Read NT LS 2005 – Инжил ЛС (2005 Mıyzamdı kaytaloo 20 Bible Online

Mıyzamdı kaytaloo 20 - NT LS 2005 – Инжил ЛС (2005 bible

Mıyzamdı kaytaloo 20

¹Duşmanga karşı soguşka çıkkanıŋda, alardın attarı menen maydan arabaları, eli senikinen alda kança köp ekenin körgönüŋdö, alardan korkpo, antkeni seni Misir jerinen alıp çıkkan Kuday-Teŋiriŋ seni menen.

²Soguşka kireriŋerde, ıyık kızmat kıluuçu kelip, elge kayrılıp, mınday desin:

³“Kulak sal, Israyıl! Siler bügün duşmandarıŋar menen soguşasıŋar. Jürögüŋör opkoljubasın, tınçsızdanbagıla, korkpogula.

⁴Antkeni Kuday-Teŋiriŋer silerdin duşmandarıŋar menen salgılaşış üçün, silerdi saktaş üçün, siler menen bara jatat”.

⁵Közömöldööçülörüŋör bolso elge mınday dep aytışsın: “Kim üy salıp, aga kire elek bolso, al üyünö kaytsın, sebebi al soguşta ölüp kalsa, başka biröö kirip alat.

⁶Kim jüzümzar oturguzup, anın tüşümün jıynay elek bolso, al üyünö kaytsın, sebebi al soguşta ölüp kalsa, başka biröö anın tüşümün jıynap alat.

⁷Kim ubadalaşıp koyup üylönö elek bolso, soguşta ölüp kalbaşı üçün, koluktusun başka biröö alıp albaşı üçün, üyünö kaytsın”.

⁸Közömöldööçülör elge dagı mınday dep aytışsın: “Kim korkok, suu jürök bolso, al bir tuugandarın maytarıltpaş üçün, üyünö kaytsın”.

⁹Közömöldööçülör bulardın baarın elge aytıp bütköndön kiyin, elge asker başçılardı dayındaşı kerek.

¹⁰Şaardı basıp alganı jakındaganıŋda, aga tınçtık sunuş kıl.

¹¹Egerde al seni menen tınçtık kelişimin tüzüügö makul bolup, saga darbazasın açıp berse, anda şaarda jaşagan bardık el saga salık tölöp, kızmat kılsın.

¹²Egerde al tınçtık kelişimin tüzüügö makul bolboy, seni menen soguşa turgan bolso, anda şaardı kurça.

¹³Kuday-Teŋiriŋ anı senin koluŋa salıp bergende, al jerdegi erkek attuunun baarın kılıçtap kırıp sal.

¹⁴Kuday-Teŋiriŋ koluŋa salıp bergen duşmanıŋdın şaarındagı ayaldardı, baldardı, maldı, bolgon dünüyösün alıp paydalan.

¹⁵Al elderge karaştuu emes, senden ötö alıs jaygaşkan şaarlardı da tak uşunday kıl.

¹⁶Al emi Kuday-Teŋiriŋ senin ençiŋe berip jatkan mına bul elderdin şaarlarında jaşagan adamdardın birin da tirüü kaltırba.

¹⁷Kuday-Teŋiriŋ buyruganday, hettikterdi, amorluktardı, kanaandıktardı, perezdikterdi, hibilikterdi, jebustuktardı kırıp sal.

¹⁸Alar silerdi öz kudaylarına tabınuu uçurunda kılgan jiyirkeniçtüü işterine üyrötpöşü üçün, Kuday-Teŋiriŋerdin aldında künöö kılbaşıŋar üçün, alardı kırıp salgıla.

¹⁹Egerde bir şaardı basıp alış üçün, kurçoodo köpkö karmap tursaŋ, anda jemişi jele turgan daraktarına tiybe, alardı kıyba, antkeni talaadagı daraktar senden kaçıp jaşıngıday, adam emes.

²⁰Özüŋ bilgen, jemişi jegenge jarabagan daraktardı gana kıyıp, kulatsaŋ bolot. Alardan seni menen salgılaşıp jatkan şaarlarga karşı çepterdi kursaŋ bolot.