Read NT LS 2005 – Инжил ЛС (2005 Jakan 20 Bible Online

Jakan 20 - NT LS 2005 – Инжил ЛС (2005 bible

Jakan 20

¹Jumanın birinçi künü erteŋ menen erte, jarık kire elekte magdalalık Mariyam mürzögö kelip, anın oozundagı taştın jıldırılıp kalganın kördü.

²Oşondo al Şımon Petirge jana Iysanın süygön şakirtine jügürüp barıp: «Teŋiribizdi mürzödön alıp ketişiptir! Anı kaysı jerge koyuşkanın bilbeybiz», – dedi.

³Petir menen oşol şakirt daroo mürzögö bet alıştı.

⁴Eköö teŋ çurkap bara jatıştı. Tigi şakirt Petirge karaganda batıraak çurkap, mürzögö birinçi jetti.

⁵Al mürzönün için eŋkeyip karap, kepindi kördü, birok mürzögö kirgen jok.

⁶Anın artınan Şımon Petir jetip kelip, mürzögö kirdi.

⁷Al kepindi jana Iysanın başın orogon oroguçtu gana kördü, birok oroguç kepin menen birge emes, oroluu boyunça bölök jatkan ele.

⁸Anan birinçi kelgen şakirt da mürzögö kirdi. Al körüp, işendi.

⁹Antkeni alar Iysanın tirilişi kerektigi jönündö aytılgan Iyık Jazuudagı sözdördü tüşünüşö elek bolçu.

¹⁰Anan şakirtter üylörünö kaytıştı.

¹¹Mariyam bolso mürzönün janında ıylap turdu. Al ıylap jatıp, mürzönün için eŋkeyip karap,

¹²ak kiyimçen eki perişteni kördü. Biröö Iysanın söögü koyulgan jerdin baş jagında, ekinçisi ayak jagında oturgan eken.

¹³Alar Mariyamdan: «Ayal, emnege ıylap jatasıŋ?» – dep suraştı. «Teŋirimdi alıp ketişiptir, Anı kaysı jerge koyuşkanın bilbeym», – dep joop berdi al periştelerge.

¹⁴Uşintip aytkandan kiyin, al artına burulup, turup turgan Iysanı kördü, birok Anı taanıgan jok.

¹⁵Iysa andan: «Ayal, emnege ıylap jatasıŋ? Kimdi izdep jürösüŋ?» – dep suradı. Mariyam Anı bakçı eken dep oylop: «Mırza, egerde Anın söögün sen alıp ketken bolsoŋ, kaysı jerge koygonuŋdu aytçı, alıp keleyin», – dedi.

¹⁶Oşondo Iysa aga: «Mariyam», – dedi. Mariyam Iysaga burulup: «Ustat!» – dedi.

¹⁷Iysa aga: «Maga koluŋdu tiygizbe, antkeni Men ali Atama kötörülüp kete elekmin. Bir tuugandarıma barıp, Menin Öz Atama – silerdin da Ataŋarga, Menin Öz Kudayıma – silerdin da Kudayıŋarga kötörülüp keterimdi ayt!» – dedi.

¹⁸Magdalalık Mariyam şakirtterge barıp, Teŋirdi körgönün jana Anın uşul sözdördü aytkanın aytıp berdi.

¹⁹Oşol ele künü keçinde, jumanın birinçi künü, Iysanın şakirtteri bir üygö çogulup, jüyüttördön korkkonduktan, eşikterin bekitip alıp oturuşkan ele. Oşol uçurda Iysa kelip, alardın ortosuna turdu da: «Silerge tınçtık bolsun!» – dedi.

²⁰Uşintip aytkandan kiyin, Iysa alarga Özünün koldorun, buttarın jana kabırgaların körsöttü. Şakirtter Teŋirdi körüp kubanıştı.

²¹Iysa alarga dagı bir jolu: «Silerge tınçtık bolsun! – dep ayttı da, – Atam Meni jibergen sıyaktuu, Men da silerdi jiberem», – dedi.

²²Uşunu aytkandan kiyin, Al şakirtterine demin üylöp: «Iyık Ruhtu kabıl algıla!

²³Kimdin künöölörün keçirseŋer, al keçirilet, al emi kimdin künöölörün keçirbeseŋer, al keçirilbeyt», – dedi.

²⁴On eki şakirttin biri, Egiz degen da ısımı bar Tomas Iysa kelgen uçurda alardın arasında jok ele.

²⁵Şakirtter aga: «Biz Teŋirdi kördük», – deşti. Birok al: «Men Anın koldorundagı mıktın tagın körmöyünçö, mıktın tagı kalgan jerine jana kabırgalarına kolumdu tiygizip körmöyünçö işenbeym», – dedi.

²⁶Segiz kündön kiyin Iysanın şakirtteri oşol üygö dagı çoguluştu, alardın arasında Tomas da bar ele. Eşik bekitilüü bolçu, birok Iysa kelip, alardın ortosuna turdu da: «Silerge tınçtık bolsun!» – dedi.

²⁷Andan kiyin Tomaska kayrılıp: «Menin koldorum menen kabırgalarıma koluŋdu tiygizip kör da, işenbegen adam bolboy, işengen adam bol!» – dedi.

²⁸Tomas Aga: «Teŋirim menin! Kudayım menin!» – dep joop berdi.

²⁹Iysa aga: «Sen Meni körgöndön kiyin işenip jatasıŋ, körböy işengender baktıluu», – dedi.

³⁰Iysa şakirtterinin köz aldında köptögön keremetterdi körsöttü, birok bul kitepke alardın baarı jazılgan jok.

³¹Bular bolso Iysanın Kudaydın Uulu, Maşayak ekenine işenişiŋer üçün jana işenip, Anın ısımı arkıluu ömürgö ee boluşuŋar üçün jazıldı.