Read NT LS 2005 – Инжил ЛС (2005 Elçilerdin işteri 26 Bible Online

Elçilerdin işteri 26 - NT LS 2005 – Инжил ЛС (2005 bible

Elçilerdin işteri 26

¹Agripa Pabılga: «Özüŋdü korgop süylöögö uruksat berilet», – dedi. Oşondo Pabıl kolun jogoru kötörüp, özün korgop mınday dep süylöy baştadı:

²«Agripa padışa! Jüyüttördün maga koygon ayıptarına karşı bügün senin aldıŋda korgono ala turganım üçün, özümdü baktıluu esepteymin.

³Antkeni sen jüyüttördün bardık kaada-salttarın jana talaş suroolorun bilesiŋ. Oşonduktan maga çıdamkaylık menen kulak saluuŋdu ötünömün.

⁴Menin İerusalimdegi öz elimdin arasında ötkörgön jaş çagımdan berki jaşoomdu büt jüyüttör bilişet.

⁵Alar men jönündö köptön beri bilişet, oşonduktan, egerde kaalaşsa, bizdin işenimibiz jönündögü okutuunu bekem tutkan parisey bolgonumdu kübölöndürüp berişsin.

⁶Kudaydın ata-babalarıbızga bergen ubadasına ümüttöngönüm üçün, men bügün sottun aldında turamın.

⁷On eki uruubuz Kudayga künü-tünü tırışçaaktık menen kızmat kılıp, oşol ubadanın atkarılışın körüügö ümüttönüp jürüşöt. Oşol ümüt üçün, padışa Agripa, jüyüttör meni ayıptap jatışat.

⁸Emne üçün siler Kudaydın ölgöndördü tirilterin akılga sıybagan nerse dep esepteysiŋer?

⁹Çındıgında, men da nazarettik Iysanın ısımına karşı küröşüşüm kerek dep oyloçumun.

¹⁰Oşol oyumdu men İerusalimde iş jüzünö aşırdım: başkı ıyık kızmat kıluuçulardan uruksat alıp, köptögön ıyıktardı türmögö kamadım, alardı ölüm jazasına tartuuga öküm çıgarıp jatışkanda, dobuş berdim.

¹¹Sinagogalardın baarın kıdırıp, Iysaga işengenderdi kıynap, Iysaga akarat ayttıruuga araket kıldım. Ayabay açuulanıp, alardı başka şaarlarda da kuuguntuktadım.

¹²Oşol maksat menen, başkı ıyık kızmat kıluuçular tarabınan berilgen ukuk jana tapşırma menen Damaskka bara jatkanda,

¹³joldo, Agripa padışa, çak tüştö asmandan bir jarık tüşüp, menin jana janımdagılardın aylanasın jarkırattı. Al jarık kündün jarıgınan da jarık ele.

¹⁴Baarıbız jerge jıgıldık. Oşondo “Şabıl, Şabıl! Emne üçün Meni kubalap jatasıŋ? Uçtuu tayakka karşı tura albaysıŋ” dep, eberey tilinde süylögön ündü uktum.

¹⁵Men: “Sen kimsiŋ, Teŋir?” – dep suradım. Al maga: “Sen kubalap jatkan Iysamın.

¹⁶Orduŋan turgun. Menin saga körüngöndügümdün sebebi mınday: Men seni kızmatçı kılam, sen özüŋ körgön nerselerdi gana emes, Men körsötö turgan nerselerdi da kübölöndürösüŋ.

¹⁷Seni jüyüt elinin jana butparastardın kolunan kutkarıp alam da,

¹⁸alar közdörü açılıp, karaŋgılıktan jarıkka jana şaytandın biyliginen baş tartıp, Kudayga buruluşu üçün, Maga işenüü arkıluu künöölörü keçirilip, ıyıktar menen birge muraska ee boluşu üçün, Men azır seni alarga jiberem”, – dep joop berdi.

¹⁹Oşon üçün, Agripa padışa, men asmandan bolgon oşol körünüşkö karşı çıkkan jokmun.

²⁰Teskerisinçe, adegende Damasktın jana İerusalimdin turgundarına, andan kiyin bütündöy Jüyüt aymagına jana butparastarga: “Tobo kılgıla, Kudayga kayrılgıla, tobo kılganıŋarga ılayık işterdi kılgıla”, – dep nasaattap jürdüm.

²¹Oşon üçün jüyüttör meni iybadatkanadan karmap alıp, öltürüügö araket kılıştı.

²²Birok Kudaydın jardamı menen men bügünkü küngö çeyin Musa paygambardın jana başka paygambarlardın aytkandarın gana,

²³atap aytkanda, Maşayaktın azap çegip ölüp, ölgöndördün arasınan birinçi bolup tirilip, jüyüt eline jana butparastarga jarık jönündö jarıyalaganın gana uluu-kiçüü debey, baarına kübölöndürüp kele jatam».

²⁴Pabıl özün korgop süylöp jatkanda, Pest katuu ün menen: «Akılıŋdan adaşıp jatasıŋ, Pabıl! Köp bilgendigiŋ seni akılıŋdan adaştırıp jatat», – dedi.

²⁵«Jok, urmattuu Pest, – dedi Pabıl, – akılımdan adaşkan jokmun, teskerisinçe, çındıktı jana tuura sözdördü aytıp jatamın.

²⁶Bul jönündö padışa bilet, oşonduktan men anın aldında kayrattuuluk menen süylöp jatam. Uşul nerselerdin eç biri andan jaşıruun emes ekendigine men toluk işenemin, antkeni bul okuyalar bir burçta ele bolup ötkön emes.

²⁷Agripa padışa, sen paygambarlarga işenesiŋbi? İşeneriŋdi bilem».

²⁸Oşondo Agripa Pabılga: «Bir az ubakıttan kiyin sen meni maşayakçı boluuga köndürgüŋ bar go!» – dedi.

²⁹Pabıl aga: «Az ubakıttan kiyinbi, köp ubakıttan kiyinbi, sen gana emes, bügün meni ugup jatkandardın bardıgı men sıyaktuu boluşuŋardı Kudaydan ötünör elem. Birok mendey bolup kişendelişiŋerdi kaalabaym», – dep joop berdi.

³⁰Pabıl uşul sözdördü aytkanda, padışa, başkaruuçu, Bernike jana alardın janında oturgandar orundarınan turuştu da,

³¹çetke çıgıp, öz ara mınday dep süylöşüştü: «Bul adamdın ölüm jazasına tartkıday je kişendegidey kılmışı jok eken».

³²Oşondo Agripa Pestke: «Rim padışasının ökümün talap kılbaganda, anı boşotuuga bolor ele», – dedi. Oşonduktan başkaruuçu anı padışaga jiberüünü çeçti.