Read NT LS 2005 – Инжил ЛС (2005 Jakan 12 Bible Online

Jakan 12 - NT LS 2005 – Инжил ЛС (2005 bible

Jakan 12

¹Pasah mayramına altı kün kalganda, Iysa Betaniyaga keldi. Bul jerde Al tiriltken Lazar jaşaçu.

²Oşol jerde Aga keçki tamak dayardaştı. Marta kızmat kılıp jürdü. Lazar bolso Anı menen birge bir dastorkondo oturdu.

³Mariyam nard degen ösümdüktön jasalgan jıpar jıttuu, taza maydan bir funt alıp kelip, Iysanın butuna kuydu, anan Anın buttarın çaçı menen sürttü. Üydün içi jıpar jıttuu may jıttanıp kaldı.

⁴Iysanın şakirtterinin biri, kiyin Aga çıkkınçılık kılgan Şımon uulu Jüyüt İskariot mınday dedi:

⁵«Bul maydı üç jüz dinariyge satıp, tüşkön akçanı jakırlarga taratıp berse bolot ele da».

⁶Al munu jakırlar üçün kam körgöndüktön emes, uuru bolgonduktan ayttı. Akça salınuuçu kutu anda bolgonduktan, al aga salıngan akçadan uurdap alçu.

⁷Oşondo Iysa mınday dedi: «Mariyamdı jayına koygula! Al munu Menin körgö koyular künümö saktap jürgön.

⁸Antkeni Men silerdin janıŋarda dayıma ele bolo berbeym, jakırlar bolso dayıma janıŋarda bolot».

⁹Jüyüttördün köbü Iysanın Betaniyada ekenin uguşup, Iysanı gana emes, Al tiriltken Lazardı da körüü üçün, Betaniyaga kelişti.

¹⁰Başkı ıyık kızmat kıluuçular bolso Lazardı da öltürüü jönündö çeçim çıgarıştı.

¹¹Antkeni anı körüü üçün kelgen jüyüttördün köbü Iysaga işenip kalışkan ele.

¹²Kiyinki künü mayramga kelgen eldin köpçülügü Iysanın İerusalimge kelerin uguşkanda,

¹³daraktardın butaktarın alıp: «Dööttün Uuluna daŋk! Teŋirdin atınan Kele Jatkanga, Israyıl elinin Padışasına daŋk!» – dep, Anı kıykırıp tosup çıgıştı.

¹⁴Iysa bir kodikti taap minip algan ele. Bul jönündö Iyık Jazuuda:

¹⁵«Korkpo, Sion kızı! Senin Padışaŋ kodik minip kele jatat!» – dep jazılgan.

¹⁶Şakirtteri munu adegende tüşünüşkön emes. Birok Iysa daŋktalgandan kiyin, alar bul sözdördün Al jönündö jazılgandıgın, Aga oşondoy kılıngandıgın esteşti.

¹⁷Iysanın janında jürgön el Anın Lazardı mürzödön çakırıp, tiriltkenin kübölöndürüp jattı.

¹⁸Oşonduktan Iysanın bul keremetti kılganın ukkan el Anı aldınan tosup çıktı.

¹⁹Pariseyler bolso: «Kördüŋörbü, eç nerse kıla albay kaldıŋar! Büt düynö Anın artınan eerçip ketti!» – dep, öz ara süylöşüp jatıştı.

²⁰Kudayga tabınuu üçün mayramga kelgenderdin arasında ellinder da bar ele.

²¹Alar Galileyanın Betsayida şaarınan bolgon Pilipke kelişip: «Mırza, biz Iysanı körsök dedik ele», – deşti.

²²Pilip bul jönündö Andreyge barıp ayttı. Anan Andrey menen Pilip eköö Iysaga barıp aytıştı.

²³Iysa alarga mınday dep joop berdi: «Adam Uulunun daŋktalar ubaktısı kelip kaldı.

²⁴Çındıktı, silerge çındıktı aytıp koёyun, egerde buudaydın danı jerge tüşköndön kiyin ölbösö, biröö boydon gana kalat. Egerde ölsö, köp tüşüm beret.

²⁵Kim öz janın süysö, al andan tübölükkö ajırayt. Al emi kim bul düynödö öz janın jek körsö, anı tübölük ömür üçün saktap kalat.

²⁶Kim Maga kızmat kılgısı kelse, al Meni eerçisin. Men kaysı jerde bolsom, kızmatçım da oşol jerde bolot. Kim Maga kızmat kılsa, anı Atam urmattayt».

²⁷Anan Iysa mınday dedi: «Azır janım kıynalıp turat. Emne deyin? “Ata! Meni uşul saattan kutkara kör”, – deyinbi? Birok Men uşul saat üçün kelgem.

²⁸Ata! Öz ısımıŋdı daŋkta!» Oşondo asmandan «Daŋktadım, dagı da daŋktaym» degen ün uguldu.

²⁹Oşol jerdegi munu ukkan adamdardın kee biröölörü: «Kün kürkürödü», – deşse, kee biröölörü: «Aga perişte süylödü», – deşti.

³⁰Oşondo Iysa alarga mınday dedi: «Bul söz Men üçün emes, siler üçün aytıldı.

³¹Bul düynönün sottolor maalı keldi. Emi bul düynönün törösü sırtka kuulup çıgarılat.

³²Men jerden kötörülüp ketkenden kiyin, bardıgın Özümö tartam».

³³Iysa munu kanday ölüm menen ölörün bildirüü üçün ayttı.

³⁴El bolso Aga mınday dedi: «Iyık Jazuudan ukkanıbızga karaganda, Maşayak tübölük jaşayt. Anan Sen kandayça: “Adam Uulu jogoru kötörülüp ketişi kerek”, – deysiŋ? Adam Uulu degen Kim?»

³⁵Oşondo Iysa alarga mınday dedi: «Jarık dagı bir az ubakıt siler menen bolot. Karaŋgıga kalbaş üçün, jarık barda jürgülö. Karaŋgıda jürgön adam kayda bara jatkanın bilbeyt.

³⁶Jarık siler menen bolup turganda, jarıkka işengile, oşondo jarıktın baldarı bolosuŋar». Iysa bul sözdördü aytkandan kiyin, al jerden ketip, eldin közünön daldaa boldu.

³⁷Iysa köptögön keremetterdi körsötsö da, alar Aga işenişken jok.

³⁸Işaya paygambardın «Teŋir! Bizden ukkan kabarga kim işendi? Teŋirdin küçü kimge körsötüldü?» degen sözdörü atkarılışı üçün uşunday boldu.

³⁹Oşonduktan alar işene alışkan jok. Işaya mınday dep da aytkan:

⁴⁰«Alardın közdörü sokur, al emi jüröktörü taş bolup kalgan. Oşonduktan alardın közdörü körböyt, tüşünüşpöyt, ayıgış üçün, Maga kayrılışpayt».

⁴¹Işaya bul sözdördü Iysanın daŋkın körüp, Al jönündö süylögöndön kiyin aytkan.

⁴²Oşondoy bolso da, jüyüt başçılarının köbü Iysaga işenip kalıştı. Birok sinagogadan çıgarılıp kalbaş üçün, işenip kalışkanın pariseylerdin aldında açık aytışkan jok.

⁴³Antkeni Kudaydın daŋktaganına karaganda, adamdın daŋktaganın artık körüştü.

⁴⁴Iysa ünün biyik çıgarıp, mınday dedi: «Maga işengen adam Maga emes, Meni jibergen Kudayga işengen bolot.

⁴⁵Meni körgön adam Meni jibergen Kudaydı körgön bolot.

⁴⁶Maga işengenderdin biröö da karaŋgıga kalbaşı üçün, Men düynögö jarık bolup keldim.

⁴⁷Sözdörümdü ugup, birok alardı atkarbagan adamdı Men sottoboym. Antkeni Men bul düynönü sottoo üçün emes, kutkaruu üçün kelgem.

⁴⁸Meni çetke kagıp, sözdörümdü kabıl albagan adam üçün sot bar: Men aytkan sözdör anı akırkı künü sottoyt.

⁴⁹Antkeni Men Öz atımdan süylögön jokmun, Meni jibergen Atamdın osuyatı boyunça süylöp jatam. Emneni aytıp, emneni süylöö kerektigin Maga Meni jibergen Atam osuyat kılgan.

⁵⁰Anın osuyatı bolso tübölük ömür ekenin bilem. Demek, Atam Maga emneni aytsa, Men oşonu aytam».