Read NT LS 2005 – Инжил ЛС (2005 Rimdikterge 10 Bible Online

Rimdikterge 10 - NT LS 2005 – Инжил ЛС (2005 bible

Rimdikterge 10

¹Bir tuugandarım, menin çın jürögümdön kaalaganım jana Kudaydan sıyınıp suranarım – Israyıl elinin kutkarılışı.

²Antkeni men alarga Kuday üçün tırışçaaktık körsötüşörün, birok alardın tırışçaaktıgı tuura emes tüşünük boyunça ekenin kübölöndürömün.

³Antkeni alar Kudaydın adildigin tüşünböy, özdörünün adildigin ornotuuga arakettenip, Kudaydın adildigine moyun sunuşkan jok.

⁴Antkeni Maşayak – mıyzamdın ayagı, Aga işengen adam adildikke jetet.

⁵Antkeni Musa paygambar mıyzamdı atkaruu arkıluu kelgen adildik jönündö: «Mıyzamdı atkargan adam al arkıluu tirüü bolot», – dep jazgan.

⁶İşenim arkıluu kelgen adildik bolso mınday deyt: «Öz içiŋden: “Maşayaktı jerge tüşürüş üçün, asmanga kim çıgat?”

⁷je “Maşayaktı ölgöndördün arasınan alıp çıguu üçün, tüpsüz tuŋguyukka kim tüşöt?” – dep aytpa».

⁸A Iyık Jazuuda emne dep aytılat? «Al söz saga jakın, al senin oozuŋda jana jürögüŋdö», – dep aytılat. Al söz – biz jar salıp jatkan işenim jönündögü söz.

⁹Egerde sen öz oozuŋ menen Iysanı Teŋirim dep açık taanısaŋ, Kudaydın Anı ölgöndördün arasınan tiriltkenine çın jürögüŋ menen işenseŋ, anda kutkarılasıŋ.

¹⁰Sebebi adam çın jürögü menen işenüü arkıluu aktalat, oozu menen açık taanuu arkıluu kutkarılat.

¹¹Iyık Jazuuda bolso: «Aga işengen adam uyatka kalbayt», – dep aytılat.

¹²Jüyüt menen ellindin ortosunda eç kanday ayırma jok, antkeni bardıgının Teŋiri bir, Al Özünün ısımın çakırgandardın bardıgı üçün bay.

¹³Antkeni Teŋirdin ısımın çakırgan ar bir adam kutkarılat.

¹⁴Birok Aga işenbey turup, Anı kantip çakırışat? Al jönündö ukpay turup, Aga kantip işenişet? Jakşı Kabardı taratuuçular jok bolso, kantip uguşat?

¹⁵Jakşı Kabardı taratuu üçün jiberilişpese, kantip taratışat? Antkeni Iyık Jazuuda: «Tınçtık tuuraluu Jakşı Kabardı taratuuçulardın buttarı kanday sonun!» – dep jazılgan emespi.

¹⁶Birok Jakşı Kabarga bardıgı ele kulak salgan jok. Bul jönündö Işaya paygambar: «Teŋir, biz aytkan kabarga kim işendi?» – deyt.

¹⁷Demek, işenim ukkan söz arkıluu payda bolot, al emi uga turgan söz – Kudaydın sözü.

¹⁸Birok men: «Emne, alar uguşkan jokpu?» – dep suragım kelet. Teskerisinçe, alardın ünü büt jer jüzünö, alardın sözü düynönün tört burçuna jetti.

¹⁹Men dagı suragım kelet: «Emne, Israyıl eli bilçü emes bele?» Algaç Musa paygambar: «El katarı eseptelbegender arkıluu Men silerdi kızgandıramın, akılsız el arkıluu silerdi açuulandıramın», – deyt.

²⁰Işaya paygambar bolso taymanbastan: «Meni izdebegender Meni tabıştı, Meni surabagandarga Özüm açıldım», – deyt.

²¹Israyıl eli jönündö bolso mınday deyt: «Men til albas, kejir elge bir kün boyu kolumdu sunup turdum».