Read NT LS 2005 – Инжил ЛС (2005 Mıyzamdı kaytaloo 5 Bible Online

Mıyzamdı kaytaloo 5 - NT LS 2005 – Инжил ЛС (2005 bible

Mıyzamdı kaytaloo 5

¹Musa bütkül Israyıl elin çakırıp alıp, alarga mınday dedi: «Uk, Israyıl eli, men bügün silerge ayta turgan körsötmölör menen mıyzamdardı ukkula, alardı jattap algıla, atkarganga araket kılgıla.

²Kuday-Teŋiribiz biz menen Horepte kelişim tüzdü.

³Teŋir al kelişimdi bizdin ata-babalarıbız menen emes, bügün uşul jerde tirüü turgan biz menen tüzdü.

⁴Teŋir siler menen toodo ot içinen betme-bet süylöşkön.

⁵Men bolso oşol uçurda Teŋirdin sözün silerge jetkiriş üçün, Teŋir menen silerdin ortoŋordo turdum, antkeni siler otton korkup, toogo çıkkan joksuŋar. Oşondo Al mınday degen:

⁶“Seni Misir jerinen alıp çıkkan, kulçuluktan boşotkon Kuday-Teŋiriŋ Menmin.

⁷Senin Menden başka kudaylarıŋ bolbosun.

⁸Jogorku asmandagı, tömönkü jerdegi, jerden tömön suudagı nerselerdi süröttöp, jasalma kuday jasaba.

⁹Alarga tabınıp kızmat kılba, antkeni senin Kuday-Teŋiriŋ Men kızgançaak Kudaymın. Meni jek körgöndördün baldarın ata-babalarının künöösü üçün üçünçü, törtünçü tukumuna çeyin jazalagan Kudaymın.

¹⁰Meni süygöndördün, Menin osuyattarımdı atkargandardın miŋinçi tukumuna çeyin ırayım kılgan Kudaymın.

¹¹Kuday-Teŋiriŋdin ısımın kurulay ele ayta berbe, antkeni Anın ısımın kurulay ele ayta bergendi Teŋir jazasız kaltırbayt.

¹²İşembi kündü dayıma ıyık tut, Kuday-Teŋiriŋ saga osuyattaganday, anı ıyık sakta.

¹³Altı kün iştep, ar kanday jumuşuŋdu kıl.

¹⁴Al emi jetinçi kün – Kuday-Teŋiriŋdin işembi künü. Al künü özüŋ da, uuluŋ da, kızıŋ da, kuluŋ da, küŋüŋ da, ögüzüŋ da, eşegiŋ da, başka malıŋ da, üyüŋdögü kelgin da eç kanday jumuş kılbasın, özüŋ es alganday, kuldarıŋ da, küŋdörüŋ da es alsın.

¹⁵Misir jerinde kul bolgonuŋdu, birok Kuday-Teŋiriŋ al jerden seni sunulgan kolu, küçtüü bilegi menen alıp çıkkanın esiŋden çıgarba, oşonduktan Kuday-Teŋiriŋ saga işembi kündü ıyık tutuunu buyrugan.

¹⁶Kuday-Teŋiriŋ berip jatkan jerde özüŋö jakşı bolsun deseŋ, ömürüŋ uzun bolsun deseŋ, Kuday-Teŋiriŋ saga buyruganday, ataŋ menen eneŋdi sıyla.

¹⁷Kişi öltürbö.

¹⁸Oynoştuk kılba.

²⁰Biröö jönündö jalgan uşak aytpa.

²¹Jakınıŋdın ayalına da, üyünö da, jerine da, kuluna da, küŋünö da, ögüzünö da, eşegine da, eç bir nersesine köz artpa”.

²²Bul sözdördü Teŋir toodo, ot içinen, bulut içinen, karaŋgılık içinen katuu ün çıgara bütkül jamaatıŋarga aytkan, andan başka eç nerse aytkan emes. Al sözdördü eki taş lookko jazıp, maga bergen.

²³Siler karaŋgılık içinen ündü ukkanda, too jalındap küyüp turgan, oşondo siler uruu başçılarıŋar, aksakaldarıŋar menen maga kelip, mınday degensiŋer:

²⁴“Kuday-Teŋiribiz bizge Özünün daŋkı menen uluulugun körsöttü. Biz ot içinen Anın ünün uktuk. Bügün biz Kudaydın adam menen süylöşkönün kördük, al adam tirüü kaldı.

²⁵Biz, emne, ölüşübüz kerekpi? Emi bul korkunuçtuu ot bizdi jalmap salat. Egerde Kuday-Teŋiribizdin ünün dagı bir jolu uksak, ölüp kalabız.

²⁶Ot içinen süylögön tirüü Kudaydın ünün bizdey bolup ugup tirüü kalgan adam barbı?

²⁷Sen barıp, Kuday-Teŋiribiz emneni aytsa, oşonun bardıgın ugup kel. Kuday-Teŋiribiz saga emneni aytsa, oşonun bardıgın bizge aytıp ber, biz anı ugabız jana atkarabız”.

²⁸Teŋir silerdin meni menen süylöşköndö aytkan sözdörüŋördü ugup, maga mınday dedi: “Men bul eldin saga aytkan sözdörün uktum, alardın aytkandarının baarı jakşı.

²⁹Birok alardın jürögü uşunday bolso kana! Menden korkup, ömürlörü ötkönçö Menin osuyattarımdı atkarışsa, alarga da, alardın baldarına da tübölükkö jakşı bolor ele.

³⁰Alarga barıp: «Öz çatırlarıŋarga kaytkıla», – dep ayt.

³¹Sen bolso bul jerde Meni menen kal, Men saga mıyzamdar menen körsötmölördü aytam, sen oşol mıyzamdar menen körsötmölördü alarga üyrötüşüŋ kerek. Men alarga ençilep berip jatkan jerde uşulardı atkarışsın”.

³²Baykagıla, Kuday-Teŋiriŋer kanday buyruk kılsa, tak oşondoy kılgıla. Andan oŋgo da, solgo da burulbagıla.

³³Kuday-Teŋiriŋer körsötkön jol menen jürgülö, oşondo tirüü kalıp, öz ençiŋerge algan jerde jakşı jaşap, uzak ömür sürösüŋör.