Read NT LS 2005 – Инжил ЛС (2005 Mıyzamdı kaytaloo 6 Bible Online

Mıyzamdı kaytaloo 6 - NT LS 2005 – Инжил ЛС (2005 bible

Mıyzamdı kaytaloo 6

¹Silerge üyrötüş üçün bergen Kuday-Teŋiriŋerdin osuyattarı, mıyzamdarı, körsötmölörü uşular. Alardı özüŋör eelegeni bara jatkan jerde atkargıla.

²Kuday-Teŋiriŋden korkkun jana uzak ömür sürüş üçün, men saga osuyattap jatkan Anın mıyzamdarı menen osuyattarın özüŋ, baldarıŋ, baldarıŋdın baldarı ömürüŋör ötkönçö atkargıla.

³Oşentip, kulak sal, Israyıl, senin ata-babalarıŋdın Kuday-Teŋiri saga berem degen, süt menen bal akkan jerde jakşı jaşap, ukumdap-tukumdap köböyüşüŋ üçün, uşulardı atkaruuga araket kıl.

⁴Kulak sal, Israyıl: silerdin Kuday-Teŋiriŋer – bir Kuday.

⁵Kuday-Teŋiriŋdi çın jürögüŋ menen, jan-diliŋ menen, bardık küç-kubatıŋ menen süy.

⁶Men bügün osuyattap jatkan uşul sözdördü jürögüŋdö sakta.

⁷Alardı üydö oturganıŋda da, joldo bara jatkanıŋda da, jatkanıŋda da, turganıŋda da baldarıŋa kayra-kayra aytıp üyröt.

⁸Alardı esiŋden çıgarbaş üçün, koluŋa baylap, maŋdayıŋa taŋıp al.

⁹Alardı eşigiŋdin kaşekterine, darbazaŋa jazıp koy.

¹⁰Kuday-Teŋiriŋ ata-babalarıŋ Ibrayımga, Iskakka, Jakıpka berem dep ubada kılgan jerge seni alıp barganda, sen kurbagan çoŋ jana kooz şaarlardı,

¹¹sen jıynabagan baylıkka tolgon üylördü, sen kazbagan kuduktardı, sen tikpegen jüzümzarlardı, sen oturguzbagan zaytun daraktarın beret. Sen alardan toygonço jeysiŋ.

¹²Oşondo baykagın, seni Misir jerinen, kulçuluktan alıp çıkkan Teŋirdi unutpa.

¹³Kuday-Teŋiriŋden korkkun, Aga gana kızmat kıl, Anın ısımı menen ant ber.

¹⁴Başka kudaylardı eerçibegile, tegeregiŋerde jaşagan başka elderdin kudayların eerçibegile.

¹⁵Antkeni araŋarda jaşagan Kuday-Teŋiriŋer – kızgançaak Kuday. Kuday-Teŋiriŋ saga kaardanıp, seni jer betinen jok kılıp salbasın.

¹⁶Kuday-Teŋiriŋerdi Masada sınaganday sınabagıla.

¹⁷Kuday-Teŋiriŋdin saga bergen osuyattarın, körsötmölörün, mıyzamdarın bek sakta.

¹⁸Teŋiriŋ ata-babalarıŋa ubada kılgan jer soorusuna barıp, anı eelep alışıŋ üçün jana al jerde saga jakşı boluş üçün, Teŋirge jakkan, adilettüü, jakşı işterdi kıl.

¹⁹Oşondo Teŋir Özü aytkanday, senin aldıŋan bardık duşmandarıŋdı kuup jiberet.

²⁰Egerde senin balaŋ kiyin senden: “Kuday-Teŋiriŋ bergen osuyattar, mıyzamdar, körsötmölör emneni bildiret?” – dep surasa,

²¹balaŋa mınday dep ayt: “Biz Misirde paraongo kul bolgonbuz, birok Teŋir bizdi Özünün küçtüü kolu menen Misirden alıp çıkkan.

²²Teŋir bizdin köz aldıbızda Misir jerine, paraongo, anın üylörünö jışaandardı, çoŋ keremetterdi, körsötkönün, alardı jazalaganın kördük.

²³Ata-babalarıbızga ubada kılgan jerge bizdi alıp barıp, al jerdi bizge beriş üçün, bizdi Misirden alıp çıktı.

²⁴Oşondo Kuday-Teŋiribizden korkuşubuz üçün, ömürübüz ötkönçö bizge jakşı boluş üçün, ömürübüz bügünküdöy saktalıp kalışı üçün, uşul mıyzamdardın baarın atkaruunu buyrugan.

²⁵Egerde biz uşul mıyzamdardın baarın Kuday-Teŋir buyruganday, Anın aldında atkaruuga araket kılsak, bizdin adilettigibiz uşunda”.