Read NT LS 2005 – Инжил ЛС (2005 Elçilerdin işteri 21 Bible Online

Elçilerdin işteri 21 - NT LS 2005 – Инжил ЛС (2005 bible

Elçilerdin işteri 21

¹Alar menen koştoşkondon kiyin, keme menen tüz ele Kos kiçi aralına bardık. Ertesi künü Rodos aralına kelip, al jerden Patara şaarına bardık da,

²Pinikiyaga kete turgan kemeni taap, aga oturup, jolgo çıktık.

³Kipr aralının tüştük tarabınan ötüp, Siriyanı közdöy bagıt aldık da, Tir şaarına kelip toktoduk. Antkeni bul jerden kemedegi jüktü tüşürüşmök.

⁴Al jerden şakirtterdi izdep taap, alar menen jeti kün bolduk. Alar Ruhtun açıp berüüsü boyunça Pabılga: «İerusalimge barbagın», – dep aytıp jatıştı.

⁵Birok bul kündör ötköndön kiyin, biz jolgo çıktık. Alardın bardıgı, ayaldarı, baldarı menen birge bizdi şaardın sırtına çeyin uzatıp barıştı. Deŋiz jeeginde tize bügüp sıyındık.

⁶Koştoşkondon kiyin, biz kemege oturduk, alar bolso üylörünö kaytıştı.

⁷Tirden Ptolomay şaarına keldik. Oşentip, biz keme menen jol jürüünü toktottuk. Al jerde bir tuugandarga barıp, alar menen bir kün bolduk.

⁸Ertesi jolgo çıgıp, Keysareyaga keldik da, al jerden Jakşı Kabar taratuuçu Piliptin üyünö barıp, anıkında kaldık. Al jeti diakondun biri ele.

⁹Anın paygambarçılık kılgan, turmuşka çıkpagan tört kızı bar ele.

¹⁰Biz alardıkında bir neçe kün bolduk. Oşol kündördün birinde Jüyüt aymagınan Agap degen bir paygambar kelip,

¹¹biz oturgan bölmögö kirdi da, Pabıldın kurun alıp, özünün kolu-butun baylap, mınday dedi: «Iyık Ruh mınday deyt: İerusalimdegi jüyüttör bul kurdun eesin uşintip baylap, butparastardın koluna salıp berişet».

¹²Munu ukkanda, biz da, al jerdegiler da Pabıldan İerusalimge barboosun ötündük.

¹³Birok al mınday dedi: «Bul emne kılganıŋar? Emnege ıylap, meni kaygıga salıp jatasıŋar? Men İerusalimde Teŋir Iysa üçün tutkundaluuga gana emes, ölüügö da dayarmın».

¹⁴Biz anı köndürö albay koygondon kiyin, «Teŋirdin erki bolsun!» dep, unçukpay kaldık.

¹⁵Oşol kündördön kiyin, biz jolgo kamınıp, İerusalimge jol tarttık.

¹⁶Biz menen birge keysareyalık bir neçe şakirt da jolgo çıktı. Alar bizdi kiprlik Mnasondun üyünö eerçitip barıştı. Mnason birinçi şakirtterden ele.

¹⁷İerusalimdegi bir tuugandar bizdi kubanıç menen kabıl alıştı.

¹⁸Ertesi künü biz Pabıl menen birge Jakıpka bardık. Jıyın başçıları da kelişti.

¹⁹Alar menen uçuraşkandan kiyin, Pabıl alarga özünün kızmatı arkıluu Kuday butparastar arasında emnelerdi kılganı jönündö tolugu menen aytıp berdi.

²⁰Alar anın sözün ugup, Kudaydı daŋktaştı. Anan aga mınday deşti: «Bir tuugan, özüŋ körüp turganday, miŋdegen jüyüttör Iysaga işenip kalıştı, alardın baarı Musanın mıyzamın kızgançaaktık menen korgoşot.

²¹Alar sen tuuraluu: “Al butparastar arasında jaşagan büt jüyüttördü: "Baldarıŋardı sünnötkö oturguzbagıla, salttı karmabagıla", – dep, Musanın mıyzamınan çettöögö üyrötüp jatat”, – dep uguşkan.

²²Emi emne bolot? El senin bul jerge kelgeniŋdi ugup, sözsüz çogulat.

²³Oşonduktan bizdin aytkanıbızdı kıl: bizdin arabızda nazir boluuga ubada bergen tört adam bar.

²⁴Alardı iybadatkanaga eerçitip barıp, alar menen koşo tazalanuu rasmisinen öt. Alardın çaç aldırış üçün çalgan kurmandıktarına ketken çıgımın sen tölö. Oşondo jüyüttördün bardıgı sen tuuraluu ukkan sözdörünün tuura emes ekendigin, özüŋ da mıyzamdı saktap jürgönüŋdü bilişet.

²⁵Al emi butparastardın arasınan Iysaga işenip kalgandarga: “Burkandarga çalıngan kurmandıktı, kandı jana kanı agızılbagan jan-janıbardın, kanattuunun etin jebegile, oşondoy ele oynoştuk kılbagıla”, – dep kat jazıp, berip jiberdik».

²⁶Oşondo Pabıl nazir boluuga ubada bergen tört kişini eerçitip barıp, alar menen birge tazalanuu rasmisinen öttü. Ertesi künü iybadatkanaga kirip, tazalanuu kündörünün kaçan bütörün, kaçan ar biri üçün kurmandık çalınarın jarıyaladı.

²⁷Jeti kündük tazalanuu rasmisi ayaktap kalganda, asiyalık jüyüttör Pabıldı iybadatkanadan körüp, büt eldi aga karşı tukuruştu. Alar anı karmap alıp:

²⁸«Israyıl erkekteri, jardamga kelgile! Mına bul kişi bardık jerde elibizge, mıyzamıbızga jana uşul ıyık jayga karşı okutup jüröt. Atügül, ellinderdi da iybadatkanaga kirgizip, bul ıyık jaydı bulgadı», – dep kıykırıştı.

²⁹Antkeni alar mından murun Pabıldın epestik Tropim menen şaarda jürgönün körüp, al anı iybadatkanaga kirgizdi dep oylop kalışkan.

³⁰Büt şaar kıymılga kelip, ar taraptan el çoguldu. Alar Pabıldı iybadatkanadan sırtka süyröp çıgarıştı. Oşol zamat iybadatkananın eşikteri bekitildi.

³¹Alar anı öltürmökçü bolup jatışkanda, rimdik miŋ başıga «Büt İerusalim dürbölöŋgö tüşüp jatat» degen kabar jetti.

³²Miŋ başı oşol zamat askerlerdi jana jüz başılardı alıp, alardı közdöy jönödü. Alar miŋ başını jana askerlerdi körgöndö, Pabıldı urganın toktotuştu.

³³Oşondo miŋ başı jakın kelip, anı karmadı da, eki çınjır menen bayloogo buyruk berdi. Anan: «Bul kim? Emne kıldı ele?» – dep suradı.

³⁴Eldin arasınan biröö birdi aytıp, ekinçisi dagı birdi aytıp kıykırıp jatıştı. Al bolso dürbölöŋdön ulam, kimisiniki çın ekenin bile albay, anı askerler üyünö alıp baruuga buyruk berdi.

³⁵Pabıl tepkiçke jetkende, askerler anı kötörüp çıguuga majbur boluştu. Antkeni kalıŋ el kısıp,

³⁶alardın artınan kalbay: «Aga ölüm!» – dep kıykırıp kele jatışkan.

³⁷Pabıl askerler üyünö kirip bara jatkanda, miŋ başıdan: «Saga bir nerse aytsam bolobu?» – dep suradı. Tigi bolso: «Sen grekçe bilesiŋbi?

³⁸Mından bir neçe kün murun kozgoloŋ çıgarıp, tört miŋ kılmışkerdi çölgö alıp çıkkan misirlik kişi sen emessiŋbi?» – dedi.

³⁹Pabıl bolso: «Men jüyütmün, Kilikiya dubanının belgilüü şaarlarının biri Tarstın atuulumun. Maga elge süylögöngö uruksat berçi», – dedi.

⁴⁰Al uruksat berdi. Oşondo tepkiçtin üstündö turgan Pabıl elge kolu menen belgi berdi. Tınçtanıp kalışkanda, alarga eberey tilinde süylöy baştadı: