Read NT LS 2005 – Инжил ЛС (2005 Elçilerdin işteri 20 Bible Online

Elçilerdin işteri 20 - NT LS 2005 – Инжил ЛС (2005 bible

Elçilerdin işteri 20

¹Kozgoloŋ basılgandan kiyin, Pabıl şakirtterdi çakırıp, alarga nasaat ayttı. Anan alar menen koştoşup, Makedoniyaga jol tarttı.

²Makedoniyanı kıdırıp, Iysaga işengenderge köp nasaat aytkandan kiyin, Gretsiyaga keldi.

³Pabıl al jerde üç ay bolgondon kiyin, Siriyaga Makedoniya arkıluu kaytıp kelüünü çeçti. Antkeni keme menen Siriyaga jol tartar aldında jüyüttör aga karşı kozgoloŋ çıgarıştı.

⁴Beroyalık Purdun uulu Sosipatır, tesalonikalık Aristarh menen Sekundos, derbelik Gay, Timetey jana asiyalık Tihik menen Tropim anı Asiyaga çeyin uzatıp barıştı.

⁵Alar bizden murun jolgo çıgıp, bizdi Troasta kütüp turuştu.

⁶Biz bolso Açıtkısız nan mayramınan kiyin, Pilipiden keme menen çıgıp, beş kündön kiyin alarga, Troaska kelip, al jerde jeti kün bolduk.

⁷Jumanın birinçi künü Pabıl nan sındıruu üçün çogulgan şakirtter menen süylöştü. Al ertesi künü jolgo çıga turgan bolgonduktan, alar menen tün ortosuna çeyin süylöşüp oturdu.

⁸Biz çogulgan üydün jogorku bölmösündö köp şam çırak küyüp turgan.

⁹Terezede Eytih degen bir jaş ulan oturgan. Pabıldın sözü uzakka sozulgandıktan, al katuu uktap ketip, üçünçü kabattan jerge kulap tüştü. Karaşsa, al ölüp kalıptır.

¹⁰Pabıl tömön tüşüp, ölüktün üstünö jattı da, anı kuçaktap: «Korkpogula, anın janı özündö», – dedi.

¹¹Anan al kayra jogoru çıgıp, nan sındırıp, andan jedi. Tünü boyu aŋgemeleşip oturup, taŋga maal jolgo çıktı.

¹²Bul arada jaş ulandı üygö tirüü alıp kelip, bardıgı kubanıçka batıştı.

¹³Biz Pabıldan murun kemege oturup, As şaarın közdöy jol tarttık. Biz anı oşol jerden alıp ketmekpiz. Al özü jöö bargısı kelgendikten, bizge uşunday kıluunu buyrugan.

¹⁴Anı menen biz Asta joluktuk da, Mitelene şaarına çoguu keldik.

¹⁵Al jerden keme menen süzüp çıgıp, ertesi künü Hios aralınan alıs emes jerge kelip toktoduk. Anın ertesi Samos aralının janındagı Trogiliy şaarında bolup, bir kündön kiyin Milet şaarına keldik.

¹⁶Antkeni Pabıl Asiyada ubakıttı ketirbeş üçün, Epestin janınan ötüp ketüünü çeçti. Antkeni al mümkün bolso, Elüünçü kün mayramında İerusalimde boluu üçün şaşıp bara jatkan ele.

¹⁷Al Miletten Epeske kişi jiberip, Jıyın başçıların çakırttı.

¹⁸Alar kelişkende, Pabıl alarga mınday dedi: «Özüŋör bilesiŋer, men Asiyaga kelgen kündön tartıp, bardık ubakta janıŋarda boldum.

¹⁹Jüyüttördün kara niettiginin ayınan başıma kelgen sınoolor uçurunda, Teŋirge momunduk menen, köz jaş menen kızmat kıldım.

²⁰Silerge paydaluu bolo turgan nerselerdin bardıgın ayttım, silerdi büt el aldında da, üymö-üy kıdırıp da okuttum.

²¹Jüyüttörgö da, ellinderge da tobo kıluu jönündö jana Teŋiribiz Iysa Maşayakka işenüü jönündö jarıyaladım.

²²Azır bolso Ruhtun jetegi menen İerusalimge bara jatam, al jerde meni emne kütüp turgandıgın bilbeym.

²³Birok meni kişender jana azap-kaygılar kütüp turgandıgın Iyık Ruh maga ar bir şaarda eskertip jatat.

²⁴Birok men eç nersege karabaymın jana öz ömürümdü eç ayabaymın, aldımda turgan jarıştı jana Teŋir Iysa tapşırgan kızmattı – Kudaydın ırayımı jönündögü Jakşı Kabardı taratuu işin kubanıç menen ayagına çıgarsam ele boldu.

²⁵Azırkı uçurda men munu bilem: men jarıyalagan Kudaydın Padışaçılıgı jönündö ukkandarıŋardın içinen eç biriŋer mından kiyin meni körböysüŋör.

²⁶Oşonduktan bügün silerge aytıp koёyun: men eç kimiŋerdin kanıŋar üçün joop berbeym.

²⁷Antkeni men silerge Kudaydın erkin tolugu menen aytkam.

²⁸Oşonduktan özüŋörgö jana Iyık Ruh tarabınan tapşırılgan bütündöy üyürgö sak bolgula. Teŋirdin jana Kudaydın Öz kanın tögüp satıp algan Jıyının kaytargıla.

²⁹Antkeni men ketkenden kiyin, araŋarga üyürdü ayabagan jırtkıç karışkırlar kirerin bilem.

³⁰Şakirtterdi eerçitip ketüü üçün, özüŋördün ele araŋardan çındıktı burmalap süylögön adamdar çıgat.

³¹Oşonduktan sergek bolgula, köz jaşımdı tögüp, ar biriŋerdi üç jıl boyu kün-tün debey, tınımsız okutkanımdı esiŋerden çıgarbagıla.

³²Emi silerdi, bir tuugandar, Kudayga jana Anın ırayımı jönündögü sözünö tapşıramın. Al söz silerdi kalıptandırıp, ıyıktalgandar menen birge muraska ee kıla alat.

³³Eç kimden kümüş da, altın da, kiyim da aluunu kaalagan jokmun.

³⁴Siler özüŋör bilesiŋer, özümdün da, janımdagılardın da muktajdıgı üçün öz kolum menen emgektendim.

³⁵Uşintip emgektenip, alsızdarga jardam berüü kerek ekendigin, Iysa Teŋirdin “Alganga karaganda bergen jakşı” degen sözün unutpoo kerek ekendigin bardık jagınan körsöttüm».

³⁶Bul sözdördü aytkandan kiyin, al tize bügüp, bardıgı menen çoguu sıyındı.

³⁷Bardıgı ayabay ıylap, Pabıldı moynunan kuçaktap öpkülöştü.

³⁸Alardı Pabıldın «Meni mından kiyin körböysüŋör» degen sözü özgöçö kaygırttı. Andan kiyin alar anı kemege çeyin uzatıp barıştı.