Read NT LS 2005 – Инжил ЛС (2005 Jakan 15 Bible Online

Jakan 15 - NT LS 2005 – Инжил ЛС (2005 bible

Jakan 15

¹Men çınıgı jüzüm Sabagımın, Atam bolso – Jüzümçü.

²Mendegi jemiş berbegen ar bir butaktı Al kesip taştayt. Al emi jemiş berip jatkan ar bir butaktı dagı köbüröök jemiş bersin dep tazalayt.

³Siler Menin sözüm arkıluu tazartıldıŋar.

⁴Menin içimde bolgula, oşondo Men silerdin içiŋerde bolom. Sabaktan ajıragan butak jemiş bere albayt. Oşol sıyaktuu ele siler da Menin içimde bolbosoŋor, jemiş bere albaysıŋar.

⁵Men Sabakmın, siler bolso butaktarsıŋar. Kim Menin içimde bolso, Men anın içinde bolsom, al köp jemiş beret. Antkeni siler Mensiz eç nerse kıla albaysıŋar.

⁶Kim Menin içimde bolboso, al butak sıyaktuu sırtka ırgıtılat da kuurap kalat. Anday butaktardı çogultup, otko ırgıtışat, alar küyüp ketet.

⁷Egerde Menin içimde bolsoŋor, Menin sözdörüm silerdin içiŋerde bolso, emne kaalasaŋar da suragıla, silerge berilet.

⁸Egerde siler köp jemiş berseŋer, Atam daŋktalat, Menin şakirtterim bolosuŋar.

⁹Atam Meni kanday süysö, Men silerdi oşondoy süyöm. Silerde Menin süyüüm bolsun.

¹⁰Men Atamdın osuyattarın atkargandıktan, Mende Anın süyüüsü bar. Oşol sıyaktuu ele Menin osuyattarımdı atkarsaŋar, silerde Menin süyüüm bolot.

¹¹Silerde Menin kubanıçım bolsun dep, silerde toluk kubanıç bolsun dep, Men silerge uşul sözdördü ayttım.

¹²Menin osuyatım bul: biri-biriŋerdi Men silerdi süygöndöy süygülö.

¹³Dostoru üçün öz janın berip koyuudan ötkön süyüü jok.

¹⁴Egerde siler Menin aytkan sözdörümdü atkarsaŋar, Menin dostorumsuŋar.

¹⁵Mından arı silerdi kul debeym, antkeni kul öz kojoyununun emne kılıp jatkanın bilbeyt. Men silerdi dostorum dedim, antkeni silerge Atamdan ukkandarımdın baarın aytıp berdim.

¹⁶Siler Meni tandagan joksuŋar, Men silerdi tandap aldım. Barıp, jemiş bersin dep, jemişiŋer turuktuu bolsun dep, silerdi dayındadım. Oşondo Atamdan Menin ısımım urmatına emne surasaŋar da, Al silerge beret.

¹⁷Silerge bere turgan osuyatım bul: biri-biriŋerdi süygülö.

¹⁸Egerde bul düynö silerdi jek körsö, silerden murun Meni jek körgönün bilgile.

¹⁹Egerde siler bul düynönükü bolsoŋor, anda düynö özünükün süymök. Siler bul düynönükü emessiŋer, Men silerdi bul düynödön tandap aldım, oşonduktan bul düynö silerdi jek köröt.

²⁰“Kul öz kojoyununan jogoru emes” degen sözüm esiŋerde bolsun. Egerde Meni kubalaşkan bolso, silerdi da kubalaşat. Egerde Menin sözümdü uguşkan bolso, silerdi da uguşat.

²¹Munun baarın silerge Menin ısımım üçün kılışat, antkeni Meni jibergen Kudaydı bilişpeyt.

²²Egerde Men kelbesem, alarga aytpasam, alarda künöö jok bolmok. Azır bolso alardın künöölörü üçün keçirim jok.

²³Kim Meni jek körsö, al Atamdı da jek köröt.

²⁴Egerde Men alarga Menden başka eç kim kılbagan işterdi körsötpögön bolsom, alarda künöö jok bolmok. Alar körüştü, birok Meni da, Atamdı da jek körüşöt.

²⁵Alardın mıyzamındagı “Meni sebepsiz ele jek körüşöt” degen söz atkarılışı üçün uşunday boldu.

²⁶Men silerge Soorotuuçunu jiberem. Atamdan çıgıp kele turgan Al çındık Ruhu kelgende, silerge Men jönündö kübölöndüröt.

²⁷Siler da kübölöndürösüŋör, antkeni başınan beri Menin janımda bolduŋar.