Read NT LS 2005 – Инжил ЛС (2005 Jakan 19 Bible Online

Jakan 19 - NT LS 2005 – Инжил ЛС (2005 bible

Jakan 19

¹Uşundan kiyin Pilat Iysanı kamçı menen sabattırdı.

²Askerler tikenekten taajı örüp, Iysanın başına kiygizişti da, üstünö koçkul kızıl tüstögü çapan jabıştı.

³Anan alar: «Salam, jüyüt Padışası!» – dep, Anı jaakka çapkılaştı.

⁴Pilat kayra sırtka çıgıp: «Anı silerdin aldıŋarga alıp çıgam. Birok bilip koygula, men Andan eç kanday künöö tapkan jokmun», – dedi.

⁵Oşondo başına tikenek taajı, üstünö koçkul kızıl çapan kiygen Iysa sırtka çıktı. Pilat alarga: «Mına, Al Adam!» – dedi.

⁶Başkı ıyık kızmat kıluuçular menen alardın kızmatçıları Iysanı körüşköndö: «Anı aykaş jıgaçka kada! Aykaş jıgaçka kada!» – dep kıykırıştı. Pilat alarga: «Alıp ketkile da, özüŋör kadagıla! Men Andan eç kanday künöö tapkan jokmun!» – dedi.

⁷Jüyüt başçıları aga mınday dep joop berişti: «Bizde mıyzam bar, oşol mıyzam boyunça Al ölüügö tiyiş. Antkeni Al Özün Kudaydın Uulumun dep aytıp jatat».

⁸Pilat bul sözdü ukkanda, murunkudan da katuu korkup ketti.

⁹Kayra ak sarayga kirip, Iysadan: «Kaysı jerdensiŋ?» – dep suradı. Birok Iysa aga joop bergen jok.

¹⁰Oşondo Pilat aga: «Maga joop bergiŋ kelbeybi? Seni aykaş jıgaçka kadatuu da, boşotup jiberüü da menin kolumda ekenin bilbeysiŋbi?» – dedi.

¹¹Iysa aga: «Asmandan berilbese, Menin üstümdön eç kanday biylik kıla almak emessiŋ. Oşonduktan Meni senin koluŋa salıp bergen adamdın künöösü köbüröök», – dep joop berdi.

¹²Oşol ubakıttan tartıp, Pilat Iysanı boşotuunun jolun izdey baştadı. Birok jüyüttör: «Egerde Anı boşotup jiberseŋ, anda sen Rim padışasının dosu emessiŋ! Özün padışa eseptegen adam Rim padışasına karşı», – dep kıykırıştı.

¹³Pilat bul sözdü ukkanda, Iysanı sırtka çıgarttı. Anan al grekçe «Litostroton», ebereyçe «Gabbata» dep atalgan ayanttagı sot tagına oturdu. Bul «Taş ayant» dep kotorulat.

¹⁴Oşol kün Pasah mayramının aldındagı juma kün ele. Altınçı saat çaması bolçu. Pilat jüyüttörgö: «Mına, silerdin Padışaŋar!» – dedi.

¹⁵Birok alar: «Jogot, jogot Anı! Aykaş jıgaçka kada!» – dep kıykırıştı. Pilat alardan: «Padışaŋardı aykaş jıgaçka kadayınbı?» – dep suradı. Başkı ıyık kızmat kıluuçular aga: «Rim padışasınan başka padışabız jok», – dep joop berişti.

¹⁶Akırında Pilat Iysanı aykaş jıgaçka kadatuu üçün, alardın koluna salıp berdi. Alar Iysanı alıp ketişti.

¹⁷Iysa Özünün aykaş jıgaçın kötörüp, «Baş söögü» dep atalgan jerge jönödü. Bul jerdin ebereyçe atalışı – Golgota.

¹⁸Anı oşol jerde aykaş jıgaçka kadaştı. Iysanın eki jagına dagı eki adam aykaş jıgaçka kadaldı.

¹⁹Pilat taktayça jasattırıp, anın betine: «Nazarettik Iysa – jüyüttördün Padışası», – dep jazdırdı da, aykaş jıgaçtın öydö jagına ildirip koydu.

²⁰Bul jazuunu jüyüttördün köpçülügü okuştu, antkeni Iysa aykaş jıgaçka kadalgan jer İerusalim şaarınan alıs emes bolçu. Jazuu eberey, latın jana grek tilderinde jazılgan ele.

²¹Jüyüttördün başkı ıyık kızmat kıluuçuları bolso Pilatka mınday deşti: «“Jüyüttördün Padışası” dep emes, “Al: "Men jüyüttördün Padışasımın", – dedi” dep jaz».

²²Pilat alarga: «Boldu, jazarımdı jazdım», – dep joop berdi.

²³Askerler bolso Iysanı aykaş jıgaçka kadagandan kiyin, Anın kiyimin bölüp alıştı. Anın kiyimin tört asker bölüp aldı. Anın uzun köynögün da alıştı. Al tigilgen emes, tokulgan köynök ele.

²⁴Oşonduktan alar biri-birine: «Munu ayrıbay, ökçömö taş ırgıtıp, kimge tierin bileli», – deşti. Iyık Jazuudagı «Menin köynögümdü öz ara bölüp alıştı, Menin kiyimim üçün ökçömö taş ırgıtıştı» degen söz atkarılışı üçün uşunday boldu. Askerler uşunday kılıştı.

²⁵Iysa kadalgan aykaş jıgaçtın janında Anın enesi, taejesi, Kleopanın ayalı Mariyam jana magdalalık Mariyam karap turuşkan ele.

²⁶Iysa enesin jana anın janında turgan süyüktüü şakirtin körgöndö: «Ayal! Bul senin uuluŋ!» – dedi.

²⁷Andan kiyin şakirtine: «Bul emi senin eneŋ bolsun!» – dedi. Oşol ubakıttan baştap, oşol şakirti Iysanın enesin koluna aldı.

²⁸Oşondon kiyin Iysa baarı atkarılganın bilip: «Suusadım», – dedi. Iyık Jazuudagı sözdün atkarılışı üçün uşunday boldu.

²⁹Oşol jerde açuu içimdik kuyulgan bir idiş turgan ele. Askerler aga sorguçtu malıp, anı issop butagına baylap, Iysanın oozuna takaştı.

³⁰Iysa anı tatkandan kiyin: «Atkarıldı!» – dedi. Anan Anın başı şılk dey tüştü. Oşentip, Al jan berdi.

³¹Al kün juma kün bolgonduktan, jüyüttör alardın işembige çeyin aykaş jıgaçta kalışın kaalaşkan jok. Oşonduktan alar Pilatka barıp, alardın buttarın sındırıp, özdörün jıgaçtan tüşürtüp saluusun suranıştı. Antkeni al işembi kün uluu kün ele.

³²Oşentip, askerler kelişti da, Iysanın janına kadalgan eki adamdın buttarın sındırıştı.

³³Iysanın janına kelip, Anın ölüp kalganın körüşköndö, Anın butun sındırışkan jok.

³⁴Birok askerlerdin biri Iysanı nayza menen kabırgaga saydı. Oşol zamat kan menen suu aktı.

³⁵Munu öz közü menen körgön adam kübölöndürüp jatat jana anın kübölöndürüüsü çındık. Al özünün çındıktı aytıp jatkanın bilet. Al silerdin da işenip kalışıŋar üçün kübölöndürüp jatat.

³⁶Iyık Jazuudagı «Anın söögü sındırılbasın» degen sözdün atkarılışı üçün uşunday boldu.

³⁷Iyık Jazuunun dagı bir jerinde: «Alar özdörü nayza menen saygan Adamdı körüşöt», – dep jazılgan.

³⁸Andan kiyin arimatayalık Jusup Pilattan Iysanın söögün aykaş jıgaçtan tüşürüp aluuga uruksat suradı. Al Iysanın şakirti ele, birok jüyüttördön korkkonduktan, işengenin jaşırıp jürçü. Pilat uruksat berdi. Jusup barıp, sööktü tüşürüp aldı.

³⁹Bir jolu Iysaga tün jamınıp kelip ketken Nikedim da uşul jerge keldi. Al jıpar jıttuu smirna mayı menen aloy çayırının aralaşmasınan jüz funttay ala keldi.

⁴⁰Alar jüyüttördün söök koyuu saltı boyunça Iysanın söögün jıpar jıttuu may menen maylap, kepindeşti.

⁴¹Iysa aykaş jıgaçka kadalgan jerde bir bak bar ele. Al bakta eç kim koyula elek bir mürzö bar bolçu.

⁴²Al kün jüyüttördün juma künü bolgonduktan, anın üstünö, mürzö jakın bolgonduktan, alar Iysanın söögün oşol mürzögö koyuştu.