Read NT LS 2005 – Инжил ЛС (2005 Mıyzamdı kaytaloo 2 Bible Online

Mıyzamdı kaytaloo 2 - NT LS 2005 – Инжил ЛС (2005 bible

Mıyzamdı kaytaloo 2

¹Biz kayra artka kayrılıp, Teŋirdin maga aytkanı boyunça Kızıl deŋizdi karay ketken jol menen çölgö jönödük. Oşentip, biz Seir toosunun tegereginde köpkö jürdük.

²Anan Teŋir maga mınday dedi:

³“Bul toonun tegereginde jetişerlik ele jürdüŋör, tündüktü karay ketkile.

⁴Elge mınday buyruk ber: «Siler Seirde jaşagan bir tuuganıŋar Eysaptın uuldarı jaşagan jerlerden ötösüŋör. Alar silerden korkuşat, birok alar menen soguşpagıla, sak bolgula.

⁵Men silerge alardın jerinen alakanday da jer berbeym, antkeni Seir toosun Eysaptın karamagına bergem.

⁶Tamaktı alardan kümüşkö satıp alıp jegile, suunu alardan kümüşkö satıp alıp içkile.

⁷Antkeni Kuday-Teŋiriŋ senin bardık işiŋe batasın berip, uşul ebegeysiz çoŋ çöldö jer kezip jürgönüŋdö kalkalap kelgen. Kuday-Teŋiriŋ seni menen kırk jıl birge boldu. Sen eç nerseden kem bolgon joksuŋ»”.

⁸Oşentip, biz Eylat menen Etsion-Geberden çıgıp, Seir toosunda jaşagan bir tuuganıbız Eysaptın uuldarının janınan tüzdük menen Maap çölünö bet aldık.

⁹Teŋir maga mınday dedi: “Maaptıktar menen kastaşpa da soguşpa. Men senin karamagıŋa anın jerinen berbeym, antkeni Ar şaarın Lot uuldarının ençisine bergem.

¹⁰Murun al jerde Anaktın uuldarınday alp, uzun boyluu, köp sandagan eymimder jaşagan.

¹¹Alar repalıktardın arasında Anaktın uuldarı bolup eseptelişçü. Maaptıktar bolso alardı eymimder deşet.

¹²Seirde bolso murun horilikter jaşaçu, birok Eysaptın uuldarı al jerdi tartıp alışkan. Israyıl eli Teŋir muraska bergen jerdi kantip eelep alsa, Eysaptın uuldarı da alardı jok kılıp, alardın jerin oşentip eelep alışkan”.

¹³Teŋir maga: “Jıynalıp, Zeret öröönünön ötkülö”, – dedi. Oşondo biz Zeret öröönünön öttük.

¹⁴Biz Kadeş-Barneyiden çıgıp, Zeret öröönünön ötköngö çeyin otuz segiz jıl öttü. Bizdin arabızdagı soguşka jaragan erkek attuunun baarı kırıldı, antkeni Teŋir alarga uşunday ubada bergen.

¹⁵Bizdin arabızdan alardı jok kılış üçün, alar kırılıp jok bolgonço, Teŋir Öz kolun alardın üstünön algan jok.

¹⁶Soguşka jaragan erkek attuunun baarı ölgöndön kiyin,

¹⁷Teŋir maga mınday dedi:

¹⁸“Sen azır Maap çek arası Ardın janınan ötüp,

¹⁹amonduktarga jakındap kaldıŋ. Alar menen kastaşpa da soguşpa. Men senin ençiŋe amonduktardın jerinen berbeym, antkeni al jerdi Lottun uuldarının ençisine bergem”.

²⁰Al jer repalıktardın da jeri bolup eseptelçü. Murun al jerde repalıktar jaşaçu. Amonduktar bolso alardı zumzumduktar deşet.

²¹Alar Anaktın uuldarınday alp, uzun boyluu, köp sandagan el bolgon. Teŋir alardı amonduktardın köz aldında kırıp salgan. Amonduktar alardın jerin eelep alıp, oşol jerge oturuktaşıp kalışkan.

²²Teŋir Seirde jaşagan Eysaptın uuldarının köz aldında horilikterdi kırıp salganday ele, amonduktar da alardı kuup, alardın jerine oturuktaşıp, bügünkü küngö çeyin jaşap kalıştı.

²³Kaptordon çıkkan kaptorluktar da Azanın tegeregindegi ayıl-kıştaktarda jaşagan abahtıktardı kırıp, alardın orduna oturuktaşıp alıştı.

²⁴Teŋir maga: “Jıynalıp, jolgo çıkkıla da, Arnon suusunan ötkülö. Emi Men Keşpon padışası amorluk Sihondu jeri menen koşo koluŋa berem. Al jerdi eeley başta, alarga karşı soguş aç.

²⁵Men bügündön baştap jer üstündögü elderdi senden korkup, üröyü uça turganday kılam. Sen jönündö ukkandar senden korkup, üröyü uça turgan boluşat”, – degen.

²⁶Anan men Kedemot çölünön Keşpon padışası Sihongo tınçtık jönündö süylöşkönü elçilerdi jönöttüm. Alar aga mınday dep aytıştı:

²⁷“Senin jeriŋen ötüügö uruksat et. Men jol menen ötöm, oŋgo da, solgo da kayrılbaym.

²⁸Tamak-aştı maga kümüşkö sat, satıp alıp jeyin; suunu da kümüşkö sat, satıp alıp içeyin da, butum baskan jer menen gana ötüp kete bereyin.

²⁹Seirde jaşagan Eysaptın uuldarı menen Arda jaşagan maaptıktar maga kanday kılışsa, Kuday-Teŋiribiz berip jatkan jerge İordan arkıluu ötüp ketkençe, sen da oşondoy kıl”.

³⁰Birok Keşpon padışası Sihon bizdi öz jerinen ötkörüügö makul bolgon jok, antkeni Kuday-Teŋir anı senin koluŋa salıp beriş üçün, özüŋ körüp turganday, anı kataaldantıp, öjörlöntüp salgan.

³¹Anan Teŋir maga mınday dedi: “Emi Men saga Sihondu jeri menen koşo koluŋa salıp bere baştaym, anın jerin eeley başta”.

³²Oşondo Sihon büt eli menen bizge karşı Jaasta soguş açtı.

³³Kuday-Teŋiribiz anı bizdin kolubuzga salıp berdi, biz anın özün da, baldarın da, büt elin kırıp saldık.

³⁴Biz oşol uçurda anın bardık şaarların basıp alıp talkalap saldık, erkekterin da, ayaldarın da, baldarın da tirüü kaltırgan jokpuz.

³⁵Birok biz basıp algan şaarlardagı alardın mal-mülkün oljolop aldık.

³⁶Arnon suusunun jeegindegi Aroyer şaarınan tartıp örööndö jaygaşkan şaardan tartıp Gilatka çeyin biz basıp albagan bir da şaar kalgan jok. Bardıgın Kuday-Teŋiribiz bizdin kolubuzga salıp berdi.

³⁷Kuday-Teŋiribiz bizge tıyuu salgan amonduktardın jerine, Jabok suusunun tegeregindegi jerlerge, too koynundagı şaarlarga gana jakındagan joksuŋ.