Read NT LS 2005 – Инжил ЛС (2005 Elçilerdin işteri 28 Bible Online

Elçilerdin işteri 28 - NT LS 2005 – Инжил ЛС (2005 bible

Elçilerdin işteri 28

¹Jeekke aman-esen çıkkandan kiyin, araldın atı Melit ekendigin bildik.

²Jergiliktüü el bizge özgöçö adamgerçilik körsöttü. Alar ot jagıp, bizdi çakırıştı, antkeni jamgır jaap, suuk bolup jatkan ele.

³Pabıl bir top kurgak çırpık terip kelip, otko salıp jatkanda, ısıktıktan ulam, bir uuluu jılan çıgıp, anın koluna jabıştı.

⁴Jergiliktüü el anın koluna jabışkan jılandı körgöndö, biri-birine: «Bul adam kişi öltürgüç bolso kerek, deŋizden aman çıksa da, Akıykattık anı tirüü kaltırgan jok», – deşti.

⁵Birok Pabıl jılandı otko silkip taştadı, andan eç kanday zıyan tartkan jok.

⁶Alar Pabıldın denesi şişip ketet, je bolboso al mürt ölöt dep kütüp jatışkan ele. Bir top ubakıt ötsö da, aga eç nerse bolgon jok. Oşondo alar oylorun özgörtüşüp: «Bul bir kuday bolso kerek», – deşti.

⁷Al jerden alıs emes jerde araldın başçısı Publiy degen adamdın jeri bar ele. Al bizdi çakırıp, üç kün meymandostuk menen konoktodu.

⁸Publiydin atası ısıtma jana iç ötkök menen oorup jatkan ele. Pabıl anın janına bardı da, sıyınıp, koldorun anın üstünö koyup, anı ayıktırıp koydu.

⁹Oşondon kiyin araldagı başka ooruluular da kelip, ayıgıp jatıştı.

¹⁰Alar bizge urmat-sıy körsötüp, jolgo çıgarıbızda kerektüü nerseler menen kamsız kılıştı.

¹¹Iç aydan kiyin, uşul aralda kıştagan «Egiz kudaylar» degen aleksandriyalık keme menen deŋizge çıktık.

¹²Sirakuza şaarına barıp, al jerde üç kün bolduk.

¹³Al jerden çıgıp, Regiya şaarına keldik. Bir kündön kiyin tüştük şamalı sokkonduktan, ertesi künü Puteol şaarına keldik.

¹⁴Al jerden bir tuugandardı taptık. Alar bizden jeti küngö kaluubuzdu ötünüştü. Andan kiyin Rimge jol tarttık.

¹⁵Al jerdegi bir tuugandar biz jönündö ugup, Apiy ayantına jana «Üç meymankana» degen jerge çeyin kelip, bizdi tosup alıştı. Pabıl alardı körgöndö, Kudayga ıraazıçılık bildirdi jana kayrattanıp da kaldı.

¹⁶Rimge kelgenibizde, jüz başı tutkundardı padışanın asker başçısına tapşırdı. Pabılga bolso bir asker menen özünçö jaşoogo uruksat berildi.

¹⁷Üç kündön kiyin Pabıl jüyüttördün eŋ ataktuu adamdarın çakırttı. Alar çogulganda, mınday dep süylöy baştadı: «Agayın-tuugandar! Elge karşı je ata-babalarıbızdın salttarına karşı eç nerse kılbasam da, kişendelip, İerusalimden rimdikterdin koluna salınıp berildim.

¹⁸Alar meni surakka alıp, menden ölüm jazasına tartkıday kılmış taba albay koyuşkandan kiyin, boşotmokçu boluştu.

¹⁹Birok jüyüttör karşı çıgışkandıktan, men Rim padışasının sotun talap kıluuga argasız boldum. Birok men al sottu öz elimdi ayıptaş üçün talap kılgan jokmun.

²⁰Men silerdi mına uşul sebep menen, siler menen körüşüp, süylöşüü üçün çakırdım. Antkeni men Israyıl elinin ümütü üçün uşul kişen menen kişendeldim».

²¹Oşondo alar aga: «Biz Jüyüt aymagınan sen jönündö eç kanday kat algan jokpuz, kelgen bir tuugandardın eç kimisi sen jönündö kabarlagan jok, eç bir jaman nerse aytkan da jok.

²²Oşondoy bolso da senden öz oyuŋdu ukkubuz kelet. Antkeni biz bul okutuu jönündö bardık jerde talaş-tartış bolup jatkanın bilebiz», – deşti.

²³Oşentip, alar bir kündü belgileşip alıp, Pabıl jaşap turgan üygö dagı köptögön jüyüttör menen kelişti. Pabıl alarga erteden keçke çeyin Kudaydın Padışaçılıgı jönündö kübölöndürüp, «Toorat» jana «Paygambarlar» kitepterinin negizinde Iysa jönündö işenimdüü dalilderdi keltirdi.

²⁴Kee biröölörü aytılgan sözdörgö ınanıştı, al emi kee biröölörü işenişken jok.

²⁵Öz ara kelişe albay, alar taray baştaştı. Oşondo Pabıl alarga mınday dedi: «Iyık Ruh Işaya paygambar arkıluu bizdin ata-babalarıbızga mınday dep tuura aytkan eken:

²⁶“Bul elge barıp ayt: Kulagıŋar menen ugasıŋar, birok tüşünböysüŋör; közüŋör menen karaysıŋar, birok körböysüŋör.

²⁷Antkeni közdörü menen körböş üçün, kulaktarı menen ukpaş üçün, jüröktörü menen tüşünböş üçün, Maga kayrılıp ayıkpaş üçün, bul eldin jürögün may bastı, kulaktarı katuulandı, alar közdörün jaap alıştı”.

²⁸Oşonduktan bilip algıla: Kudaydın kutkaruusu butparastarga jiberildi, munu mına oşolor uguşat».

²⁹Al uşul sözdördü aytkanda, jüyüttör öz ara köpkö talaşıp-tartışıp, tarap ketişti.

³⁰Pabıl Rimde eki jıl batirde jaşadı. Kelgenderdin baarın kabıl alıp,

³¹Kudaydın Padışaçılıgı jönündö, Teŋir Iysa Maşayak jönündö kayrattuuluk menen aytıp, alardı toskoolduksuz okutup jattı.