Read NT LS 2005 – Инжил ЛС (2005 Jakan 11 Bible Online

Jakan 11 - NT LS 2005 – Инжил ЛС (2005 bible

Jakan 11

¹Eje-siŋdi Mariyam menen Marta jaşagan Betaniya degen ayılda Lazar degen bir adam oorup jattı.

²Iysanı jıpar jıttuu may menen maylagan, Anın butun çaçı menen aarçıgan uşul Mariyam bolçu. Oorup jatkan Lazar anın bir tuuganı ele.

³«Teŋir, jakşı körgön adamıŋ oorup jatat», – dep, eje-siŋdi Iysaga ayttırıp jiberişti.

⁴Iysa munu ukkanda: «Al bul oorudan ölböyt, bul – Kudaydın daŋktalışı üçün jol berilgen ooru. Bul arkıluu Kuday Uulu daŋktalat», – dedi.

⁵Iysa Martanı, anın siŋdisin jana Lazardı jakşı körçü.

⁶Al Lazardın oorup jatkanın uksa da, jürgön jerinde dagı eki kün boldu.

⁷Andan kiyin şakirtterine mınday dedi: «Jürgülö, Jüyüt aymagına kayra baralı».

⁸Şakirtteri Aga: «Ustat, jüyüttör jakında ele Seni taş baraŋga alıp öltürgönü jatışpadı bele? Anan kayra oşol jakka barganı jatasıŋbı?» – deşti.

⁹Iysa alarga: «Bir kündö on eki saat jarık bolot emespi. Kündüz jürgön adam müdürülböyt, antkeni al bul düynönün jarıgın körüp turat.

¹⁰Al emi tün içinde jürgön adam müdürülöt, antkeni anın içinde jarık jok», – dep joop berdi.

¹¹Iysa bul sözdördü aytkandan kiyin, alarga: «Dosubuz Lazar uktap kaldı, birok Men barıp, anı oygotom», – dedi.

¹²Şakirtteri Aga: «Teŋir! Uktap jatsa, anda ayıgat», – deşti.

¹³Iysa Lazardın ölüp kalganı jönündö aytkan ele, şakirtteri bolso anın jön ele uktap jatkanı jönündö aytıp jatat dep oyloştu.

¹⁴Oşondo Iysa açık ele mınday dedi: «Lazar ölüp kaldı.

¹⁵Siler üçün kubanıp jatam. Silerdin işenip kalışıŋar üçün, Menin al jakta bolbogonum jakşı boldu. Jürgülö, aga baralı».

¹⁶Oşondo Egiz degen da ısımı bar Tomas başka şakirtterge: «Jürgülö, biz da anı menen birge ölölü», – dedi.

¹⁷Iysa kelgende, Lazardın körgö koyulganına tört kün bolgonun uktu.

¹⁸Betaniya menen İerusalimdin ortosundagı aralık boljol menen on beş stadiy bolgonduktan,

¹⁹köptögön jüyüttör Marta menen Mariyamga köŋül aytuuga kelişken ele.

²⁰Marta Iysanın kele jatkanın ukkanda, aldınan tosup çıktı. Mariyam bolso üydö kaldı.

²¹Marta Iysaga: «Teŋir! Sen bul jerde bolgondo, bir tuuganım ölmök emes.

²²Birok men azır da bilem, Sen Kudaydan emne surasaŋ da, Kuday Saga beret», – dedi.

²³Iysa aga: «Bir tuuganıŋ tirilet», – dedi.

²⁴Marta Aga: «Akırkı künü, ölgöndör tirile turgan künü tirilerin bilem», – dedi.

²⁵Iysa aga mınday dedi: «Men tirilüümün jana ömürmün. Maga işengen adam ölsö da, tirilet.

²⁶Maga işenip jaşagan adam ölböyt. Uşuga işenesiŋbi?»

²⁷Marta Aga: «Ooba, Teŋir. Düynögö kele turgan Kuday Uulu Maşayak Sen ekendigiŋe işenem», – dedi.

²⁸Munu aytkandan kiyin, al üyünö bardı da, siŋdisi Mariyamdı tımızın çakırıp alıp: «Ustat bul jerde. Al seni çakırıp jatat», – dedi.

²⁹Munu ugarı menen, Mariyam şaşılış tura kalıp, Iysaga jönödü.

³⁰Iysa ayılga kire elek bolçu, Al Marta menen jolukkan jerde ele.

³¹Mariyamga köŋül aytkanı kelgender anın üydön şaşılış çıgıp ketkenin körüşköndö, «Bir tuuganın joktop ıylaş üçün, mürzögö ketti go», – dep oylop, artınan koşo jönöştü.

³²Mariyam bolso Iysa turgan jerge keldi da, Anı körgöndö, butuna jıgılıp: «Teŋir, Sen bul jerde bolgondo, bir tuuganım ölmök emes», – dedi.

³³Mariyamdın jana anı menen kelgen jüyüttördün ıylaganın körgön Iysanın kaŋırıgı tütöp, jürögü sızdadı.

³⁴«Anı kaysı jerge koyduŋar?» – dep suradı Iysa. «Teŋir, kelip, Özüŋ kör», – dep joop berişti alar.

³⁵Iysa közünö jaş aldı.

³⁶Oşondo jüyüttör: «Karagılaçı, Lazardı Al kanday jakşı körçü!» – deşti.

³⁷Kee biröölör bolso: «Bul sokurdun közün açpadı bele, anan uşunu ölümdön alıp kala algan jokpu?» – deşti.

³⁸Iysa içinen kaygırıp, mürzögö basıp keldi. Al oozu taş menen jabılgan mürzölük üŋkür ele.

³⁹«Taştı alıp salgıla!» – dedi Iysa. Oşondo ölgön Lazardın bir tuuganı Marta Aga: «Teŋir! Jıttanıp ketti go, koyulganına tört kün bolup kalbadıbı», – dedi.

⁴⁰Oşondo Iysa aga: «Men saga: “Egerde işenseŋ, Kudaydın daŋkın körösüŋ”, – dep aytkan jok belem?», – dedi.

⁴¹Üŋkürdün oozunan taştı alıp salışkandan kiyin, Iysa asmandı karap, mınday dedi: «Ata, Meni ukkandıgıŋ üçün, Saga ıraazımın.

⁴²Meni dayıma ugarıŋdı bilem. Birok munu Meni Sen jibergeniŋe uşul jerde turgan el işensin dep aytıp jatam».

⁴³Munu aytkandan kiyin, Al biyik ün menen: «Lazar, çık!» – dedi.

⁴⁴Oşondo kolu-butu kepindelgen Lazar mürzödön çıgıp keldi. Anın beti-başı da oroluu ele. Iysa alarga: «Anın kepinin çeçkile, bassın», – dedi.

⁴⁵Mariyamga kelgen jüyüttördün köpçülügü Iysanın kılgan işin körüşköndö, Aga işenip kalıştı.

⁴⁶Al emi kee biröölörü pariseylerge barıp, Iysanın emne kılganın aytıp berişti.

⁴⁷Oşondo başkı ıyık kızmat kıluuçular menen pariseyler jogorku keŋeşti çakırıp, mınday deşti: «Emne kılsak? Bul Adam köptögön keremetterdi körsötüp jatat.

⁴⁸Egerde Anı uşu boydon tim koysok, baarı Aga işenip kalat. Anan rimdikter kelip, jeribizdi da, elibizdi da basıp alışat».

⁴⁹Alardın biri, oşol jılga başkı ıyık kızmat kıluuçu bolup şaylangan Kayapa mınday dedi: «Siler eç nerseni bilbeysiŋer.

⁵⁰Büt el jok bolgondon körö, el üçün bir adamdın ölgönü siler üçün jakşı bolorun tüşünböysüŋör!»

⁵¹Munu al oyunan çıgarıp aytkan jok: oşol jılı başkı ıyık kızmat kıluuçu bolgonduktan, Iysanın el üçün ölörün aldın ala ayttı.

⁵²Al bir ulut üçün gana emes, Kudaydın çaçırap ketken baldarın çogultuu üçün da ölüşü kerek bolçu.

⁵³Oşol künü alar Iysanı öltürüü jönündö çeçim çıgarıştı.

⁵⁴Oşondon kiyin Iysa jüyüttördün arasında açık jürböy kaldı. Al çölgö jakın jerdegi Eprayım degen şaarga ketti. Al jerde şakirtteri menen boldu.

⁵⁵Jüyüttördün Pasah mayramı jakındap kalgandıktan, ölkönün tuş tarabınan köptögön adamdar mayram aldında tazalanuu üçün, İerusalimge kelişti.

⁵⁶Alar Iysanı izdeşti. İybadatkanada turup alışıp: «Kanday dep oyloysuŋar, Al mayramga kelet boldu beken?» – dep, öz ara süylöşüp jatıştı.

⁵⁷Başkı ıyık kızmat kıluuçular menen pariseyler bolso Iysanı karmaş üçün, «Iysanın kayda ekenin kim bilse, kabarlap koysun!» degen buyruk berişti.