Read NT LS 2005 – Инжил ЛС (2005 Rimdikterge 11 Bible Online

Rimdikterge 11 - NT LS 2005 – Инжил ЛС (2005 bible

Rimdikterge 11

¹Anda emne, Kuday Öz elin çetke kaktıbı? Albette, jok! Antkeni Ibrayımdın tukumunan, Benjemin tukumunan çıkkan men da ısrayıldıkmın.

²Kuday muruntadan ele bilgen Öz elin çetke kakkan jok. Je siler Iyık Jazuuda İliyas paygambar jönündö emne dep aytılganın bilbeysiŋerbi? Al Israyıl eline karşı:

³«Teŋir, Senin paygambarlarıŋdı öltürüştü. Senin kurmandık çalınuuçu jaylarıŋdı talkalaştı. Jalgız men kaldım, meni da öltürgönü jatışat», – dep, Kudayga arızdangan.

⁴Birok Kudaydın joobu kanday boldu? «Men jeti miŋ erkekti Özüm üçün saktap koydum, alar Baaldın aldında tize bügüşkön jok».

⁵Oşol sıyaktuu ele azırkı uçurda da Kudaydın ırayımı menen tandalgan kaldık bar.

⁶Bul işterdin negizinde emes, ırayımdın negizinde işke aşkan. Bolboso ırayım ırayım bolmok emes.

⁷Anda emne deybiz? Israyıl eli izdegenine jetken jok, tandalgandar bolso jetişti, al emi kalgandarının jüröktörü taş bolup kaldı.

⁸Bul jönündö Iyık Jazuuda: «Kuday alarga tuybastık ruhun, körbögön köz, ukpagan kulak berdi, uşul küngö çeyin uşunday», – dep jazılgan.

⁹Dööt paygambar da: «Alardın dastorkonu özdörünö tor, tuzak, sıyırtmak jana jaza bolsun.

¹⁰Alardın közdörü körböş üçün tunarsın, belderi da birotolo büküröyüp kalsın», – deyt.

¹¹«Alar, emne, turbas bolup jıgılıştıbı?» – dep suragım kelet. Albette, jok! Birok alardın jıgıluusu arkıluu butparastar kutkarıldı. Bul Israyıl elinin kızganıçın oygotuu üçün boldu.

¹²Egerde alardın jıgıluusu düynö üçün baylık bolso, alardın azayuusu butparastar üçün baylık bolso, anda alardın köböyüüsü da baylık alıp keleri anık.

¹³Butparastar, silerge aytamın: men butparastardın elçisimin, uşul kızmatımdı jogoru baalaym.

¹⁴Öz kandaştarımdın kızganıçın oygoto alar bekem, alardın kee biröölörün kutkarıp kalar bekem?

¹⁵Antkeni alardın kabıl albay koyuusu düynönü Kuday menen eldeştirse, anda alardın kabıl aluusu ölümdön ömürgö ötüü emey emne?

¹⁶Açıtkı ıyık bolso, kamır da ıyık bolot. Tamır ıyık bolso, butaktar da ıyık bolot.

¹⁷Egerde sen, japayı zaytun daragı, zaytun daragının sındırılıp taştalgan kee bir butaktarının orduna kıyıştırılıp, oşol zaytun daragının şirelüü tamırına koşulup kalgan bolsoŋ,

¹⁸anda sen butaktardın arasında maktanba. Egerde maktanıp jatsaŋ, anda bilip koygun: sen tamırdı emes, tamır seni karmap turat.

¹⁹Mümkün, sen: «Butaktar men kıyıştırılışım üçün sındırıldı», – dep aytıp jatkandırsıŋ.

²⁰Tuura. Alar işenbestigi üçün sındırılıştı, sen bolso işenim menen bekem turasıŋ. Birok tekeberdenip ketpe, andan körö kork!

²¹Antkeni Kuday tabigıy butaktardı ayabasa, seni ayamak bele?!

²²Oşonduktan Kudaydın ırayımduulugun jana kataaldıgın bilip koygun: Al jıgılgandarga kataal. Egerde Anın ırayımı menen jaşasaŋ, saga ırayımın körsötöt. Antpeseŋ, seni da kesip taştayt.

²³Egerde alar işenbestik menen jaşay berişpese, kayradan kıyıştırılat. Antkeni alardı kayradan kıyıştıruuga Kudaydın kudureti jetet.

²⁴Antkeni sen japayı zaytun daragınan kesilip alınıp, baaluu zaytun daragına tabiyattın mıyzamına karşı kıyıştırılsaŋ, anda anın öz butaktarı da kıyıştırıları anık.

²⁵Bir tuugandar, maktanbaşıŋar üçün, bul jaşıruun sırdı silerge açıp bergim kelet: Israyıl elinin öjörlönüüsü kutkarıla turgan butparastardın sanı toluk bolgon küngö çeyin sozulat.

²⁶Oşentip, büt Israyıl eli kutkarılat. Antkeni Iyık Jazuuda: «Siondon Kutkaruuçu kelet. Al Jakıptın tukumun kudaysızdıktan kutkarat.

²⁷Menin alardın künöölörün keçirgenim – bul Menin alar menen tüzgön kelişimim», – dep jazılgan.

²⁸Bir jagınan, alar Jakşı Kabardı kabıl albay, silerdin paydaŋar üçün Kudaydın duşmanı bolup kalıştı. Birok, ekinçi jagınan, alar – Kudaydın süyüktüülörü, antkeni Kuday alardın ataların tandap algan.

²⁹Antkeni Kuday bergen belekterin kayra alıp albayt, çakıruu çeçimin özgörtpöyt.

³⁰Bir kezde siler da Kudayga til alçu emessiŋer, azır bolso alardın til albastıgınan ulam ırayım taptıŋar.

³¹Silerge ırayım körsötülgön sıyaktuu ele, alarga da ırayım körsötülüşü üçün, azır alar til albas bolup kalıştı.

³²Antkeni Kuday bardıgına ırayım körsötüü üçün, bardıgın til albas kılıp koydu.

³³Oo, Kudaydın akılı kanday tereŋ, Anın bilimi kanday jetkileŋ! Anın çeçimderi akıl jetkis, Anın joldoru izildengis!

³⁴Teŋirdin akılın tüşüngön adam barbı? Je Aga keŋeşçi bolgon adam barbı?

³⁵Je Teŋir kayra berişi üçün, kim Aga aldın ala bir nerse berdi?

³⁶Antkeni bardıgı Andan, Al arkıluu jana Al üçün. Al tübölük daŋktalsın! Oomiyin.