Read NT LS 2005 – Инжил ЛС (2005 Mıyzamdı kaytaloo 8 Bible Online

Mıyzamdı kaytaloo 8 - NT LS 2005 – Инжил ЛС (2005 bible

Mıyzamdı kaytaloo 8

¹Teŋir ata-babalarıŋarga ubada kılgan jerge barıp, anı eelep, tirüü kalışıŋar üçün jana ukumdap-tukumdap köböyüşüŋör üçün, men bügün silerge berip jatkan osuyattardın baarın atkaruuga araket kılgıla.

²Kuday-Teŋiriŋ seni çöldö alıp jürgöndögü büt joluŋdu esiŋden çıgarba. Anın osuyattarın saktarıŋdı je saktabarıŋdı, jürögüŋdö emne bar ekenin biliş üçün, seni sınaş üçün, seni jooşutuu üçün alıp jürgönünö kırk jıl boldu.

³Al saga adam nan menen gana emes, Teŋirdin oozunan çıkkan söz menen jaşarın körsötüş üçün, seni jooşuttu, açkaçılık menen alsırattı jana sen bilbegen, senin ata-babalarıŋ bilbegen manna menen azıktanttı.

⁴Oşol kırk jıldın içinde kiyimiŋ jırtılgan jok, butuŋ şişigen jok.

⁵Atası balasın üyrötköndöy, Kuday-Teŋiriŋ seni üyrötüp jatkanın esiŋden çıgarba.

⁶Oşonduktan Kuday-Teŋiriŋdin jolu menen jür, Andan kork, Anın osuyattarın atkar.

⁷Antkeni Kuday-Teŋiriŋ seni örööndörü menen toolorunan darıyalar, bulaktar jana köldör agıp çıkkan,

⁸buuday, arpa, jüzüm, anar jana anjır daraktarı, zaytun daraktarı öskön, bal akkan jerge alıp bara jatat.

⁹Al jerde sen nandı toygonço jep, eç nerseden kem bolboysuŋ, al jerdin taştarı – temir, al jerdin toolorunan jez kenin alasıŋ.

¹⁰Jep-içip toygonuŋda, saga bergen asıl jeri üçün Kuday-Teŋiriŋe alkış ayt.

¹¹Baykagın, bügün men saga berip jatkan Anın osuyattarın, mıyzamdarın, körsötmölörün atkarbay koybo, Kuday-Teŋiriŋdi unutup kalba.

¹²Jep-içip toygonuŋda jana zaŋgıragan üylördü salıp jaşap jatkanıŋda,

¹³bodo malıŋ menen mayda malıŋ, altınıŋ menen kümüşüŋ köböygöndö, sende bardıgı jetiştüü bolgondo,

¹⁴baykagın, jürögüŋ tekeberdenip ketpesin, seni Misir jerinen, kulçuluktan alıp çıkkan Kuday-Teŋiriŋdi unutup kalba.

¹⁵Al seni uuluu jılan, kara kurt jaşagan korkunuçtuu een kara çöl menen, bir tamçı suusu jok jerler menen alıp ötkön. Al saga aska taştan suu çıgarıp bergen.

¹⁶Akırında saga jakşılık kılış üçün, seni jooşutuş üçün, sınoodon ötkörüş üçün, seni oşol çöldö ata-babaŋ bilbegen manna menen azıktantkan.

¹⁷İçiŋden: “Uşul baylıktı öz kolum menen, öz küçüm menen taptım”, – dep aytpa,

¹⁸Kuday-Teŋiriŋdi esiŋden çıgarba, senin ata-babalarıŋa ant berip tüzgön Özünün kelişimin atkarış üçün, baylık tapkanga küç-kubattı saga Al berip jatat.

¹⁹Egerde sen Kuday-Teŋiriŋdi unutup, başka kudaylardı eerçip ketseŋ, alarga tabınıp, kızmat kılsaŋ, men azır ele aytıp koёyun: sen kırılıp jok bolosuŋ.

²⁰Kuday-Teŋiriŋdin ünün ukpaganıŋ üçün, Teŋir senin aldıŋda jok kılıp jatkan elderge okşop, sen da jok bolosuŋ.