Read NT LS 2005 – Инжил ЛС (2005 Rimdikterge 4 Bible Online

Rimdikterge 4 - NT LS 2005 – Инжил ЛС (2005 bible

Rimdikterge 4

¹Anda atabız Ibrayım jönündö emne demekçibiz? Jerdegi jaşoosunda al emnege ee boldu?

²Egerde Ibrayım işteri arkıluu aktalsa, al maktoogo ee, birok Kuday aldında emes.

³Iyık Jazuuda emne dep jazılgan? «Ibrayım Kudayga işendi, oşol işenimi aga adildik katarı eseptelindi», – dep jazılgan.

⁴İş kılgan adamga emgek akı ırayım katarı emes, tiyiştüü emgek akı katarı berilet.

⁵Al emi iş kılbagan, birok mıyzamsız adamdı aktay turgan Kudayga işengen adamdın işenimi aga adilettik katarı eseptelinet.

⁶Kuday işterine karabastan adil dep eseptegen adamdın baktıluu ekendigi jönündö Dööt paygambar mınday dep aytkan:

⁷«Mıyzamsız işteri keçirilip, künöölörü jabılgan adam baktıluu.

⁸Künöösün Teŋir moynuna salbagan adam baktıluu».

⁹Bul bakıt sünnötkö oturguzulgandarga tieşelüübü je sünnötkö oturguzulbagandarga tieşelüübü? Antkeni biz: «Ibrayımga işenimi adildik katarı eseptelindi», – dep aytıp jatabız.

¹⁰Al kaçan adil dep eseptelingen? Sünnötkö oturguzulgandan kiyinbi je aga çeyin elebi? Sünnötkö oturguzulgandan kiyin emes, sünnötkö oturguzulganga çeyin.

¹¹Sünnöt belgisin al işenimi arkıluu adildiktin möörü katarı algan. Anın bul işenimi sünnötkö oturguzula eleginde ele bar bolçu. Oşentip, al sünnötkö oturguzulbagan işengenderdin atası bolup kaldı. Oşonduktan alar da adil bolup eseptelinişet.

¹²Al – sünnötkö oturguzulgandardın atası, birok sünnötkö oturguzuluu menen ele çektelgenderdin emes, atabız Ibrayımdın sünnötkö oturguzula eleginde ele ee bolgon işeniminin jolu menen bara jatkandardın da atası.

¹³Antkeni Kuday Ibrayımga jana anın tukumuna: «Men silerge büt düynönü muraska berem», – dep ubada kılgan. Bul ubada aga mıyzamdı atkarganı üçün emes, işeniminin negizinde aktalgandıgı üçün berilgen.

¹⁴Egerde mıyzamdı atkargandar murasçı boluşsa, anda işenimdin paydası jok, ubadanın küçü jok.

¹⁵Sebebi mıyzam kaardı keltiret. Al emi mıyzam jok jerde mıyzamdı buzuu da jok.

¹⁶Oşentip, ubada işenimdin negizinde, ırayım boyunça berilet. Oşonduktan al mıyzamdın biyligi astında jaşagandarga gana emes, baarıbızdın atabız bolgon Ibrayımdın işenim menen jaşagan tukumuna da tieşelüü.

¹⁷Ibrayım jönündö Iyık Jazuuda mınday dep jazılgan: «Men seni köptögön elderdin atası kılıp koydum». Al ölgöndördü tiriltüüçü, jok nerseni bar nerse katarı aytkan Kudayga işengen.

¹⁸Ibrayım ümüttöngüdöy eç nersesi jok bolgon uçurda da, «Senin tukumuŋ uşunça köp bolot» dep aytılgan sözgö ümüt menen işengendikten, köptögön elderdin atası bolup kaldı.

¹⁹Jüz jaşka jakındap kalgan Ibrayım balaluu boluu kuragınan ötüp ketkenin jana Saaranın bala töröö kuragınan ötüp ketkenin körsö da, işeniminen tayıgan emes.

²⁰İşenbestik kılıp Kudaydın ubadasınan şektengen emes, teskerisinçe, bekem işenip, Kudaydı daŋktagan.

²¹Kudaydın Öz ubadasın atkaruuga kudureti jeterine toluk işengen.

²²Oşonduktan al işenimi arkıluu adil dep eseptelingen.

²³«Adil dep eseptelindi» degen söz bir ele al üçün emes,

²⁴Teŋiribiz Iysanı ölgöndördün arasınan tiriltken Kudayga işengen biz üçün da jazılgan jana bizge da tieşelüü.

²⁵Iysa bizdin künöölörübüz üçün ölümgö kıyılgan jana aktalışıbız üçün tirilgen.