Read NT LS 2005 – Инжил ЛС (2005 Jakan 6 Bible Online

Jakan 6 - NT LS 2005 – Инжил ЛС (2005 bible

Jakan 6

¹Andan kiyin Iysa Galileya kölünün narkı öyüzünö ketti.

²Anı köp el eerçip aldı, antkeni alar Anın ooruluulardı ayıktırganın körüşkön ele.

³Iysa şakirtteri menen toogo çıgıp oturdu.

⁴Jüyüttördün Pasah mayramı jakındap kalgan ele.

⁵Iysa Özün közdöy kele jatkan köp eldi körüp, Pilipke: «Eldi toyguzuu üçün, nandı kaydan satıp alabız?» – dedi.

⁶Al bul sözdü anı sınoo üçün ayttı. Özü bolso emne kıluu kerektigin bilgen.

⁷Pilip Aga: «Ar birine bir azdan bergende da, alarga eki jüz dinariyge kele turgan nan jetpeyt», – dep joop berdi.

⁸Oşondo şakirtterinin biri Şımon Petirdin inisi Andrey Iysaga mınday dedi:

⁹«Uşul jerdegi bir balada beş arpa nan jana eki kiçinekey balık bar. Birok al uşunça köp kişige emne bolmok ele?»

¹⁰Iysa alarga: «Eldi jerge oturguzgula», – dedi. Oşol jer şiberlüü ele. Ayaldar menen baldardı eseptebegende, al jerge beş miŋge jakın kişi oturdu.

¹¹Iysa nandardı alıp, Kudayga ıraazıçılık bildirdi da, şakirtterine berdi. Alar oturgandarga taratıştı. Balıktan da alardın kaalaşınça berişti.

¹²El toygondon kiyin, Al şakirtterine: «Isırap bolboşu üçün, artkan nandı jıynap algıla», – dedi.

¹³Alar el jegen beş arpa nandın artkanın jıynaşkanda, on eki sebet toldu.

¹⁴Oşondo Iysa jasagan keremetti körgön adamdar: «Düynögö kele turgan Paygambar uşul», – deşti.

¹⁵Alar Iysanı karmap alıp, padışa şaylamakçı bolup jatıştı. Iysa alardın bul oyun bilip, kayradan Özü jalgız toogo ketip kaldı.

¹⁶Keç kirgende, Anın şakirtteri kölgö barıp,

¹⁷bir kayıkka tüşüştü da, köldün narkı öyüzünö, Kapernaumga bet alıştı. Karaŋgı kirip kalgan ele, Iysa bolso alarga kele elek bolçu.

¹⁸Katuu şamal bolup, köl tolkuy baştadı.

¹⁹Alar jıyırma beş-otuz stadiy süzüşköndön kiyin, köldün üstündö kayıktı közdöy basıp kele jatkan Iysanı körüp korkup ketişti.

²⁰Iysa alarga: «Korkpogula, bul Menmin!» – dedi.

²¹Alar Iysanı kayıkka tüşürüp almakçı boluştu. Birok kayık oşol zamat alar bet algan jeekke jetip kaldı.

²²Köldün narkı öyüzündö kalgan el kiyinki künü jeekte şakirtter tüşkön kayıktan başka kayık bolbogonun, Iysanın alardın kayıgına tüşpögönün, şakirtter özdörü gana süzüp ketişkenin esteşti.

²³Oşol arada el nan jegen jerden alıs emes jerge Tiberiyadan başka kayıktar kelip jattı. Teŋir nan üçün ıraazıçılık bildirgenden kiyin, oşol jerde el nan jegen ele.

²⁴Al jerde Iysa da, şakirtteri da jok ekenin körgön el kayıktarga tüşüp, Iysanı izdep Kapernaumga keldi.

²⁵Alar Iysanı köldün berki öyüzünön tabıştı da: «Ustat, bul jerge kaçan keldiŋ?» – dep suraştı.

²⁶Iysa alarga mınday dep joop berdi: «Çındıktı, silerge çındıktı aytıp koёyun, keremet körgönüŋör üçün emes, nan jep toygonuŋar üçün, Meni izdep jürösüŋör.

²⁷Künümdük tamak üçün emes, tübölüktüü tamak üçün arakettengile. Anı silerge Adam Uulu beret. Antkeni Kuday Ata Aga Öz möörün baskan».

²⁸Oşondo alar Iysadan: «Kudaydın işterin atkarış üçün, emne kılışıbız kerek?» – dep suraştı.

²⁹Iysa alarga: «Al Kimdi jiberse, Oşogo işengile. Kudaydın işi – mına uşul», – dep joop berdi.

³⁰Oşondo alar Iysaga mınday deşti: «Kanday keremet körsötösüŋ? Biz körüp, Saga işenip kalalı. Kana, emne kılasıŋ?

³¹Iyık Jazuuda: “Kuday alarga asman nanın berdi”, – dep jazılganday, ata-babalarıbız çöldö manna jeşken».

³²Iysa bolso alarga mınday dedi: «Çındıktı, silerge çındıktı aytıp koёyun, nandı silerge Musa bergen emes, Atam silerge asman nanın, çınıgı nandı beret.

³³Antkeni Kudaydın nanı asmandan tüşüp, adamzatka ömür beret».

³⁴Oşondo alar Aga: «Mırza, bizge dayıma oşondoy nan berip turçu!» – deşti.

³⁵Iysa alarga mınday dedi: «Men ömür berüüçü nanmın. Maga kelgen adam açka bolboyt, Maga işengen adam eç kaçan suusabayt.

³⁶Birok Men silerge aytkanımday ele, Meni körsöŋör da, işenbey jatasıŋar.

³⁷Atam bergenderdin baarı Maga kelet. Maga kelgen adamdı Men kubalabaym.

³⁸Antkeni Men Öz kaaloomdu emes, Meni jibergen Atamdın kaaloosun atkarış üçün, asmandan tüştüm.

³⁹Meni jibergen Atamdın kaaloosu mınday: Al bergenderdin eç kimisin jogotpoy, baarın teŋ akırkı künü tiriltüüm kerek.

⁴⁰Atamdın kaaloosu – Uulun körgön, Uuluna işengen ar bir adamdın tübölük ömürgö ee boluusu. Men anı akırkı künü tiriltem».

⁴¹Iysanın: «Asmandan tüşkön nan Menmin», – degenine jüyüttör mınday dep küŋküldöy baştaştı:

⁴²«Mına bul Jusuptun uulu Iysa emespi? Biz Munun ata-enesin bilebiz da! Anan Bul kandayça: “Asmandan tüştüm”, – dep jatat?»

⁴³Iysa alarga mınday dedi: «Küŋküldöbögülö.

⁴⁴Meni jibergen Atam çakırbasa, Maga eç kim kele albayt. Men anı akırkı künü tiriltem.

⁴⁵“Paygambarlar” kitebinde: “Alardın bardıgın Kuday üyrötöt”, – dep jazılgan. Atadan ugup üyröngön ar bir adam Maga kelet.

⁴⁶Bul kimdir biröö Atanı körgön degendi bildirbeyt. Atanı Kudaydan kelgen Biröö gana körgön.

⁴⁷Çındıktı, silerge çındıktı aytıp koёyun, kim Maga işense, al tübölük ömürgö ee.

⁴⁸Men ömür berüüçü nanmın.

⁴⁹Ata-babalarıŋar çöldö manna jeşti, ölüştü.

⁵⁰Al emi asmandan tüşkön nandı jegen adam ölböyt.

⁵¹Men asmandan tüşkön tirüü nanmın. Bul nandı jegen adam tübölük jaşayt. Men bere turgan nan – bul Menin Denem. Men anı adamzattın ömürü üçün berem».

⁵²Oşondo jüyüttör: «Kantip Al bizge Öz Denesin jegenge bermek ele?» – dep, öz ara talaşa baştaştı.

⁵³Iysa bolso alarga mınday dedi: «Çındıktı, silerge çındıktı aytıp koёyun, Adam Uulunun Denesin jep, Kanın içpeseŋer, ömürgö ee bolboysuŋar.

⁵⁴Kim Menin Denemdi jep, Kanımdı içse, al tübölük ömürgö ee, Men anı akırkı künü tiriltem.

⁵⁵Antkeni Menin Denem – çınıgı azık, Kanım – çınıgı suusunduk.

⁵⁶Denemdi jep, Kanımdı içken adam Menin içimde bolot, Men anın içinde bolom.

⁵⁷Tirüü Atam Meni jiberip, Men Al arkıluu jaşap jatkanday ele, Menin Denemdi jegen adam Men arkıluu jaşayt.

⁵⁸Asmandan tüşkön bul nan ata-babalarıŋar jegen mannaday emes, manna jegen alar ölüştü. Al emi bul nandı jegen adam tübölük jaşayt».

⁵⁹Iysa bul sözdördü Kapernaumdagı sinagogada eldi okutup jatkanda ayttı.

⁶⁰Şakirtterinin bir tobu munu ukkanda: «Katuu aytılgan sözdör eken, munu kim ugup tura alat? » – deşti.

⁶¹Şakirtterinin uşul tuuraluu naarazılık bildirgenin bilgen Iysa alarga mınday dedi: «Uşul söz silerdin kıjırıŋardı keltirip jatabı?

⁶²Adam Uulunun murun bolgon jerine kötörülüp bara jatkanın körgöndö kantesiŋer?

⁶³Ruh ömür beret, dene eç kanday payda keltirbeyt. Menin silerge aytıp jatkan sözdörüm – ruh jana ömür.

⁶⁴Birok araŋarda işenbegender da bar». Kimder işenbey koёrun, kimdin çıkkınçılık kıların Iysa aldın ala ele bilgen.

⁶⁵Anan Al dagı mınday dedi: «“Atam çakırbasa, Maga eç kim kele albayt”, – dep, Men oşon üçün aytkam».

⁶⁶Uşul sözdördön kiyin şakirtterinin köbü Iysadan çettep, Anı eerçibey kalıştı.

⁶⁷Oşondo Iysa on eki şakirtinen: «Silerdin da ketkiŋer kelgen jokpu?» – dep suradı.

⁶⁸Şımon Petir mınday dep joop berdi: «Teŋir, biz kimge barmak elek? Tübölük ömür berüüçü sözdör Sende.

⁶⁹Biz Senin Kudaydın Iyıgı – Maşayak ekeniŋdi bilip, Saga işenip kaldık».

⁷⁰Iysa alarga: «Uşul on ekiŋdi Men tandap algan emes belem? Birok araŋardagı biröö – şaytan», – dedi.

⁷¹Al Şımondun uulu Jüyüt İskariot jönündö aytkan ele. Al «on ekinin» biri bolgonu menen, kiyin Iysanı satıp ketken.