Read NT LS 2005 – Инжил ЛС (2005 Jakan 14 Bible Online

Jakan 14 - NT LS 2005 – Инжил ЛС (2005 bible

Jakan 14

¹Kaygırbagıla. Kudayga jana Maga işengile.

²Atamdın üyündö orun köp. Egerde anday bolboso, Men silerge aytmakmın. Men silerge orun dayardaganı bara jatam.

³Barıp, silerge orun dayardap koygondon kiyin, kaytıp kelem da, Men bolgon jerde siler da boluuŋar üçün, silerdi janıma alıp ketem.

⁴Al emi Menin kayda bara jatkanımdı, al jakka alıp baruuçu joldu siler bilesiŋer».

⁵«Teŋir, Senin kayda bara jatkanıŋdı bilbesek, al jakka alıp baruuçu joldu kaydan bilmek elek?» – dedi Tomas.

⁶Iysa aga: «Jol, çındık jana ömür Menmin. Atama Men arkıluu gana baruuga bolot, Mensiz eç kim bara albayt.

⁷Egerde Meni bilseŋer, Atamdı da bilmeksiŋer. Uşul ubakıttan tartıp, Anı bilip kaldıŋar jana kördüŋör», – dedi.

⁸Oşondo Pilip: «Teŋir, bizge Ataŋdı körsöt, bizge oşol jetiştüü bolot», – dedi.

⁹Iysa aga mınday dep joop berdi: «Uşunça ubakıttan beri Men silerdin janıŋarda jürsöm da, sen Meni taanıbaysıŋbı, Pilip? Meni körgön adam Atamdı da kördü. “Bizge Ataŋdı körsöt”, – degeniŋ kanday?

¹⁰Menin Atamdın içinde ekendigime, Atamdın Menin içimde ekendigine işenbeysiŋbi? Silerge aytkan sözdördü Men Öz atımdan aytkan jokmun. Menin içimde jaşagan Atam Öz işterin kılıp jatat.

¹¹Maga işengile: Men Atamdın içindemin, Atam Menin içimde. Sözümö işenbeseŋer da, kılıp jatkan işterimdi körüp, Maga işengile.

¹²Çındıktı, silerge çındıktı aytıp koёyun, Men kılıp jatkan işterdi Maga işengen adam da kıla alat, atügül, alardan da çoŋ işterdi kıla alat. Antkeni Men Atama ketip jatam.

¹³Atası Uulu arkıluu daŋktalışı üçün, Atamdan Menin ısımım urmatına emneni surasaŋar da, Men anı atkaram.

¹⁴Menin ısımım urmatına emneni surasaŋar da, Men anı atkaram.

¹⁵Egerde Meni süysöŋör, osuyattarımdı atkargıla.

¹⁶Men Atamdan ötünüp suraym, Atam silerge başka Soorotuuçunu, çındık Ruhun beret: Al tübölük siler menen bolot,

¹⁷bul düynö Anı kabıl ala albayt, antkeni Anı körö da, bile da albayt. Al emi siler bilesiŋer, antkeni Al siler menen, silerdin içiŋerde bolot.

¹⁸Silerdi jetimsiretpeym, silerge kayra kelem.

¹⁹Bir az ubakıttan kiyin bul düynö Meni körböy kalat, al emi siler Meni körösüŋör. Men jaşap jatkandıktan, siler da jaşaysıŋar.

²⁰Men Atamdın içinde ekendigimdi, siler Menin içimde ekendigiŋerdi, Men silerdin içiŋerde ekendigimdi oşol künü tüşünösüŋör.

²¹Kim Menin osuyattarımdı bilse jana atkarsa, al Meni süyöt. Al emi Meni süygön adamdı Atam süyöt. Anı Men da süyöm jana aga Özümdü açıp berem».

²²Oşondo Jüyüt (İskariot emes) Iysadan: «Teŋir, emne üçün Sen Özüŋdü düynögö emes, bizge taanıtkıŋ kelip jatat?» – dep suradı.

²³Iysa aga mınday dep joop berdi: «Kim Meni süysö, al Menin sözümdü atkarat. Oşondo anı Atam süyöt, Biz aga kelip, anın içinen orun alabız.

²⁴Meni süybögön adam Menin sözdörümdü atkarbayt. Siler ukkan söz Meniki emes, Meni jibergen Atamdıkı.

²⁵Men bul sözdördü silerdin araŋarda jürgöndö ayttım.

²⁶Menin ısımım urmatına Atam jibere turgan Soorotuuçu, Iyık Ruh, silerge baarın üyrötöt jana Men aytkan sözdördün baarın esiŋerge salat.

²⁷Silerge tınçtık kaltırıp jatam, silerge Öz tınçtıgımdı berip jatam. Menin silerge bergenim bul düynönün bergenindey emes. Kaygırbagıla jana korkpogula.

²⁸“Ketem, birok silerge kayra kelem”, – dep aytkanımdı uktuŋar. Egerde Meni süysöŋör, anda Menin: “Atama baram”, – dep aytkanıma kubanmaksıŋar, antkeni Atam Menden uluk.

²⁹Maga işenip kalışıŋar üçün, Men bul sözdördü aldın ala ayttım. Alar atkarılgandan kiyin, siler Maga işenip kalasıŋar.

³⁰Emi Men siler menen köp nerseni süylöşö albaym. Antkeni bul düynönün törösü kele jatat. Menin üstümön anın eç kanday biyligi jok.

³¹Birok düynö bilsin: Men Atamdı süyöm, Atam Maga emneni osuyat kılgan bolso, Men oşonu atkaram. Turgula, bul jerden keteli.