Read NT LS 2005 – Инжил ЛС (2005 Rimdikterge 7 Bible Online

Rimdikterge 7 - NT LS 2005 – Инжил ЛС (2005 bible

Rimdikterge 7

¹Je siler, bir tuugandar, (antkeni mıyzamdı bilgenderge aytıp jatamın) ölgöngö çeyin adamdın üstünön mıyzam biylik jürgüzörün bilbeysiŋerbi?

²Antkeni küyöösü bar ayal küyöösü tirüü kezinde aga mıyzam menen baylangan. Egerde küyöösü ölüp kalsa, küyöösünö baylagan mıyzamdın biyliginen boş bolot.

³Oşonduktan ayal küyöösü tirüü kezinde başka küyöögö tiyip ketse, anda al nike buzuuçu bolup eseptelet. Egerde küyöösü ölüp kalsa, al mıyzamdın biyliginen boşotulat; başka küyöögö tiyse, al nike buzuuçu bolup eseptelbeyt.

⁴Oşol sıyaktuu ele siler da, menin bir tuugandarım, Kudayga jemiş alıp kelüü üçün, Başkaga, ölgöndördün arasınan Tirilgenge, tieşelüü boluu üçün, Maşayaktın denesi arkıluu mıyzam üçün ölgönsüŋör.

⁵Antkeni biz eski tabiyatıbızdın jeteginde jaşap jürgönübüzdö, mıyzam arkıluu belgilüü bolgon künöölüü kumarlar bizdin dene müçölörübüzdö ölümgö duuşar kıla turgan jemiş berüü üçün biylik jürgüzüşçü.

⁶Bizdi baylap turgan mıyzam üçün ölüp, bayırkı tamganın negizinde emes, jaŋılangan ruh menen Kudayga kızmat kılış üçün, biz azır mıyzamdın biyliginen boşotulganbız.

⁷Anda emne demekçibiz? Mıyzamdın özü künööbü? Albette, jok! Birok mıyzam bolbogondo, men künöö emne ekenin taanıp bilmek emesmin. Egerde mıyzamda: «Biröönükünö köz artpa», – dep aytılbasa, men köz artuu degen emne ekenin tüşünböyt bolçumun.

⁸Birok künöö osuyattı şıltoo kılıp, menin içimde ar kanday köz artuunu payda kıldı. Sebebi mıyzam jok bolso, künöö ölük bolot.

⁹Men bir kezde mıyzamsız ele jaşaçumun, birok osuyat kelgende, künöö tirildi, men bolso öldüm.

¹⁰Ömürgö ee boluum üçün berilgen bul osuyat meni ölümgö duuşar kıldı.

¹¹Sebebi künöö osuyattı sebep kılıp, meni aldap, osuyat arkıluu öltürdü.

¹²Oşonduktan mıyzam ıyık, osuyat da ıyık, adilet jana jakşı.

¹³Demek, jakşı nerse meni ölümgö duuşar kıldıbı? Albette, jok! Birok künöö jakşı nersenin jardamı menen meni ölümgö duuşar kılıp, künöö katarı taanıldı. Oşentip, al osuyat arkıluu jogorku çektegi künöö katarı taanılat.

¹⁴Antkeni biz mıyzamdın ruhiy nerse ekenin bilebiz. Men bolso künöögö satılgan adammın.

¹⁵Men özümdün emne kılıp jatkanımdı tüşünböym. Antkeni men özüm kaalagandı emes, özüm jek körgöndü kılıp jatam.

¹⁶Egerde men özüm jek körgöndü kılıp jatsam, anda men mıyzamdın jakşı ekenine koşulam.

¹⁷Anda anı men emes, menin içimdegi künöö jasap jatat.

¹⁸Antkeni menin içimde, taktap aytkanda, menin künöökör tabiyatımda jakşı nerse jok ekendigin bilem. Sebebi jakşılık jasagım kelse da, jakşılık jasay albaym.

¹⁹Men özüm kaalagan jakşılıktı emes, özüm kaalabagan jamandıktı kılam.

²⁰Egerde men özüm kaalabagandı jasap jatsam, anda azır anı men emes, menin içimdegi künöö jasap jatat.

²¹Oşentip, men mından mınday mıyzamdı körüp jatam: men jakşılık jasayın degende, jamandık jabışa kalat.

²²Antkeni ruhum menen Kudaydın mıyzamınan ırahat alıp jatam.

²³Birok dene müçölörümdö başka mıyzam bar ekenin körüp jatam. Bul da menin akılım kabıl algan mıyzamga karşı turat jana meni dene müçölörüm baş iybegen künöönün mıyzamına tutkun kılıp jatat.

²⁴Men bir baykuş adammın! Ölümgö duuşar kıla turgan uşul deneden meni kim kutkarat?

²⁵Teŋiribiz Iysa Maşayak arkıluu Kudayga ıraazıçılık bildirem. Oşentip, men akılım menen Kudaydın mıyzamına, al emi künöökör tabiyatım menen künöönün mıyzamına kızmat kılıp jatam.