Read NT LS 2005 – Инжил ЛС (2005 Mıyzamdı kaytaloo 25 Bible Online

Mıyzamdı kaytaloo 25 - NT LS 2005 – Инжил ЛС (2005 bible

Mıyzamdı kaytaloo 25

¹Egerde eki adamdın ortosunda çatak bolso, alardın işin başkaruuçular teriştirişsin. Alar işi aktı aktap, işi karanı ayıptaşsın.

²Egerde ayıpker balak aluuga tatıktuu bolso, anda başkaruuçu özünün közünçö andan ayıbına jaraşa balak aldırsın.

³Andan kırktan aşık balak alınbasın. Egerde aşık balak alınsa, senin aldıŋda bir tuuganıŋ kemsintilgen bolot.

⁴Egin bastırıp jatkan ögüzüŋdün oozun taŋba.

⁵Egerde eki bir tuugan birge jaşap, anın biri bala körböy ölüp kalsa, anda ölgöndün ayalı bötön kişige turmuşka çıkpasın. Kayın agası bolobu, kayın inisi bolobu, anı alıp, anı menen jaşasın.

⁶Ölgön bir tuuganının atı Israyıl elinin arasınan öçpöşü üçün, anın tun balası ölgön bir tuuganının balası bolup eseptelsin.

⁷Egerde al jesir kelinin je jeŋesin algısı kelbese, jesir jeŋesi je kelini darbaza aldına, aksakaldarga barıp: “Kaynim (kaynagam) menden baş tartıp, öz bir tuuganının atın Israyıl arasınan öçürgönü jatat, meni algısı kelbey jatat”, – desin.

⁸Oşondo şaardın aksakaldarı anı çakırtıp alıp, köndürüşü kerek. Egerde al: “Anı algım kelbeyt”, – dep turup alsa,

⁹anda jeŋesi (kelini) aksakaldardın közünçö aga basıp barıp, ötügün çeçip alıp, betine jaba tükürüp: “Öz bir tuuganının tukumun ulantpagan kişini uşunday kılat”, – desin.

¹⁰Israyılda aga “Jılaŋayaktın üyü” degen at koyuşat.

¹¹Erkekter öz ara muştaşıp jatkanda, birinin ayalı urup jatkandın kolunan öz küyöösün çıgarıp alış üçün, tiginin jan jerin karmap alsa,

¹²anda ayaldın kolun kesip sal. Aga booruŋ açıbasın.

¹³Baştıgıŋa eki başka salmaktagı, çoŋ jana kiçinekey taraza taştarın salba.

¹⁴Senin üyüŋdö sıyımduulugu eki başka, çoŋ jana kiçine bolgon eypa bolbosun.

¹⁵Kuday-Teŋir berip jatkan jerde uzak ömür sürüşüŋ üçün, taraza taşıŋ da, eypaŋ da tak jana tuura bolsun.

¹⁶Antkeni uşunday jalgan iş kılgan adam Kuday-Teŋiriŋdin aldında jiyirkeniçtüü.

¹⁷Siler Misirden çıgıp kele jatkanda, amalıktıktardın silerge emne kılganın esiŋerden çıgarbagıla.

¹⁸Al seni joldo kanday toskonun, çarçap-çaalıgıp kele jatkanıŋda, Kudaydan korkpoy, senin artıŋda alsırap kalgandardı öltürgönün esiŋden çıgarba.

¹⁹Oşonduktan Kuday-Teŋiriŋ berip jatkan jerdi eelep alganıŋda, Kuday-Teŋiriŋ seni tegeregiŋdegi bardık duşmandarıŋdan kutkarıp, saga tınçtık bergende, amalıktıktardı jer üstünön jok kıl, unutpa.