Read NT LS 2005 – Инжил ЛС (2005 Elçilerdin işteri 24 Bible Online

Elçilerdin işteri 24 - NT LS 2005 – Инжил ЛС (2005 bible

Elçilerdin işteri 24

¹Beş kündön kiyin başkı ıyık kızmat kıluuçu Hananiya aksakaldardı jana Tertul degen jaktooçunu alıp, başkaruuçuga keldi. Alar Pabılga karşı arızdanıştı.

²Pabıl çakırtılıp kelgende, Tertul anı mınday dep ayıptay baştadı:

³«Uluu urmattuu Peliks, uşul ölködögü tınçtık üçün jana özüŋdün kamkorduguŋ menen uşul el jakşı jaşap jatkandıgı üçün, biz saga mildettüü ekenibizdi ar ubakta, bardık jerde ıraazıçılık menen moynubuzga alabız.

⁴Seni köpkö karmabaylı. Özüŋö münözdüü bolgon ırayımduuluguŋ menen bizge bir az kulak salıp koyuuŋdu ötünöm.

⁵Biz bul adamdı koomdun tınçın aluuçu, büt düynö jüzündö jaşagan jüyüttör arasında kozgoloŋ çıgaruuçu jana nazarettik jalgan okutuunun ökülü dep taptık.

⁶Al iybadatkananı bulgaganga da araket kıldı. Biz anı karmap alıp, özübüzdün mıyzamıbız boyunça sottogonu jatkanbız.

⁷Birok miŋ başı Lusiy kelip, anı bizdin kolubuzdan küç menen tartıp alıp, saga jiberdi.

⁸Anın ayıptooçuları – bizdi da saga baruuga buyrudu. Anı ayıptap jatkanıbızdın sebebin özünön surap bil».

⁹Jüyüttör da aga koşulup, al jönündö aytılgan sözdördün baarın tuura dep ırastaştı.

¹⁰Başkaruuçu kolu menen belgi bergende, Pabıl mınday dep süylöy baştadı: «Senin bul elge köp jıldan beri sot jürgüzüp kele jatkandıgıŋdı bilgendigimden ulam, men öz işimdi erkin korgoy alamın.

¹¹Özüŋ bilip alsaŋ bolot, Kudayga tabınuu üçün İerusalimge kelgenime on eki kündön aşa elek.

¹²Iyık jayda bolobu, sinagogada bolobu, şaarda bolobu, alar menin biröö menen talaşıp-tartışkanımdı je el arasında kozgoloŋ çıgarganımdı körüşkön jok.

¹³Azır koygon ayıptarın da dalildey alışpayt.

¹⁴Birok alar jalgan dep eseptegen okutuu boyunça men, çın ele, ata-babalarımdın Kudayına kızmat kılarımdı, «Tooratta» jana «Paygambarlar» kitebinde jazılgandın bardıgına işenerimdi senin aldıŋda moynuma alam.

¹⁵Men da alar sıyaktuu ele, adilettüülör da, adiletsizder da tirilet dep, Kudaydan ümüttönöm.

¹⁶Oşonduktan Kuday aldında da, adamdar aldında da abiyirim taza boluşu üçün, ar dayım araket kılam.

¹⁷Men öz elime jardam jana kurmandıktardı jetkirip berüü üçün, bir neçe jıldan kiyin İerusalimge keldim.

¹⁸Asiyalık jüyüttör meni iybadatkanada tazalanuu rasmisinen ötüp jatkan jerimden körüştü. Janımda el jok bolçu, eç kanday ızı-çuu da bolgon emes.

¹⁹Egerde oşol asiyalık jüyüttördün maga karata naarazıçılıgı bolso, anda alar senin aldıŋa kelip, meni ayıptooloru kerek ele.

²⁰Je bolboso bul jerdegiler da sinedriondun aldında turganımda menden kılmış tabışkan bolso, anda aytıp berişsin.

²¹Bolgonu, men alardın arasında turganımda ünümdü katuu çıgarıp, “Siler meni bügün ölgöndördün tirile turgandıgı jönündögü okutuu üçün ayıptap jatasıŋar” degem».

²²Munu ukkanda, bul okutuu jönündö toluk maalımatı bar Peliks alarga: «Men silerdin işiŋerdi miŋ başı Lusiy kelgende teriştirem», – dep, tergöö işin kiyinkige kaltırdı.

²³Jüz başıga bolso Pabıldı kamakka aluunu, birok kısımga alboonu jana jakındarının eç birinin aga kam körüp turuusuna je kelüüsünö tıyuu salboonu buyruk kıldı.

²⁴Bir neçe kündön kiyin Peliks özünün jüyüt ayalı Druzila menen keldi da, Pabıldı çakırtıp alıp, Maşayak Iysaga bolgon işenim tuuraluu uktu.

²⁵Pabıl adilettik, özün özü tıyuu jana keleçektegi sot tuuraluu ayta baştaganda, Peliksti korkunuç bastı. Oşonduktan al: «Azır bara ber, ubakıt bolgondo özüm çakırtıp alam», – dedi.

²⁶Oşol ele uçurda Peliks Pabıldan boşonuş üçün akça beret dep ümüttöngöndüktön, anı tez-tez çakırtıp alıp, süylöşüp turdu.

²⁷Eki jıldan kiyin Pelikstin orduna Porkiy Pest keldi. Jüyüttörgö jakkısı kelgen Peliks Pabıldı türmödö kaltırdı.