Read NT LS 2005 – Инжил ЛС (2005 Rimdikterge 5 Bible Online

Rimdikterge 5 - NT LS 2005 – Инжил ЛС (2005 bible

Rimdikterge 5

¹Oşentip, biz işenim arkıluu aktalıp, Teŋiribiz Iysa Maşayak arkıluu Kuday menen tınçtıkka eebiz.

²Iysaga işenüü arkıluu bizge bul ırayımga jol açıldı. Oşol ırayımga bölönüp, Kudaydın daŋkına ümüttönüü menen maktanıp jatabız.

³Bul nerse menen gana emes, kaygılar menen da maktanıp jatabız. Antkeni biz kaygı arkıluu çıdamkaylık,

⁴çıdamkaylık arkıluu tajrıybaluuluk, tajrıybaluuluk arkıluu ümüt kelerin bilebiz.

⁵Al emi ümüt uyat kılbayt, antkeni Kudaydın süyüüsü bizge berilgen Iyık Ruh arkıluu jürögübüzgö tögülgön.

⁶Antkeni biz alsız kezde ele, belgilengen ubakta Maşayak kudaysızdar üçün ölgön.

⁷Adil adam üçün kim ölsün? Jakşı adam üçün kimdir biröö öz janın kıysa kıyar.

⁸Maşayak bolso biz künöökör kezde biz üçün öldü. Bul arkıluu Kuday Özünün bizge bolgon süyüüsün dalildedi.

⁹Maşayaktın kanı arkıluu aktalgandıktan, Kudaydın kaarınan Al arkıluu kutkarılarıbız da anık.

¹⁰Antkeni biz Kudaydın duşmanı bolup turup, Uulunun ölümü arkıluu Anı menen eldeşip jatsak, anda eldeşkenden kiyin, Uulunun ömürü arkıluu kutkarılarıbız da anık.

¹¹Munu menen gana emes, bizdi Kuday menen eldeştirgen Teŋiribiz Iysa Maşayak arkıluu Kudaydın Özü menen da maktanabız.

¹²Düynögö bir adam arkıluu künöö kirdi, künöö arkıluu ölüm kirdi. Oşentip, ölüm bardık adamdarga öttü. Sebebi bardıgı künöö ketirişti.

¹³Antkeni mıyzam berilgenge çeyin ele düynödö künöö bar bolçu, birok mıyzam jok bolso, künöö eseptelinbeyt.

¹⁴Birok ölüm Adam atadan Musaga çeyin jaşagan adamdardın üstünön jana kele turgan Kişinin beynesi bolgon Adam atanıkınday künöö ketirbegenderdin üstünön biylik jürgüzüp kelgen.

¹⁵Birok ırayımdın belegin künöönün jazasına salıştıruu mümkün emes. Bir adamdın künöösünün ayınan köptör ölümgö duuşar boluşsa, Kudaydın ırayımı jana bir Adamdın – Iysa Maşayaktın ırayım belegi köp adamdarga artıgı menen berilip jatkandıgı anık.

¹⁶Irayımdın belegi bir adamdın künöösünün natıyjası sıyaktuu emes. Antkeni bir künöö üçün bolgon sot ayıptaluuga, al emi ırayımdın belegi köp künöölördön aktaluuga alıp kelet.

¹⁷Antkeni ölüm bir adamdın künöösünün ayınan oşol adam arkıluu biylik jürgüzsö, anda molduk menen körsötülgön ırayımdı jana belek kılıngan adildikti kabıl algandar bir Iysa Maşayak arkıluu ömürgö biylik jürgüzüşörü da anık.

¹⁸Oşonduktan bir adamdın künöösünün ayınan bardık adamdar sotko tartılganday ele, bir Adamdın adildigi arkıluu da bardık adamdar ömürgö ee boluu üçün aktalışat.

¹⁹Antkeni bir adamdın til albastıgının ayınan köp adamdar künöökör bolgondoy ele, bir Adamdın til alçaaktıgı arkıluu köp adamdar adil boluşat.

²⁰Mıyzam bolso kiyin keldi, oşondo künöö köböydü. Birok künöö köböygöndö, ırayım andan da mol boldu.

²¹Künöö biylik jürgüzüp, ölümgö duuşar kılganday ele, ırayım da adilettik arkıluu biylik jürgüzüp, Teŋiribiz Iysa Maşayak arkıluu tübölük ömürgö ee kılat.