Read NT LS 2005 – Инжил ЛС (2005 Mıyzamdı kaytaloo 7 Bible Online

Mıyzamdı kaytaloo 7 - NT LS 2005 – Инжил ЛС (2005 bible

Mıyzamdı kaytaloo 7

¹Kuday-Teŋiriŋ seni eelegeni bara jatkan jerge alıp barganda, senden alda kança köp jana küçtüü mına bul jeti eldi: hettikterdi, girgeştikterdi, amorluktardı, kanaandıktardı, perezdikterdi, hibilikterdi, jebustuktardı senin aldıŋan kuup çıgıp,

²alardı koluŋa salıp beret, sen alardı kırıp salasıŋ. Oşondo alardın birin da kaltırbay kırıp sal, alar menen kelişim tüzbö, alardı ayaba.

³Alar menen kuda-söök da bolbo: kız alışıp, kız berişpe.

⁴Antkeni alar senin uuldarıŋdı Menden alıstatat, uuldarıŋ başka kudaylarga kızmat kılıp kalışat. Oşondo Teŋir kaardanıp, silerdi tez ele kırıp salat.

⁵Alarga mınday kılgıla: kurmandık çalınuuçu jayların talkalagıla, mamıların kulatkıla, tokoyçolorun kıygıla, balbaldarın otko ırgıtıp, örttöp jibergile.

⁶Antkeni sen Kuday-Teŋiriŋdin ıyık elisiŋ. Jer betindegi bardık elderdin içinen sen Anın Öz eli boluşuŋ üçün, seni Kuday-Teŋiriŋ tandap algan.

⁷Teŋir silerdi başka elderden köp bolgonuŋar üçün tandap algan jok, siler başka elderge karaganda az sandagı elsiŋer.

⁸Teŋir silerdi süygöndüktön, silerdin ata-babalarıŋarga bergen ubadasın atkarış üçün, silerdi Özünün küçtüü kolu menen alıp çıktı. Al seni kulçuluktan, Misir padışası paraondun kolunan kutkarıp aldı.

⁹Oşonduktan bilip jür: senin Kuday-Teŋiriŋ – Kuday, Özünün kelişimin saktagan işenimdüü Kuday. Al Özün süygöndördün jana Özünün osuyattarın atkargandardın miŋinçi tukumuna çeyin Özünün ırayımın körsötöt.

¹⁰Al Özün jek körgöndördün ar birin özünçö jazalayt. Al Özün jek körgöndün jeke özün keçiktirbesten jazalayt.

¹¹Oşonduktan men bügün saga berip jatkan osuyattardı, körsötmölördü, mıyzamdardı atkar.

¹²Egerde sen uşul mıyzamdarga baş iyseŋ, alardı saktasaŋ, atkarsaŋ, anda Kuday-Teŋiriŋ ata-babalarıŋa ubada kılganday, Özünün kelişimin bek saktap, saga ırayım kılat.

¹³Al ata-babalarıŋa ubada kılıp, saga bergen jerde seni süyüp, saga batasın berip, ukumdatıp-tukumdatıp köböytöt. Baldarıŋa, jerden algan tüşümüŋö, eginiŋe, jüzümüŋdün şiresine, zaytun mayıŋa batasın beret, bodo malıŋ menen mayda malıŋdı töldötöt.

¹⁴Başka elderge karaganda bataluu bolosuŋ. Sende tukumsuz erkek, töröbös ayal, töldöbös mal bolboyt.

¹⁵Seni ar kanday oorudan alıs kılat jana Misirdegi sen bilgen oor darttardın eç birin jolotpoyt, birok alardı seni jek körgöndördün baarına jiberet.

¹⁶Kuday-Teŋiriŋ koluŋa salıp berip jatkan elderdi jok kılasıŋ. Alardı ayaba, alardın kudaylarına tabınba, antkeni alar saga jayılgan tor bolot.

¹⁷Egerde saga “Bul elder menden alda kança köptük kılat, alardı men kantip kuup çıgam?” degen oy kelse,

¹⁸alardan korkpo, Kuday-Teŋiriŋdin paraongo jana bütkül Misir jerine emne kılganın este.

¹⁹Öz közüŋ menen körgön oşol uluu sınoolordu, jışaandardı, keremetterdi, Kuday-Teŋiriŋdin sunulgan kolu, küçtüü bilegi menen alıp çıkkanın este. Sen korkup jatkan al elderge Kuday-Teŋiriŋ tak oşondoy kılat.

²⁰Tirüü kalgandardı, kaçıp ketkenderdi jok kılmayınça, Kuday-Teŋiriŋ alarga çoŋ aarılardı jiberet.

²¹Alardan korkpo, antkeni senin Kuday-Teŋiriŋ – uluu jana korkunuçtuu Kuday.

²²Kuday-Teŋiriŋ al elderdi senin jeriŋden akırındık menen kuup çıgat. Talaa jırtkıçtarı köböyüp, saga kol salbaşı üçün, sen al elderdi tez aranın içinde jok kılbaysıŋ.

²³Birok alardı senin koluŋa Kuday-Teŋiriŋ Özü salıp beret. Alarga dürbölöŋ tüşüröt, oşondo alar kırılıp jok boluşat.

²⁴Alardın padışaların da koluŋa salıp beret, sen alardın atın jer üstünön öçürösüŋ. Sen alardı jok kılmayınça, senin aldıŋda eç kim turuştuk bere albayt.

²⁵Alardın jasalma kudayların örttöp jibergile. Al jasalma kudaylardagı altın-kümüştü alam dep oylobo, bolboso torgo tüşüp kalasıŋ. Bul senin Kuday-Teŋiriŋ üçün jiyirkeniçtüü.

²⁶Aga okşop kargışka kalbaşıŋ üçün, anday jiyirkeniçtüü nerseni üyüŋö jolotpo. Anı jek kör, andan jiyirken, antkeni al – kargışka kalgan nerse.