Read NT LS 2005 – Инжил ЛС (2005 Rimdikterge 13 Bible Online

Rimdikterge 13 - NT LS 2005 – Инжил ЛС (2005 bible

Rimdikterge 13

¹Ar bir adam jogorku biyliktegilerge baş iysin. Antkeni Kudaydan bolbogon biylik jok, biyliktin baarın Kuday ornotkon.

²Mına oşonduktan biylikke karşı çıkkan adam Kudaydın tartibine karşı çıkkan bolot. Karşı çıkkandar bolso özdörün özdörü jazaga duuşar kılışat.

³Antkeni başçılardan jakşı iş kılgandar emes, jaman iş kılgandar korkuşat. Biylikten korkkuŋ kelbese, jakşı işterdi kıl. Oşondo andan maktoo ugasıŋ.

⁴Antkeni başçı – Kudaydın kulu, al saga jakşı boluş üçün koyulgan. Egerde jaman iş kılıp jatsaŋ, kork. Sebebi al bekerinen kılıç alıp jürböyt. Al – Kudaydın kulu, jaman iş kılgandardı jazaloo üçün koyulgan.

⁵Oşonduktan jazadan korkkonduktan ele emes, abiyiriŋerdin taza boluşu üçün da baş iyişiŋer kerek.

⁶Oşon üçün salık da tölöp jatasıŋar. Antkeni alar – Kudaydın kızmatçıları, ar dayım oşol iş menen alek boluşat.

⁷Ar kimge öz tieşesin bergile: kimge salık tölöö kerek bolso, salık tölögülö; kimge bajı akısın berüü kerek bolso, bajı akısın bergile; kimden korkuu kerek bolso, korkkula; kimge urmat körsötüü kerek bolso, urmat körsötkülö.

⁸Biri-biriŋerdi süygöndön başka eç kimge eç nerse menen karız bolbogula. Antkeni jakının süygön adam mıyzamdı atkargan bolot.

⁹Antkeni «Oynoştuk kılba», «Kişi öltürbö», «Uuruluk kılba», «Başka biröönükünö köz artpa» degen jana başka osuyattardın bardıgı «Özüŋdü kanday süysöŋ, jakınıŋdı da oşondoy süy» degen söz menen jıyıntıktalat.

¹⁰Süyüü jakınına jamandık kılbayt. Demek, süyüü – mıyzamdın atkarılışı.

¹¹Uykudan oygono turgan ubakıt kelgenin bilişiŋer kerek. Antkeni biz işenip kalgan ubakka karaganda, azır bizge kutkarıluu jakın.

¹²Tün ötüp baratat, kün jakındap kaldı, oşonduktan karaŋgılıktın işterinen baş tartıp, jarıktın kuraldarın asınalı.

¹³Şapar tebüünü jana içkilikti, ayal (erkek) janduuluktu jana buzuktuktu, uruş-talaştı jana körö albastıktı kaltırıp, kündüz jürgön sıyaktuu, özübüzdü jakşı alıp jürölü.

¹⁴Teŋiribiz Iysa Maşayak menen tıgız baylanışta bolgula. Denege kam körüünü kumarga aylandırbagıla.