Read NT LS 2005 – Инжил ЛС (2005 Jakan 7 Bible Online

Jakan 7 - NT LS 2005 – Инжил ЛС (2005 bible

Jakan 7

¹Andan kiyin Iysa Galileya aymagın aralap jürdü. Al Jüyüt aymagında jürgüsü kelgen jok, antkeni jüyüttör Anı öltürmökçü bolup jatışkan ele.

²Jüyüttördün «Alaçık mayramı» jakındap kalgan.

³Oşondo bir tuugandarı Iysaga: «Bul jerden çıgıp, Jüyüt aymagına bar, kılıp jatkan işteriŋdi şakirtteriŋ da körüşsün.

⁴Antkeni belgilüü bolgusu kelgen adam işterin jaşırbayt. Uşunday işterdi kılıp jatkandan kiyin, Özüŋdü düynögö körsöt», – deşti.

⁵Antkeni bir tuugandarı da Aga işenişçü emes.

⁶Iysa alarga mınday dedi: «Menin ubagım kele elek. Al emi siler üçün bardık uçurda bolo beret.

⁷Bul düynö silerdi jek körö albayt, al emi Meni jek köröt. Antkeni Men anın işterinin jaman ekendigin kübölöndürüp jatam.

⁸Siler mayramga bara bergile! Men azırınça bul mayramga barbaym, antkeni Menin ubagım kele elek».

⁹Al uşunu aytıp, Galileyada kalıp kaldı.

¹⁰Bir tuugandarı ketkenden kiyin, Iysa da mayramga jaşıruun jönödü.

¹¹Jüyüttör bolso: «Al kayda?» – dep, mayram ubagında Iysanı izdey baştaştı.

¹²Eldin arasında Al jönündö ar kanday söz jürüp jattı. Biröölör Anı: «Jakşı», – dese, biröölör: «Jok, Al eldi adaştırıp jatat», – dep jatıştı.

¹³Birok jüyüttördön korkuşkandıktan, Al tuuraluu açık ayta alışkan jok.

¹⁴Mayramdın ortosunda Iysa iybadatkanaga kelip, eldi okuta baştadı.

¹⁵«Bul okubasa dele Iyık Jazuunu kaydan bilet?» – dep, jüyüttör taŋ kalıştı.

¹⁶Iysa alarga mınday dep joop berdi: «Menin okutuum Meniki emes, Meni jibergen Kudaydıkı.

¹⁷Kudaydın kaaloosun atkargısı kelgen adam, bul okutuu Kudaydanbı je Men Öz atımdan süylöp jatambı, bilip alat.

¹⁸Öz atınan süylögön özünün daŋktalışın kaalayt. Al emi Kim Özün Jibergendin daŋktalışın kaalasa, Al – çındık, Anda adiletsizdik jok.

¹⁹Musa silerge mıyzam bergen, birok biriŋer da anı atkarbaysıŋar. Meni emne üçün öltürgönü jatasıŋar?»

²⁰Oşondo el Aga: «Senin içiŋde jin bar. Kim Seni öltüröm dep jatat?» – dedi.

²¹Iysa mınday dep sözün ulanttı: «İşembi künü ooruluunu ayıktırganıma baarıŋar taŋ kalıp jatasıŋar.

²²Musa silerge sünnötkö oturguzuu mıyzamın bergen. (Çınında, bul mıyzam Musadan murun ele bar bolçu, al ata-babalardan kalgan.) Siler bolso işembi künü sünnötkö oturguzup jatasıŋar.

²³Musanın mıyzamın buzbaylı dep, işembi künü dele sünnötkö oturguzup jatpaysıŋarbı. Anan işembi künü bir adamdı toluk ayıktırıp koygondugum üçün, Maga emnege açuulanıp jatasıŋar?

²⁴Sırtkı körünüşü boyunça sottobogula, sotuŋar adil bolsun».

²⁵Oşondo ierusalimdikterdin kee biröölörü mınday deşti: «Öltüröbüz dep izdep jatışkanı Uşul emespi?

²⁶Karasaŋar, Al açık ele aytıp jatat, birok Aga eç kim eç nerse degen jok! Je başçılar da Anı Maşayak dep, ınanıp kalışkanbı?

²⁷Birok biz Anın kaysı jerden ekenin bilebiz. Al emi Maşayak kelgende, Anın kaysı jerden ekenin eç kim bilbeyt».

²⁸Oşondo iybadatkanada eldi okutup jatkan Iysa ünün katuu çıgarıp, mınday dedi: «Ooba, siler Meni bilesiŋer, Menin kaysı jerden ekenimdi da bilesiŋer. Birok Men Öz atımdan kelgen jokmun. Meni jibergen Kuday – çındık, siler Anı bilbeysiŋer.

²⁹Men Anı bilemin, antkeni Men Andanmın, Meni Al jibergen».

³⁰Oşondo Iysanı karmoogo arakettenişti. Birok Aga eç kimisi kol kötörgön jok, antkeni Anın ubagı kele elek bolçu.

³¹Birok eldin köbü: «Maşayak kelgende, emne, Bul körsötkön keremetterden da köp keremet körsötöbü?» – dep, Iysaga işenip kalıştı.

³²El arasında Al jönündö aytılıp jatkan uşunday sözdör pariseylerge jetti. Oşondo ıyık kızmat kıluuçular menen pariseyler Iysanı karmap kelüügö kızmatçıların jiberişti.

³³Iysa bolso alarga mınday dedi: «Dagı bir az ubakıt araŋarda bolom, andan kiyin Meni Jibergenge baram.

³⁴Meni izdeysiŋer, birok tappaysıŋar. Men bolgon jerge siler kele albaysıŋar».

³⁵Oşondo jüyüttör öz ara mınday dep süylöşö baştaştı: «Biz taba albagıday, Al kayda barat? Ellinderdin ölkösünö çaçırap ketken jüyüttörgö barıp, ellinderdi okutabı?

³⁶“Meni izdeysiŋer, birok tappaysıŋar”, “Men bolgon jerge siler kele albaysıŋar”, – degeni emnesi?»

³⁷Mayramdın akırkı – eŋ uluu künü Iysa el aldında turup, biyik ün menen mınday dedi: «Kim suusasa, Maga kelsin jana içsin.

³⁸Iyık Jazuuda aytılganday, Maga işengen adamdın içinen tirüü suu çıgat».

³⁹Iysa bul söz arkıluu Özünö işengender ala turgan Iyık Ruh jönündö ayttı. Iysa daŋktala elek bolgonduktan, Ruh berile elek bolçu.

⁴⁰Bul sözdördü ukkan kee biröölör: «Çın ele, bul – Paygambar», – deşse,

⁴¹kee biröölör: «Bul – Maşayak», – deşti. Dagı biröölör: «Jok! Maşayak Galileyadan kelmek bele?

⁴²Iyık Jazuuda: “Maşayak Dööttün tukumunan, Dööttün şaarçası Beyt-Lehemden kelet”, – dep aytılgan jok bele?» – deşti.

⁴³Oşondo el arasında Iysa tuuraluu talaş-tartış çıktı.

⁴⁴Kee biröölör Anı karmoogo arakettenişti, birok Aga eç kimisi kol kötörgön jok.

⁴⁵Kaytıp kelişken kızmatçılardan başkı ıyık kızmat kıluuçular menen pariseyler: «Emne üçün Anı alıp kelgen joksuŋar?» – dep suraştı.

⁴⁶Kızmatçılar bolso: «Eç kim eç kaçan bul Adamday süylögön emes», – dep joop berişti.

⁴⁷Oşondo pariseyler alarga mınday deşti: «Emne, siler da aldanıp kaldıŋarbı?

⁴⁸Başkaruuçulardan je pariseylerden Aga kim işendi?!

⁴⁹Mıyzamdı bilbegen bul karaŋgı el kargışka kalsın!»

⁵⁰Alardın biri, murun Iysaga tün jamınıp kelip ketken Nikedim, alarga mınday dedi:

⁵¹«Emne kılganın adamdın öz oozunan ugup teriştirbey turup, bizdin mıyzam boyunça öküm çıgaruuga bolobu?»

⁵²Oşondo aga: «Emne, sen da Galileyadansıŋbı? İzildep kör, Galileyadan paygambar çıkpay turgandıgın oşondo bilesiŋ», – dep joop berişti.

⁵³Andan kiyin baarı teŋ üylörünö tarap ketişti.