Read NT LS 2005 – Инжил ЛС (2005 Jakan 16 Bible Online

Jakan 16 - NT LS 2005 – Инжил ЛС (2005 bible

Jakan 16

¹Bulardı Men silerge azgırılıp ketpeşiŋer üçün ayttım.

²Silerdi sinagogalardan kuup çıgarışat, atügül, silerdi öltürüp jatkan adam: “Kudayga kızmat kılıp jatam!” – dep oylogon kündör kelet.

³Alar Atamdı da, Meni da taanıbagandıktan, uşunday kılışat.

⁴Oşol kündör kelgende, uşul aytkandarımdı esteşiŋer üçün, Men bulardı silerge aldın ala ayttım. Bul jönündö murun aytpaganımdın sebebi: Men silerdin janıŋarda elem.

⁵Azır bolso Men Meni Jibergenge bara jatam. Birok eç kimiŋer Menden: “Kayda bara jatasıŋ?” – dep suragan joksuŋar.

⁶Aytkan sözdörümdön ulam jürögüŋör kaygıga toldu.

⁷Birok silerge çındıktı aytıp koёyun, Menin ketkenim siler üçün jakşı! Egerde ketpesem, silerge Soorotuuçu kelbeyt. Egerde ketsem, Anı silerge jiberem.

⁸Al kelip, bul düynönün künöösün aşkere kılat, adildik jana keleçektegi sot jönündö bildiret.

⁹Bul düynönün künöösü – Maga işenbegendigi.

¹⁰Adildik – Menin Atama baratkandıgım. Mından arı siler Meni körböysüŋör.

¹¹Al emi sot – bul düynönün törösü şaytandın sottolgondugu.

¹²Silerge ayta turgan sözüm köp, birok azır siler tüşünö albaysıŋar.

¹³Çındık Ruhu kelgende, silerdi çındıkka üyrötöt. Al Öz atınan süylöböyt, emneni uksa, oşonu aytat jana silerge keleçekte emne bolorun bildiret.

¹⁴Al Meni daŋktayt, antkeni Menden alganın silerge bildiret.

¹⁵Atamda emne bolso, oşonun baarı Meniki, oşonduktan Men: “Menden alganın silerge bildiret”, – dep ayttım.

¹⁶Bir az ubakıttan kiyin siler Meni körböy kalasıŋar, dagı bir az ubakıttan kiyin kayra körösüŋör, antkeni Men Atama bara jatam».

¹⁷Oşondo Iysanın kee bir şakirtteri: «“Bir az ubakıttan kiyin Meni körböy kalasıŋar, dagı bir az ubakıttan kiyin kayra körösüŋör”, “Atama bara jatam”, – degenin kanday tüşünsö bolot?

¹⁸“Bir az ubakıttan kiyin”, – degeni emnesi? Emne jönündö aytıp jatkanın tüşüngön jokpuz», – deşti.

¹⁹Iysa alardın emne jönündö suragıları kelip jatkanın bilip, mınday dedi: «“Bir az ubakıttan kiyin Meni körböy kalasıŋar, dagı bir az ubakıttan kiyin kayra körösüŋör”, – dep aytkanım jönündö biri-biriŋerden surap jatasıŋarbı?

²⁰Çındıktı, silerge çındıktı aytıp koёyun, siler bozdop ıylaysıŋar, bul düynö bolso kubanat. Kaygırasıŋar, birok kaygıŋar kubanıçka aylanat.

²¹Törör maalı kelgen ayal tolgoo tartıp kıynalat. Törögöndön kiyin, düynögö nariste keldi dep, kubanganınan kıynalganın unutup koёt.

²²Oşol sıyaktuu ele siler da azır kaygırıp jatasıŋar. Birok Men silerdi kayra köröm, oşondo jürögüŋör kubanıçka tolot jana al kubanıçtı silerden eç kim tartıp albayt.

²³Oşol künü siler Menden eç nerse surabaysıŋar. Çındıktı, silerge çındıktı aytıp koёyun, Atamdan Menin ısımım urmatına emne surasaŋar da, Al beret.

²⁴Buga çeyin siler Menin ısımım urmatına eç nerse suragan joksuŋar. Kubanıçıŋar toluk boluş üçün suragıla, alasıŋar!

²⁵Uşul ubakka çeyin Men silerge ülgü-nasaat aŋgemeler menen süylödüm. Atam jönündö ülgü-nasaat aŋgemeler menen emes, açık ayta turgan ubak kelet.

²⁶Oşol künü Atamdan Menin ısımım urmatına suraysıŋar. Oşondo Men silerge: “Atamdan siler üçün ötünüp suraym”, – dep aytpaym.

²⁷Antkeni Atam Özü silerdi süyöt. Sebebi siler Meni süyösüŋör jana Kudaydan kelgenime işendiŋer.

²⁸Men bul düynögö Atamdan keldim. Azır bolso bul düynönü taştap, kayra Atama bara jatam».

²⁹Oşondo şakirtteri: «Mına azır ülgü-nasaat aŋgemesiz, açık ayttıŋ.

³⁰Biz azır Senin baarın bileriŋdi bildik. Saga suroo berüünün dele keregi jok eken, antkeni Sen biz suray elekte ele emneni surarıbızdı bilesiŋ, oşonduktan Kudaydan kelgendigiŋe işenebiz», – deşti.

³¹Oşondo Iysa alarga mınday dep joop berdi: «Azır işenip jatasıŋarbı?

³²Mına, ar kimiŋer ar kaysı jakka çaçırap kete turgan ubak kele jatat, atügül, kelip da kaldı. Siler Meni jalgız taştap ketesiŋer. Birok Men jalgız emesmin, antkeni Atam Meni menen.

³³Men munu silerge Menin tınçtıgım silerde bolsun dep ayttım. Bul düynödö azap tartasıŋar, birok kayrattuu bolgula, antkeni Men bul düynönü jeŋdim».