Read NT LS 2005 – Инжил ЛС (2005 Rimdikterge 6 Bible Online

Rimdikterge 6 - NT LS 2005 – Инжил ЛС (2005 bible

Rimdikterge 6

¹Buga emne demekçibiz? Kudaydın ırayımı köböyüş üçün, biz künöö kıla berişibiz kerekpi? Albette, jok!

²Biz künöö üçün ölgönbüz, kantip dagı ele künöö kılıp jaşay bermek elek?

³Je siler Maşayak Iysaga çömüldürülgön biz – baarıbız Anın ölümünö çömüldürülgönübüzdü bilbeysiŋerbi?

⁴Maşayak Atasının daŋkı menen ölgöndördün arasınan kanday tiriltilse, biz da jaŋıça jaşaşıbız üçün, ölümgö çömüldürülüübüz arkıluu Anı menen birge kömülgönbüz.

⁵Anıkınday ölüm arkıluu Anı menen biriksek, anda Anıkınday tirilüü arkıluu Anı menen birigebiz.

⁶Antkeni künöökör tabiyatıbız jok boluşu üçün, mından arı künöönün kuldarı bolboşubuz üçün, eski tabiyatıbız Maşayak menen birge aykaş jıgaçka kerilgenin bilebiz.

⁷Antkeni ölgön adam künöönün biyliginen boşotulgan.

⁸Egerde biz Maşayak menen birge ölsök, anda Anı menen birge jaşarıbızga da işenebiz.

⁹Sebebi ölgöndördün arasınan tirilgen Maşayak kayra ölböy turganın, emi ölüm Anın üstünön biylik jürgüzböy turganın bilebiz.

¹⁰Antkeni Al ölgöndö, künöö üçün bir jolu öldü. Emi jaşaganda, Kuday üçün jaşayt.

¹¹Oşondoy ele siler da özüŋördü künöö üçün ölükpüz, Teŋiribiz Maşayak Iysa arkıluu Kuday üçün tirüübüz dep eseptegile.

¹²Oşentip, denenin künöölüü kumarlarına baş iybeşiŋer üçün, künöö silerdin jok bolo turgan deneŋerge biylik jürgüzbösün.

¹³Dene müçölörüŋördü künöögö adiletsizdiktin kuralı katarı berbegile, teskerisinçe, ölgöndördün arasınan tirilgender katarı özüŋördü jana dene müçölörüŋördü Kudayga adilettiktin kuralı katarı bergile.

¹⁴Künöö silerdin üstüŋördön biylik jürgüzö albayt. Antkeni siler mıyzamdın biyligi astında emes, Kudaydın ırayımının astındasıŋar.

¹⁵Emne kılabız? Biz mıyzamdın biyligi astında emespiz, ırayımdın astındabız dep, künöö kıla berelibi? Albette, jok!

¹⁶Özüŋördü til alçaak kuldar katarı kimge tapşırıp berseŋer, kimge baş iyseŋer, oşonun kuldarı boloruŋardı bilbeysiŋerbi? Oşol sıyaktuu ele siler ölümgö duuşar kıla turgan künöönün je adildikke jetkire turgan til alçaaktıktın kuldarı boloruŋardı bilbeysiŋerbi?

¹⁷Birok Kudayga ıraazımın, siler murun künöönün kulu bolsoŋor da, emi özüŋör kabıl algan okutuuga çın jüröktön baş iyip kaldıŋar.

¹⁸Oşentip, siler künöönün biyliginen boşotulup, adilettiktin kulu bolup kaldıŋar.

¹⁹Men silerdin künöökör tabiyatıŋardın alsız ekendigin eske alıp, adamdık oy jügürtüü menen aytıp jatamın. Siler murun mıyzamsız işterdi jasoo üçün, dene müçölörüŋördü ıpılastıktın jana mıyzamsızdıktın kulu kılgansıŋar. Azır bolso ıyıktalışıŋar üçün, dene müçölörüŋördü adilettiktin kulu kılgıla.

²⁰Antkeni siler künöönün kulu bolup jürgön ubagıŋarda adilettikke baş iyçü emessiŋer.

²¹Oşol ubakta silerde kanday jemiş bar ele? Azır özüŋör uyalıp jatkan işter ele. Antkeni alardın natıyjası – ölüm.

²²Azır bolso siler künöönün biyliginen boşotulup, Kudaydın kuldarı bolup kaldıŋar. Siler bere turgan jemiş – ıyıktık, anın ayagı – tübölük ömür.

²³Antkeni künöö üçün jaza – ölüm, al emi Kudaydın belegi – Teŋiribiz Maşayak Iysa arkıluu berile turgan tübölük ömür.