Read NT LS 2005 – Инжил ЛС (2005 Mıyzamdı kaytaloo 33 Bible Online

Mıyzamdı kaytaloo 33 - NT LS 2005 – Инжил ЛС (2005 bible

Mıyzamdı kaytaloo 33

¹Kudaydın kişisi Musanın Israyıl uuldarına ölör aldında bergen batası mınday:

²«Teŋir Sinaydan keldi, alarga Seirden jarkırap köründü, Paran toosunan köründü, sansız ıyıktar menen keldi. Anın oŋ jagında mıyzam otu jalındap turat.

³Çınında, Al Öz elin süyöt. Anın ıyıktarı Öz kolunda, Senin sözdörüŋdü uguş üçün, alar butuŋa jıgılıştı.

⁴Musa bizge mıyzam berdi, Jakıptın jamaatına muras kaltırdı.

⁵Israyıl uruuları menen birge eldin başçıları çogulganda, al Israyılga padışa boldu.

⁶Jaşasın Rubeyin, al ölbösün, tukumu az bolbosun!»

⁷Al emi Jüyüt jönündö mınday dedi: «Teŋir, Jüyüttün ünün uk, anı öz eline alıp kel. Al özün öz kolu menen korgoy alsın, Sen aga duşmandarına karşı küröştö jardam ber».

⁸Lebi jönündö mınday dedi: «Senin urimiŋ menen tumimiŋ Sen Masada sınagan, Meriba suusunun boyunda Seni menen tireşken ıyık adamıŋdın üstündö.

⁹Al atası menen enesi jönündö: “Men alardı karabaym”, – dep aytat. Al öz bir tuugandarın da taanıbayt, öz baldarın da bilbeyt. Antkeni alar – Senin sözüŋdü atkargan, Senin kelişimiŋdi saktagan lebiler.

¹⁰Alar Jakıpka Senin mıyzamıŋdı, Israyılga Senin osuyattarıŋdı üyrötüşöt, Senin aldıŋda jıpar jıttuu zat tütötüp, Saga arnap bütündöy örttölüüçü kurmandıktardı çalışat.

¹¹Anın küç-kubatına bataŋdı ber, Teŋir, anın işterine iygilik ber, anın aldında turuştuk bere albaşı üçün, aga karşı çıkkandardın, anı jek körgöndördün belin sındır».

¹²Benjemin jönündö mınday dedi: «Teŋir süygön adam Anın aldında beykapar jaşayt, ar künü anı Kuday kalkalayt, al Kudaydın jerinde koopsuz jaşayt».

¹³Jusup jönündö mınday dedi: «Teŋir anın jerin asman baylıktarı menen, şüüdürüm menen, jerdin tüpküründö jatkan baylıktar menen,

¹⁴kün menen aydın astında öskön eŋ jakşı jemişter menen,

¹⁵bayırkı toolordo, tübölüktüü döbölördö öskön eŋ sonun mömölör menen,

¹⁶jerdi tolturgan eŋ jakşı tüşüm menen jalgasın. Tikenektüü badalga Kelgendin batası Jusupka tiysin, bir tuugandarının içinen eŋ jakşısına tiysin.

¹⁷Anın küçü birinçi tuulgan bukanıkınday, müyüzü buyuboldun müyüzündöy. Al müyüzü menen büt elderdi jerdin tübünö çeyin süzö kaçırsın. Bul – Eprayımdın tümöndögön tukumu, bul – Menaşenin miŋdegen tukumu».

¹⁸Zabulun jönündö mınday dedi: «Öz joluŋda oynop-kül, Zabulun. Öz çatırıŋda köŋül aç, İsahar.

¹⁹Alar toogo el çakırıp, al jerde ıraazıçılık kurmandıktarın çalışat, antkeni alar deŋiz baylıktarı menen azıktanıp, kumdun içinde jatkan kençke bölönüşöt».

²⁰Gat jönündö mınday dedi: «Gat tukumun Taratkanga daŋk! Al arstanday bolup jatat, koldu da, baştı da talkalayt.

²¹Al jerdin jakşısın tandap aldı, oşol jerde al başçının ençisin alıp urmatka bölöndü. Al el başçıları menen kelip, Teŋirdin adilettigin jana ökümdörün Israyıl menen birge işke aşırdı».

²²Dan jönündö mınday dedi: «Başandan çurkap çıkkan Dan – jaş arstan».

²³Naptalı jönündö mınday dedi: «Naptalı jakşılıkka tungan, Teŋirdin batasın mol algan. Deŋiz menen tüştük tarap aga taandık».

²⁴Aşır jönündö mınday dedi: «Başka uuldarının içinen Aşırga köbüröök bata tiygen, al bir tuugandarının arasında kadırluu, butun mayga malat.

²⁵Darbazalarıŋ temir menen jezden bolot, baylıgıŋ kün sanap köböyöt.

²⁶Buluttardın üstündö atak-daŋkı menen asmandan saga jardamga kelgen Israyıldın Kudayınday Kuday jok.

²⁷Senin baş paanaŋ – bayırkı Kuday, seni tübölüktüü koldor korgoyt. Al senin aldıŋdan duşmandarıŋdı kuup çıgıp: “Kırgıla!” – deyt.

²⁸Israyıl koopsuz jaşayt, al jalgız. Jakıp danga bay, şarabı mol, asmandan şüüdürüm tamçılagan jerdi körüp turat.

²⁹Baktıluusuŋ sen, Israyıl! Teŋir saktagan sendey el barbı? Al senin korgooçu kalkanıŋ, daŋktuu kılıçıŋ! Duşmandarıŋ saga jasakerlenişet, sen alardın biyik jerlerin tebelep-tepseysiŋ».