Read NT LS 2005 – Инжил ЛС (2005 Rimdikterge 15 Bible Online

Rimdikterge 15 - NT LS 2005 – Инжил ЛС (2005 bible

Rimdikterge 15

¹Biz, işenimi küçtüülör, alsızdardın alsız jagın kötörüşübüz kerek. Özübüzgö jakkandı ele oyloboy,

²ar biribiz jakınıbızga jakkandı oyloylu. Al üçün jakşı boluusun, anın işeniminin ösüüsün közdöylü.

³Antkeni Iyık Jazuuda: «Saga til tiygizgenderdin suuk tili Maga tiyip jatat», – dep jazılganday, Maşayak da Özünö emes, Atasına jakkandı kılgan.

⁴Al emi buga çeyin jazılgandın baarı bizdin üyrönüşübüz üçün jazılgan. Antkeni biz Iyık Jazuu arkıluu çıdamduulukka jana kayrattuulukka ee bolup, ümütübüzdü üzböybüz.

⁵Siler bir oy menen, bir oozdon Teŋiribiz Maşayak Iysanın Kudayın jana Atasın daŋktaşıŋar üçün,

⁶çıdamduuluk jana kayrattuuluk berüüçü Kuday Özü Iysa Maşayaktın üyrötüüsü boyunça silerge öz ara bir oy bersin.

⁷Kuday daŋktalışı üçün, Maşayak silerdi kabıl alganday, siler da biri-biriŋerdi kabıl algıla.

⁸Silerge aytamın: Maşayak sünnöttüülörgö Kudaydın ata-babalarıbızga bergen ubadasın atkarış üçün, Kudaydın çındıgın dalildöö üçün kızmatçı boldu.

⁹Al emi butparastarga Kudaydı daŋktaşsın üçün, Kudaydın alarga körsötkön ırayımı üçün kızmatçı boldu. Iyık Jazuuda: «Teŋir, Seni butparastardın arasında daŋktaymın, Senin ısımıŋdı daŋktap ırdaymın», – dep jazılgan.

¹⁰Iyık Jazuunun dagı bir jerinde: «Butparastar, Anın eli menen birge kubangıla», – dep jazılgan.

¹¹Oşondoy ele: «Bardık butparastar, Teŋirdi maktagıla, bardık elder, Anı daŋktagıla», – dep da jazılgan.

¹²Işaya paygambar da: «Jışaydın tukumunan Biröö çıgat, Al bardık elderdin üstünön biylik jürgüzöt. Aga butparastar ümüttönüşöt», – dep aytkan.

¹³Iyık Ruhtun küçü menen ümütkö bay boluşuŋar üçün, ümüt berüüçü Kuday silerdi işenim jolunda kubanıçka jana tınçtıkka bölösün.

¹⁴Bir tuugandarım, siler özüŋör dele ar kanday jakşı nerselerge jana bilimge baysıŋar, oşondoy ele biri-biriŋerge akıl-nasaat ayta alasıŋar dep işenem.

¹⁵Oşogo karabastan, silerdin esiŋerge saluu üçün, men kee bir nerselerdi kayrattuuluk menen jazdım.

¹⁶Kudaydın maga körsötkön ırayımı boyunça Iysa Maşayaktın kızmatçısı bolgon men butparastardı Kudaydın aldına Iyık Ruh arkıluu ıyıktalgan, jagımduu tartuu katarı alıp keliş üçün, Kudaydın Jakşı Kabarın taratuu işin ıyık kızmat katarı atkarıp jatam.

¹⁷Oşentip, men Kuday aldında Iysa Maşayak arkıluu maktana alam.

¹⁸Antkeni Maşayaktın men arkıluu atkargandarınan başka nerseni aytuuga batına albaym. Al men arkıluu söz menen, iş menen, jışaandar jana ajayıptar menen, Iyık Ruhtun küçü menen butparastardı işenimge baş iydirdi.

¹⁹Men İerusalimden baştap İlirikke çeyinki aymaktarga Maşayaktın Jakşı Kabarın tolugu menen tarattım.

²⁰Başka biröö turguzgan paydubaldın üstünö kurbaş üçün, men Jakşı Kabardı Maşayaktın ısımı belgisiz bolgon jerlerge taratuuga arakettendim.

²¹Antkeni Iyık Jazuuda: «Al jönündö kabarı joktor körüşöt, ukpagandar tüşünüşöt», – dep jazılgan.

²²Mına oşonduktan köp toskoolduktarga uçurap, silerge bara albay jattım.

²³Azır bolso bul ölkölördö Jakşı Kabar taratılbagan jer kalbagandıktan jana köp jıldan beri silerge ayabay bargım kelgendikten,

²⁴İspaniyaga bara jatkanda, silerge tie ketem. Bara jatıp, silerge jolugam dep ümüttönöm. Siler menen bir az bolso da baarlaşıp, kubanıç alganımdan kiyin, meni uzatıp koёrsuŋar.

²⁵Azır bolso men ıyıktarga kızmat kıluu üçün, İerusalimge bara jatam.

²⁶Antkeni makedoniyadagılar menen ahayadagılar İerusalimdegi ıyıktardın arasındagı jakırlarga jardam toptop berüünü çeçişti.

²⁷Ooba, oşondoy çeçişti, çınında, alar jüyüttörgö karızdar. Antkeni butparastar ruhiy jagınan alar menen ülüştöş bolup kalışkandıktan, alarga tiriçilik jagınan kızmat körsötüülörü kerek.

²⁸Toptolgon jardamdı alarga tolugu menen jetkirip berip, bul işti ayagına çıgargandan kiyin, silerge baram da, andan arı İspaniyaga ketem.

²⁹Men silerge Maşayaktın toluk batası menen bararımdı bilem.

³⁰Bir tuugandarım, Teŋiribiz Iysa Maşayak arkıluu, Ruhtun süyüüsü arkıluu silerden ötünömün: men üçün Kudayga sıyınıp, meni menen çoguu küröşkülö.

³¹Jüyüt aymagındagı işenbegenderden kutuluşum üçün, İerusalim eline kılgan kızmatım ıyıktarga jagış üçün,

³²Kudaydın erki bolso, silerge kubanıç menen kelip, siler menen birge kubanışım üçün sıyınıp turgula.

³³Tınçtıktın bulagı bolgon Kuday baarıŋar menen bolsun! Oomiyin.