Read NT LS 2005 – Инжил ЛС (2005 Mıyzamdı kaytaloo 34 Bible Online

Mıyzamdı kaytaloo 34 - NT LS 2005 – Инжил ЛС (2005 bible

Mıyzamdı kaytaloo 34

¹Musa Maap tüzdügündögü Jerihonun karşısındagı Nıbo toosunun Pizgi çokusuna çıktı. Teŋir aga Gilattan Danga çeyinki jerlerdi,

²Naptalının jerin, Eprayım menen Menaşenin jerin, Jüyüttün jerin, atügül, kün batıştagı deŋizge çeyinki jerlerdi,

³tüştük jerlerin, Jeriho öröönün, Kurma şaarın, Soarga çeyinki jerlerdi körsöttü.

⁴Anan Teŋir aga mınday dedi: «Ibrayımga, Iskakka, Jakıpka: “Senin tukumuŋa berem,” – dep ubada kılgan jer mına uşul. Bul jerdi Men saga körsöttüm, birok sen aga kirbeysiŋ».

⁵Teŋirdin kulu Musa Teŋirdin sözü boyunça Maap jerinde köz jumdu.

⁶Al Beyt-Peyordun maŋdayındagı Maap jerindegi örööngö koyuldu, al koyulgan jerdi bügünkü küngö çeyin eç kim bilbeyt.

⁷Musa jüz jıyırma jaşka çıgıp köz jumdu. Jüz jıyırma jaşında da anın közünün kurçu ketken emes, aldan-küçtön taygan emes.

⁸Israyıl uuldarı Maap tüzdügündö Musanı joktop, otuz kün aza kütüp ıylaştı. Oşentip, Musanı joktop ıylagan aza kütüü kündörü da öttü.

⁹Nundun uulu Jaşıya akılmandıktın ruhuna toldu, antkeni Musa aga kolun koygon ele. Oşonduktan Israyıl uuldarı aga baş iyip, Teŋir Musaga buyruganday kılıştı.

¹⁰Oşondon kiyin Israyılda Teŋir jüzmö-jüz süylöşkön Musaday paygambar bolgon jok.

¹¹Teŋir anı Misir jerindegi paraongo, anın kuldarına, anın büt jerine jışaandardı, keremetterdi körsötüş üçün jibergen.

¹²Musa al uluu işterdi, zor keremetterdi bütkül Israyıl elinin köz aldında körsötkön.