Read NT LS 2005 – Инжил ЛС (2005 Jakan 17 Bible Online

Jakan 17 - NT LS 2005 – Инжил ЛС (2005 bible

Jakan 17

¹Iysa uşul sözdördü aytkandan kiyin, asmandı karap, mınday dedi: «Ata! Ubagı keldi. Uuluŋdu daŋkta, Uul da Seni daŋktasın.

²Sen Aga ar bir adamdın üstünön biylik berdiŋ. Özüŋ Aga kimderdi berseŋ, oşolordun baarına Al tübölük ömür beret.

³Al tübölük ömür – jalgız çınıgı Kuday Seni jana Özüŋ jibergen Iysa Maşayaktı taanuu.

⁴Maga tapşırgan işiŋdi atkarıp, Men Seni jer üstündö daŋktadım.

⁵Emi Meni Sen Öz içiŋde daŋkta, Ata! Meni düynö jaratıla elekten murun ele Senin içiŋde ee bolgon daŋkıma bölö.

⁶Düynödön tandap, Maga bergen adamdarıŋa Men Senin ısımıŋdı açıp berdim. Alar Seniki bolçu, Maga berdiŋ, alar Senin sözüŋdü kabıl alıştı.

⁷Alar azır Maga bergeniŋdin baarı Senden ekendigin tüşünüştü.

⁸Antkeni Maga bergen sözdörüŋdü Men alarga ayttım, alar kabıl alıştı jana Menin Senden kelgendigimdi çındap tüşünüp, Meni Sen jibergendigiŋe işenişti.

⁹Men alar üçün ötünöm: büt düynö üçün emes, Maga bergenderiŋ üçün ötünöm. Antkeni alar Seniki.

¹⁰Mendeginin baarı – Seniki, Sendeginin baarı – Meniki, Men alar arkıluu daŋktaldım.

¹¹Men azır bul düynönü taştap, Saga bara jatam. Alar bolso bul düynödö. Iyık Ata, Maga kimderdi bergen bolsoŋ, oşolordu Öz ısımıŋ üçün sakta, alar da Biz sıyaktuu bir boluşsun.

¹²Men bul düynödö alar menen birge jürgönümdö, alardı Öz ısımıŋ üçün saktadım. Maga kimderdi bergen bolsoŋ, oşolordu saktadım. Iyık Jazuuda jazılganday, ölüm uulunan başka eç kimisi ölgön jok.

¹³Azır bolso Saga bara jatam. Birok Menin kubanıçım alarda tolugu menen bolsun dep, bulardı bul düynödö ekenimde aytıp jatam.

¹⁴Alarga Senin sözüŋdü ayttım. Men sıyaktuu ele alar da bul düynödön emes, oşonduktan bul düynö alardı jek körüp kaldı.

¹⁵Men Senden alardı bul düynödön alıp ketüüŋdü ötünböym, şaytandan saktooŋdu ötünöm.

¹⁶Men sıyaktuu ele alar da bul düynödön emes.

¹⁷Alardı Özüŋdün çındıgıŋ arkıluu ıyıkta. Senin sözüŋ – çındık.

¹⁸Sen Meni bul düynögö jibergendey ele, Men da alardı bul düynögö jiberdim.

¹⁹Alar da çındık arkıluu ıyıktalışı üçün, Men Özümdü alarga arnaym.

²⁰Alar üçün gana emes, alardın sözü arkıluu Maga işenip kalgandar üçün da ötünöm.

²¹Alardın bardıgı bir boluşsun. Ata, Sen Menin içimde bolgondoy, Men Senin içiŋde bolgonumday, alar Bizdin içibizde bir boluşsun. Meni Sen jibergendigiŋe düynö işensin.

²²Alar da Biz sıyaktuu bir boluşu üçün, Maga bergen daŋkıŋdı alarga berdim.

²³Alardın ortosunda toluk birimdik boluşu üçün, Sen Menin içimde bolgondoy, Men alardın içinde boloyun. Meni Sen jibergendigiŋdi, Meni kanday süysöŋ, alardı da oşondoy süyörüŋdü düynö bilsin.

²⁴Ata! Senin Maga bergenderiŋ da Men bolgon jerde Meni menen birge boluşun jana Maga bergen daŋkıŋdı körüşün kaalaym. Antkeni Sen Meni düynö jaratıla elekte ele süyçüsüŋ.

²⁵Oo, adilettüü Ata! Bul düynö Seni taanıgan jok, birok Men Seni taanıym. Al emi bular Meni Sen jibergendigiŋdi tüşünüştü.

²⁶Senin Maga bolgon süyüüŋ alardın içinde boluşu üçün, Men alardın içinde boluşum üçün, Men Senin ısımıŋdı alarga açıp berdim jana açıp bere berem».