Read NT LS 2005 – Инжил ЛС (2005 Rimdikterge 9 Bible Online

Rimdikterge 9 - NT LS 2005 – Инжил ЛС (2005 bible

Rimdikterge 9

¹Men Maşayaktın içinde boluu menen, çındıktı aytıp jatam, kalp aytpaganımdı Iyık Ruh arkıluu ıyıktalgan abiyirim da kübölöndürüp jatat.

²Menin kaygım çoŋ, jürögüm sızdap turat.

³Antkeni bir tuugandarım, kandaştarım üçün jalgız men kargışka kalıp, Maşayaktan ajıratıluunu kaalar elem.

⁴Alar – Israyıldın urpaktarı. Kuday alardı bala kılıp aldı, daŋkka bölödü, alar menen kelişimderdi tüzdü, alarga mıyzam da, Kudayga tabınuu kızmatın da, ubadalardı da berdi.

⁵Tüpkü ata-babalar da alardıkı, Maşayak da alardan çıkkan. Al – bardıgının üstünön başkarıp turgan Kuday. Aga tübölük daŋk taandık! Oomiyin.

⁶Kudaydın Sözü öz küçün jogottu dep aytpaymın. Birok Israyıldan çıkkandardın bardıgı ele ısrayıldıktar emes.

⁷Ibrayımdın tukumunan çıkkandardın baarı ele anın baldarı degendi bildirbeyt. Birok Iyık Jazuuda: «Senin tukumuŋ Iskaktan tarayt», – dep jazılgan.

⁸Başkaça aytkanda, tabigıy jol menen törölgön baldardın baarı ele Kudaydın baldarı emes, Kudaydın ubadası boyunça törölgön baldar gana çınıgı tukum bolup eseptelet.

⁹Al ubada bolso mınday: «Men kiyinki jılı uşul ubakta kayra kelem, oşondo Saara uulduu bolot».

¹⁰Saaraga gana emes, Rebekaga da ubada berilgen. Al atabız Iskaktan koş boyluu bolup,

¹¹egizderdi töröy eleginde ele, alar jaman je jakşı iş kıla eleginde ele, Kuday aga: «Uluusu kiçüüsünö kul bolot», – dep aytkan. Kudaydın aldın ala belgilegen maksatı jakşı işterdin negizinde emes, Çakırgandın Öz erki boyunça işke aşışı üçün uşunday bolgon.

¹³Bul jönündö Iyık Jazuuda: «Men Jakıptı jakşı körüp kaldım, Eysaptı bolso jaman körüp kaldım», – dep jazılgan.

¹⁴Buga emne deybiz? Kuday da adiletsizbi? Albette, jok!

¹⁵Antkeni Al Musa paygambarga: «Irayım kılgım kelgenine ırayım kılam, ayagım kelgenin ayaym», – degen.

¹⁶Demek, Kudaydın ırayım kıluusu adamdın kaaloosuna, araketine baylanıştuu emes, ırayım kılçu Kudaydın Özünö baylanıştuu.

¹⁷Iyık Jazuuda Kudaydın paraongo mınday dep aytkan sözü jazılgan: «Saga küçümdü körsötüş üçün, Menin ısımım bütkül jer jüzündö jar salınışı üçün, Men seni padışa kılıp koydum».

¹⁸Demek, Al kaalagan adamına ırayım kılat, kaalagan adamının jürögün katuulantat.

¹⁹Emi sen maga: «Anday bolso Kuday emne üçün adamdardı ayıptayt? Anın erkine kim karşı çıga alat?» – deersiŋ.

²⁰Ey, adam, Kuday menen talaşıp-tartışkıday, sen kimsiŋ? Jasalgan nerse özün jasaganga: «Meni emne üçün mınday kılıp jasadıŋ?» – dep aytabı?

²¹Je karapaçının bir ele ılaydan sıyga urunula turgan da, kündö urunula turgan da idiş jasoogo ukugu jokpu?

²²Egerde Kuday Özünün kaarın tögüünü jana Özünün küçün körsötüünü kaalap, kıyratıluuga dayar turgan, kaar tögülö turgan idişterdi uşunçalık çıdamduuluk menen saktagan bolso, emne dey alabız?

²³Egerde Özünün daŋkının baylıgın körsötüş üçün, Özü daŋkka bölöö üçün dayardagan, boorukerlik körsötülö turgan idişter üçün uşunday kılgan bolso,

²⁴jüyüttördün arasınan ele emes, butparastardın arasınan da çakırılıp alıngan oşol idişter biz bolsok, emne dey alabız?

²⁵Antkeni Kuday Oşuya paygambar arkıluu mınday degen: «Menin elim bolbogon eldi Menin elim deym, Menin süyüktüüm bolbogon eldi Menin süyüktüüm deym».

²⁶Alarga: «Siler Menin elim emessiŋer», – dep aytılgan jerde alar tirüü Kudaydın uuldarı dep atalışat.

²⁷Al emi Işaya paygambar Israyıl eli jönündö: «Israyıl uuldarının sanı deŋizdin kumunday köp bolso da, kaldıgı gana kutkarılat.

²⁸Antkeni Kuday jer üstündö Öz işin akıykattık menen ayagına çeyin çıgarat, keçiktirbey atkarat», – dep jar salgan.

²⁹Işaya paygambar aldın ala aytkanday: «Egerde Sebayot Teŋir bizdin tukumubuzdu kaltırbaganda, biz Sodomdoy bolup kalmakpız, Amorgo okşop kalmakpız».

³⁰Anda emne demekçibiz? Adildikke umtulbagan butparastar işenim arkıluu adildikke jetişti.

³¹Al emi adildiktin mıyzamına umtulgan ısrayıldıktar adildiktin mıyzamına jetişken jok.

³²Emne üçün? Antkeni alar adildikti işenim arkıluu izdebey, jakşı işter arkıluu izdeşti. Alar müdürültö turgan taşka müdürülüştü.

³³Antkeni Iyık Jazuuda: «Mına, Men Siongo müdürültö turgan taş jana azgırık bolo turgan aska koёmun, birok Aga işengen adam uyatka kalbayt», – dep jazılgan.