Read NT LS 2005 – Инжил ЛС (2005 Mıyzamdı kaytaloo 31 Bible Online

Mıyzamdı kaytaloo 31 - NT LS 2005 – Инжил ЛС (2005 bible

Mıyzamdı kaytaloo 31

¹Musa Israyıl uuldarına mına bul sözdördü ayttı:

²«Azır men jüz jıyırma jaşka çıktım, mından arı silerdi baştap jürö albaym. Teŋir Özü da maga: “Sen bul İordandan ötpöysüŋ”, – degen.

³Kuday-Teŋiriŋ senin aldıŋda Özü barat. Al bul elderdi senin aldıŋan jok kılat, sen alardı kuup çıgasıŋ. Teŋir aytkanday, Jaşıya senin aldıŋda barat.

⁴Teŋir amorluktardın padışaları Sihon menen Ogdu jana alardın jerlerin kanday kılsa, bulardı da tak oşondoy kıyratat.

⁵Teŋir alardı silerdin koluŋarga salıp beret, alarga men buyruganday kılgıla.

⁶Bekem, kayrattuu bolgula, alardan korkpogula, üröyüŋördü uçurbagıla, antkeni Kuday-Teŋiriŋer Özü siler menen barat, silerden alıstabayt, silerdi taştabayt».

⁷Anan Musa Jaşıyanı çakırıp alıp, ısrayıldıktardın közünçö aga mınday dedi: «Bekem, kayrattuu bol, antkeni sen bul el menen Teŋir ata-babalarına ubada kılgan jerge barıp, al jerdi aga bölüp beresiŋ.

⁸Teŋir Özü senin aldıŋda barat, Özü seni menen bolot, senden alıstabayt, seni taştabayt, korkpogun jana üröyüŋ uçpasın».

⁹Anan Musa bul mıyzamdı jazıp, anı ıyık kızmat kıluuçularga, Teŋirdin kelişim sandıgın kötörüp jürgön Lebi uuldarına jana Israyıl aksakaldarına berdi.

¹⁰Musa alarga mınday dep osuyattadı: «Jeti jılda bir boluuçu keçirim jılında, Alaçıktar mayramında,

¹¹bütkül Israyıl eli Kuday-Teŋiriŋdin aldına, Al Özü tandap algan jerge kelgende, bütkül Israyıl eline bul mıyzamdı uguza okup ber.

¹²Eliŋdi: erkekter menen ayaldardı, baldardı, araŋarda jaşagan kelginderdi çogultup kel. Alar bul mıyzamdı ugup, Kuday-Teŋirden korkuunu üyrönüşsün, mıyzamdın bardık sözdörün atkaruuga araket kılışsın.

¹³Bul mıyzamdı bilbegen alardın baldarı da siler eeleş üçün İordandan ötüp bara jatkan jerde jaşap jatkanıŋarda, anı ugup, Teŋirden korkuunu üyrönüşsün».

¹⁴Anan Teŋir Musaga: «Senin ölö turgan künüŋ jakındap kaldı. Jaşıyanı çakır, ekööŋ jıyın çatırının aldına kelgile, Men aga körsötmö berem», – dedi. Musa menen Jaşıya jıyın çatırının aldına kelip turuştu.

¹⁵Oşondo Teŋir jıyın çatırına bulut içinde keldi. Bulut mamısı jıyın çatırının aldına turup kaldı.

¹⁶Anan Teŋir Musaga mınday dedi: «Sen emi ata-babalarıŋa koşulasıŋ, bul el bargan jerinde buzulup, başka kudaylardı eerçip, özü menen tüzgön kelişimimdi buzup, Meni taştap ketet.

¹⁷Oşol künü Men bul elge kaardanıp, anı taştap salam, andan Öz jüzümdü jaşıram. Oşondo al kırılat, köp kırsıkka uçurap, kaygıga batat, oşol künü: “Arabızda Kuday-Teŋiribiz jok bolgonduktan, uşunday kırsıkka uçurap jatabız”, – dep aytat.

¹⁸Alar başka kudaylarga kayrılıp, kılgan mıyzamsızdıktarı üçün, oşol künü Men alardan Öz jüzümdü jaşıram.

¹⁹Oşonduktan bul ırdı jazıp alıp, Israyıl uuldarına üyrötkülö. Israyıl uuldarının aldında Maga kübö bolup turuşu üçün, bul ırdı Israyıl uuldarına jattatkıla.

²⁰Antkeni Men alardı süt menen bal akkan jerge, alardın ata-babalarına ubada kılgan jerge alıp baram. Alar içip-jep toyup, semirgenden kiyin, başka kudaylarga kayrılıp, alarga tabınıp kalışat. Menden baş tartıp, Menin kelişimimdi buzuşat.

²¹Alar köp kırsıktarga uçurap, kaygıga batışkanda, bul ır alarga karşı kübö bolsun, sebebi bul ır alardın ukum-tukumunun oozunan tüşpöyt. Azır emneni oylop jatışkanın Men alardı ubada kılgan jerge alıp bara elekte ele bilip turam».

²²Musa al ırdı oşol künü jazıp alıp, Israyıl uuldarına üyröttü.

²³Anan Teŋir Nundun uulu Jaşıyaga mınday dedi: «Bekem, kayrattuu bol, antkeni sen Israyıl uuldarın Men alarga ubada kılgan jerge alıp barasıŋ, Men seni menen bolom».

²⁴Musa bul mıyzamdın baarın kitepke jazıp bütköndö,

²⁵Teŋirdin kelişim sandıgın kötörüp jürgön lebilerge mınday buyruk berdi:

²⁶«Bul mıyzam kitebin alıp, Kuday-Teŋiriŋerdin, kelişim sandıgının oŋ jagına salıp koygula, al oşol jerde saga karşı kübö bolot.

²⁷Antkeni men senin öjör jana toŋ moyun ekeniŋdi bilem. Azır men siler menen birge jaşap jatkanda da, siler Teŋirdin aldında öjörsüŋör. Men ölgöndön kiyin, siler ogo beter küçöysüŋör.

²⁸Maga uruu aksakaldarıŋardı, közömöldööçülörüŋördü çogultup kelgile. Men bul sözdördü alarga uguza aytıp bereyin, alarga karşı asman menen jerdi kübögö tartayın.

²⁹Antkeni men ölgöndön kiyin, körsötkön joldon çıgıp buzularıŋardı bilem. Teŋirge jakpagan işterdi kılıp, Anı kaardantkanıŋar üçün, akırkı kündörü başıŋarga müşkül tüşöt».

³⁰Musa bütkül Israyıl eline al ırdı ayagına çeyin ırdap berdi: