Read NT LS 2005 – Инжил ЛС (2005 Elçilerdin işteri 1 Bible Online

Elçilerdin işteri 1 - NT LS 2005 – Инжил ЛС (2005 bible

Elçilerdin işteri 1

¹Teopil, Iysa Özü tandagan elçilerge Iyık Ruh arkıluu buyruk bergenden kiyin,

²asmanga alınıp ketken kününö çeyin, başınan baştap emneni jasasa, emneni üyrötsö, oşonun baarın men saga birinçi kitepte jazgam.

³Azap tartıp ölgöndön kiyin, kırk kün içinde Iysa alarga körünüp, Kudaydın Padışaçılıgı jönündö aytıp, Özünün tirüü ekendigin köptögön dalilder arkıluu körsöttü.

⁴Anan Iysa alardı çogultup, mınday buyruk berdi: «İerusalimden ketpegile, Atanın ubadasın, Menden emneni uksaŋar, oşonu kütkülö.

⁵Antkeni Jakan suuga çömüldürgön, al emi siler bir az kündön kiyin, Iyık Ruhka çömüldürülösüŋör».

⁶Oşonduktan alar bir jerge çoguluşkanda, Iysadan: «Teŋir, Sen Israyıl elinin padışaçılıgın uşul ubakıtta kalıbına keltiresiŋbi?» – dep suraştı.

⁷Iysa bolso alarga mınday dep joop berdi: «Atanın Öz biyligi menen belgilegen ubakıttarın, möönöttörün bilüünün silerge keregi jok.

⁸Birok üstüŋörgö Iyık Ruh tüşköndön kiyin, küç alasıŋar da, İerusalimde, büt Jüyüt aymagında, Samariyada, atügül, büt düynö jüzündö Menin kübölörüm bolosuŋar».

⁹Iysa bul sözdördü aytkandan kiyin, alardın köz aldında asmanga kötörülüp ketti, bulut Anı alardın köz aldınan alıp ketti.

¹⁰Alar asmanga kötörülüp bara jatkan Iysanı karap turuşkanda, kütülbögön jerden alardın aldına ak kiyim kiygen eki adam payda bolup, mınday deşti:

¹¹«Galileyalık erkekter! Asmandı emne karap turasıŋar? Silerdin janıŋardan asmanga kötörülüp ketken bul Iysa, özüŋör körgöndöy, asmanga kanday kötörülüp ketse, oşondoy ele kayra kelet».

¹²Oşondon kiyin alar Zaytun toosunan İerusalimge kaytıp kelişti. Al too menen İerusalimdin ortosundagı aralık bir işembi kündük jol ele.

¹³Şaarga kelişkenden kiyin, Petir, Jakıp, Jakan, Andrey, Pilip, Tomas, Bartalamey, Matay, Alpeydin uulu Jakıp, Zilot Şımon jana Jakıptın uulu Jüyüt özdörü çogulup jürgön üydün üstünkü bölmösünö çıgıştı.

¹⁴Bular bir top ayaldar menen, Iysanın enesi Mariyam menen jana Anın bir tuugandarı menen çoguu, bir tilek menen sıyınıp jürüştü.

¹⁵Oşol kündördün birinde, jüz jıyırmaga jakın kişi çogulgan jıynalışta Petir şakirtterdin ortosuna çıgıp, mınday dedi:

¹⁶«Bir tuugandar! Iysanı karmap ketkeni kelgenderge jol körsötkön Jüyüt tuurasında Iyık Ruhtun Dööt arkıluu Iyık Jazuuda aldın ala aytkan sözü orundaluuga tiyiş bolçu.

¹⁷Jüyüt da biz sıyaktuu ele elçilik kızmatka tandalıp alıngan ele.

¹⁸Birok al adiletsizdik menen tapkan akçasına jer satıp aldı. Al başı menen jerge kulap tüşköndö, kursagı jarılıp, büt içegi-karını çubalıp tüşüp kaldı.

¹⁹Bul okuya İerusalim turgundarının bardıgına maalım boldu, oşonduktan al jer alardın ene tilinde “Akeldama” dep atalıp kaldı. Eberey tilindegi bul söz “kanduu jer” dep kotorulat.

²⁰Antkeni Zaburda: “Anın üy-jayı een kalsın, anda eç kim jaşabasın” jana “Anın kızmatın başka biröö alsın”, – dep jazılgan.

²¹Oşonduktan bizge bir adam koşulup, Iysanın ölüp, kayra tirilgenin biz menen birge kübölöndürüüsü kerek. Al adam Teŋir Iysa bizdin arabızda jürgön ubakta, başkaça aytkanda, Jakan suuga çömüldürö baştagan kündön tartıp, Iysa bizdin arabızdan asmanga kötörülüp ketken küngö çeyin biz menen çoguu jürgöndördün biri boluusu kerek».

²³Oşondo alar eki kişini: Just degen da, Barzaba degen da ısımı bar Jusuptu jana Matiydi aldıga çıgarıp,

²⁴mınday dep sıyınıştı: «Teŋir, Sen ar bir adamdın jürögündögüsün bilesiŋ.

²⁵Bul eki adamdın kimisin tandaganıŋdı, bul elçilik kızmatka eköönün kimisi dayındaluusu kerektigin körsötüp ber. Antkeni Jüyüt bul kızmattı taştap, özünö tieşelüü jerge ketti».

²⁶Andan kiyin alar ökçömö taş ırgıtıştı. Ökçömö taş Matiyge tüştü. Oşentip, al on bir elçinin katarına koşuldu.