Read NT LS 2005 – Инжил ЛС (2005 Mıyzamdı kaytaloo 23 Bible Online

Mıyzamdı kaytaloo 23 - NT LS 2005 – Инжил ЛС (2005 bible

Mıyzamdı kaytaloo 23

¹Kimdin enegi zıyanga uçuragan bolso je bala törötö turgan müçösü bıçılıp kalsa, al Teŋirdin jamaatına kirbesin.

²Nikesiz törölgön bala da Teŋirdin jamaatına kirbesin, anın onunçu muunu da Teŋirdin jamaatına kirbesin.

³Amonduktar menen maaptıktar da Teŋirdin jamaatına kirbesin, alardın onunçu muunu da Teŋirdin jamaatına kirbesin.

⁴Antkeni siler Misirden çıkkanda, alar silerdi nan, suu menen tosup alışkan emes, seni kargaş üçün, Mesopotamiyanın Pıtorunan Beyor uulu Bilamdı alar saga karşı jaldaşkan.

⁵Birok Kuday-Teŋiriŋ Bilamdı ukkusu kelgen jok. Kuday-Teŋiriŋ anın kargışın bataga aylanttı, antkeni Kuday-Teŋiriŋ seni süyöt.

⁶Ömürüŋ ötkönçö alarga tınçtık da, iygilik da kaalaba.

⁷Edomduktardı jek körbö, antkeni alar senin bir tuugandarıŋ. Misirlikterdi da jek körbö, antkeni sen alardın jerinde kelgin bolgonsuŋ.

⁸Alardın üçünçü muununan törölgön baldar Teŋirdin jamaatına kire alat.

⁹Duşmanıŋa karşı soguşka bet alganıŋda, bardık jaman nerselerden saktan.

¹⁰Egerde tünkü okuyadan ulam kimdir biröö taza emes bolup kalsa, anda al standın sırtına çıksın, stanga kirbesin.

¹¹Keç kirgende denesin suuga juusun. Stanga kün batkanda kirsin.

¹²Çıga turgan jeriŋ standın sırtında bolsun.

¹³Kuralıŋdan tışkarı kürögüŋ da bolsun. Standın sırtına çıkkanıŋda, çuŋkur kazıp otur da, çıkkan nerseni kömüp sal.

¹⁴Antkeni Kuday-Teŋiriŋ seni kutkarış üçün jana duşmandarıŋdı koluŋa salıp beriş üçün, stanıŋdı aralap jüröt, oşonduktan Al senin taza emes bir nerseŋdi körüp, senden ketip kalbaşı üçün, stanıŋ ıyık bolsun.

¹⁵Kojoyununan kaçıp kelgen kuldu kojoyununa karmap berbe.

¹⁶Al sen jaşagan jerdin kaysı jerin jaktırıp tandap alsa, oşol jerde, silerdin araŋarda jaşay bersin, anı kısımga alba.

¹⁷Israyıl kızdarının arasında buzulgan kız, Israyıl uuldarının arasında buzulgan uul bolbosun.

¹⁸Buzulgan ayaldın je buzulgan erkektin kaysı ubada boyunça bolbosun alıp kelgen nersesin Kuday-Teŋiriŋdin üyünö kirgizbe, antkeni Kuday-Teŋiriŋdin aldında eköönükü teŋ jiyirkeniçtüü.

¹⁹Bir tuuganıŋa karızga kümüş je dan berseŋ, üstök koşup alba.

²⁰Sen eelegeni bara jatkan jerde Kuday-Teŋiriŋ bardık işteriŋe batasın berişi üçün, bötön jerlikten üstök alsaŋ al, birok bir tuuganıŋdan alba.

²¹Egerde Kuday-Teŋiriŋe ubada berseŋ, anı keçiktirbey atkar, antkeni Kuday-Teŋiriŋ anı senden tölötüp alat, senin moynuŋda künöö kalat.

²²Egerde ubada berbeseŋ, anda künöölüü bolboysuŋ.

²³Oozuŋdan çıkkandı bek karmap, tak atkar, antkeni Kuday-Teŋiriŋe öz kaalooŋ menen tartuu berem dep, öz oozuŋ menen ubada bergensiŋ.

²⁴Biröönün jüzümzarına kirseŋ, anın mömösünön kaalaşınça je, birok idişiŋe salıp alba.

²⁵Biröönün egin talaasına barsaŋ, maşaktarınan koluŋ menen üzüp al, birok orok menen orup alba.