jakşılap sura. Egerde bul jiyirkeniçtüü iş araŋarda çını menen bolso,

¹⁵anda al şaardın turgundarın kılıçtap kırıp sal, malın, emnesi bolso, oşonun bardıgın jok kıl.

¹⁶Bardık oljonu ayanttın ortosuna çogult, şaardı bardık oljo menen koşo Kuday-Teŋiriŋe arnap bütündöy örttölüüçü kurmandık katarı örttöp sal. Al şaar tübölükkö urandıga aylansın, eç kaçan kayradan kurulbasın.

¹⁷Kargışka kalgan nerselerden eç nerse alba, oşondo Teŋir Özünün kaarın toktotup, ata-babalarıŋa ubada kılganday, saga ırayım kılıp, ukumdatıp-tukumdatıp köböytöt.

¹⁸Egerde Kuday-Teŋiriŋdi uksaŋ, men bügün saga berip jatkan osuyattardın bardıgın atkarsaŋ, Teŋirge jakkan işterdi kılsaŋ, Al uşul aytkandarın atkarat.