Read NT LS 2005 – Инжил ЛС (2005 Mıyzamdı kaytaloo 18 Bible Online

Mıyzamdı kaytaloo 18 - NT LS 2005 – Инжил ЛС (2005 bible

Mıyzamdı kaytaloo 18

¹Iyık kızmat kıluuçu lebilerge, Lebinin bardık ukum-tukumuna Israyıl menen birge ülüş bölüngön emes. Alar Teŋirge arnalgan kurmandıktardan jana Anın ülüşünön azıktanışsın.

²Bir tuugandarının arasınan alarga ülüş tiybeyt. Teŋir Özü aytkanday, alardın ülüşü – Teŋirdin Özü.

³Eldin kurmandıkka alıp kelgen ögüzdörü menen koylorunun etinen ıyık kızmat kıluuçularga mına bular tieşelüü: dalı, jaak, karın.

⁴Oşondoy ele eginden, jüzümdön, zaytun mayınan algan birinçi tüşümüŋdü jana koyloruŋdun algaçkı kırkkan jünün ıyık kızmat kıluuçuga alıp kel.

⁵Antkeni Kuday-Teŋiriŋ bardık uruularıŋdın içinen anı jana anın uuldarın Kuday-Teŋirdin aldında ömürü ötkönçö kızmat kılışı üçün tandap algan.

⁶Egerde bir lebi Israyıldagı şaarlarıŋdın birinen, özü jaşagan jerden Teŋir tandap algan jerge öz kaaloosu menen kelip,

⁷al jerde, Teŋirdin aldında kızmat kılıp jatkan lebi bir tuugandarına okşop, Kuday-Teŋirine kızmat kılsa,

⁸anda atasınan kalgan mal-mülktü satkanda tüşkön akçası bar bolgonuna karabastan, alar sıyaktuu ele öz tieşesin alsın.

⁹Kuday-Teŋiriŋ berip jatkan jerge barganda, oşol jerdegi elder kılgan jiyirkeniçtüü işterdi kılba.

¹⁰Senin eliŋde uulun je kızın otko salgandar, közü açıktar, tölgöçülör, köz booçular, bübü-bakşılar,

¹¹emçi-domçular, ölgöndördün ruhun çakıruuçular, sıykırçılar, ölgöndördün ruhu menen süylöşköndör bolbosun.

¹²Antkeni munu kılgandar Teŋirdin aldında jiyirkeniçtüü. Oşonduktan bul jiyirkeniçtüü işter üçün Kuday-Teŋiriŋ alardı senin aldıŋdan kuup çıgıp jatat.

¹³Kuday-Teŋiriŋdin aldında kemçiliksiz bol.

¹⁴Antkeni sen kuup çıgıp jatkan bul elder közü açıktardın, sıykırçılardın sözün uguşat. Saga bolso Kuday-Teŋiriŋ alardın kılganın kıluuga uruksat bergen emes.

¹⁵Kuday-Teŋiriŋ senin eliŋden, senin bir tuugandarıŋdın içinen mendey paygambar çıgarat. Oşonu ukkula.

¹⁶Siler Horepke çogulup kelgen künü: “Ölüp kalbaşıbız üçün Kuday-Teŋiribizdin ünün mından arı ukpaylı, Anın bul uluu otun mından arı körböylü”, – dep, Kuday-Teŋiriŋerden ötüngöndüktön,

¹⁷Teŋir maga mınday dedi: “Alardın aytkan sözü jakşı.

¹⁸Men alardın bir tuugandarının içinen sendey paygambar çıgaram. Anın oozuna Özümdün sözdörümdü salam, oşondo al Men buyruk kılgandardın baarın alarga aytıp beret.

¹⁹Menin atımdan süylögön oşol paygambar aytkan Menin sözdörümdü ukpagan adamdı Men jazalaym.

²⁰Men buyruk kılbagandı Menin atımdan süylöögö batıngan, başka kudaylardın atınan süylögön paygambardı ölüm jazasına tartkıla”.

²¹Egerde içiŋden: “Al sözdördü Teŋir aytpaganın kantip bilebiz?” – deseŋ, anda mından bil:

²²egerde bir paygambar Kudaydın atınan süylösö, birok al söz ordunan çıkpasa, atkarılbasa, anda al sözdü Teŋir aytkan emes, anı paygambar tekeberdiginen ulam aytkan. Anda andan korkpo.