Read NT LS 2005 – Инжил ЛС (2005 Mıyzamdı kaytaloo 3 Bible Online

Mıyzamdı kaytaloo 3 - NT LS 2005 – Инжил ЛС (2005 bible

Mıyzamdı kaytaloo 3

¹Biz al jerden burulup, Başanga bet aldık. Başan padışası Og öz eli menen Edreydin janında bizge karşı soguş açtı.

²Oşondo Teŋir maga: “Andan korkpo, antkeni anı büt eli-jeri menen koşo senin koluŋa salıp berem. Sen Keşpondo jaşagan Amor padışası Sihondu kanday kılsaŋ, anı da oşondoy kılasıŋ”, – dedi.

³Anan Kuday-Teŋiribiz Başan padışası Ogdu bardık eli menen bizdin kolubuzga salıp berdi. Biz alardın eç kimisin tirüü kaltırbay kırıp saldık.

⁴Biz oşol uçurda anın bardık şaarların basıp aldık. Alardın biz basıp albagan bir da şaarı kalgan jok. Altımış şaardı, argoptuktardın büt aymagın, Başan padışası Ogdun padışaçılıgın basıp aldık.

⁵Bul şaarlardın bardıgı biyik dubaldar menen kurçalgan, darbazaları bekem kulpular menen bekitilgen şaarlar eken. Bulardan sırtkarı dubal menen kurçalbagan köptögön şaarlardı basıp aldık.

⁶Keşpon padışası Sihondun büt şaarların talkalap, erkekterin, ayaldarın, baldarın kırıp salganday, alardı da talkalap, elin kırıp saldık.

⁷Al emi alardın şaarlarındagı mal-mülkün oljolop aldık.

⁸Biz oşol uçurda amorluk eki padışanın kolunan İordandın berki öyüzündögü Arnon suusunan Hermon toosuna çeyinki jerlerdi tartıp aldık.

⁹Sidonduktar Hermondu Sirion deşet, amorluktar bolso anı Senir deşet.

¹⁰Tüzdüktögü bardık şaarlardı, bütkül Gilat jerin, Salha menen Edreyge çeyinki bütkül Başan jerin, Başan padışası Ogdun şaarlarının bardıgın basıp aldık.

¹¹Repalıktardın içinen Başan padışası Og gana kaldı. Anın jatkan ordu temirden, al azır amonduktar jaşagan Rabede turat. Erkekterdin çıkanagı menen çenegende, anın uzundugu toguz çıkanak, tuurası tört çıkanak.

¹²Biz oşol uçurda Arnon suusunun jeegindegi Aroyerden tartıp Gilat tooloruna çeyinki şaarlardı basıp aldık. Gilat toosunun jarımın şaarları menen Rubeyin, Gat uruularına berdim.

¹³Al emi Gilattın kalgan jarımın, Og padışaçılık kılgan büt Başan jerin, Başan jerindegi Argop aymagın Menaşenin jarım uruusuna berdim.

¹⁴Menaşenin uulu Jayır Geşur menen Maah çegine çeyin jatkan bütkül Argop aymagın basıp alıp, Başan aymagın öz atı menen Jayır kıştaktarı dep atadı. Al azır da uşunday atalat.

¹⁵Mahirge men Gilattı berdim.

¹⁶Al emi Rubeyin menen Gat uruusuna Gilattan Arnon suusuna çeyin, Arnondon Amon uuldarının çek arası bolgon Jabok suusuna çeyin berdim.

¹⁷Oşondoy ele Kineretten tartıp çıgıştı karay ketken Pizgi toosunun eteginde jatkan Tuzduu deŋizge çeyinki tüzdüktü jana batış çek arası bolup eseptelgen İordandı berdim.

¹⁸Men oşol uçurda silerge mınday buyruk bergem: “Kuday-Teŋiriŋer uşul jerlerdi büt boydon silerdin ençiŋerge berdi. Soguşka jaraganıŋardın baarı kuraldanıp, bir tuuganıŋar bolgon Israyıl uuldarının aldında jönögülö.

¹⁹Teŋir silerge bergen tınçtıktı bir tuugandarıŋarga da bermeyinçe jana alar Kuday-Teŋiriŋer berip jatkan İordandın arkı öyüzündögü jerlerdi eelep alışmayınça, ayaldarıŋar, baldarıŋar, malıŋar gana men bergen şaarlarda kalışsın. Eelep alışkandan kiyin gana ar biriŋer men bergen öz ençiŋerge kaytıp kelesiŋer”.

²¹Oşol uçurda Jaşıyaga da mınday osuyat bergem: “Kuday-Teŋiriŋer uşul eki padışanı emne kılganın öz közüŋ menen kördüŋ. Teŋir sen basıp ötö turgan padışaçılıktardı da oşondoy kılat.

²²Alardan korkpogula, antkeni silerdin Kuday-Teŋiriŋer siler üçün Özü küröşöt”.

²³Men oşol uçurda Teŋirge mınday dep sıyıngam:

²⁴“O Egeder Teŋirim, Sen Öz kuluŋa Özüŋdün uluuluguŋ menen küçtüü koluŋdu körsötö baştadıŋ, antkeni asmanda da, jerde da Sen kılgan işterdi kıla ala turgan, Senin kuduretiŋdi körsötö ala turgan kuday jok!

²⁵Meni İordandın arkı öyüzünö ötkörüp, jer soorusun, eŋ kooz toonu jana Lebanondu körsöt”.

²⁶Birok Teŋir silerdin ayıŋardan maga kaardanıp, meni ukpay, maga mınday dedi: “Boldu, jetişet, mından arı Maga al tuuraluu aytpa.

²⁷Pizgi toosunun çokusuna çıgıp, deŋiz jakka, tündükkö, tüştükkö, çıgışka köz çaptırıp, öz közüŋ menen körüp al, antkeni sen mına bul İordandan arı ötpöysüŋ.

²⁸Jaşıyaga akıl-nasaat aytıp, dem-küç berip bekemde, antkeni al eldi jetektep, sen köz çaptırıp körö turgan jerdi alarga ençilep bölüp beret”.

²⁹Oşentip, biz Beyt-Peyordun karşısındagı örööngö kelip toktoduk.