Read NT LS 2005 – Инжил ЛС (2005 1 Korunttuktarga 1 Bible Online

1 Korunttuktarga 1 - NT LS 2005 – Инжил ЛС (2005 bible

1 Korunttuktarga 1

¹Kudaydın kaaloosu menen Iysa Maşayaktın elçisi boluuga çakırılgan Pabıldan jana bir tuuganıbız Sostenden

²Kudaydın Korunttagı Jıyınına salam! Maşayak Iysa arkıluu ıyıktalgan jana ıyık boluuga çakırılgan silerge, oşondoy ele bardık jerde baarıbızdın Teŋiribiz bolgon Iysa Maşayaktın ısımın çakıruuçulardın baarına

³Kuday Atabız jana Teŋiribiz Iysa Maşayak ırayımın tögüp, tınçtıgın bere bersin!

⁴Siler üçün jana Kudaydın Maşayak Iysa arkıluu silerge körsötkön ırayımı üçün, Kudayga ar dayım ıraazıçılık bildirem.

⁵Sebebi siler Iysa Maşayak arkıluu bardıgına: sözgö jana bilimge bayıdıŋar.

⁶Antkeni Maşayaktın kübölöndürüüsü silerde bekem orun aldı.

⁷Teŋiribiz Iysa Maşayaktın kelişin kütüp jatkan siler ruhiy jöndömdüülüktördün eç birinen kem emessiŋer.

⁸Teŋiribiz Iysa Maşayak kelgen künü kemçiliksiz boluşuŋar üçün, Al silerdi akırına çeyin bekemdeyt.

⁹Silerdi Öz Uulu – Teŋiribiz Iysa Maşayak menen mamileleşüügö çakırgan Kuday işenimdüü.

¹⁰Bir tuugandar, Teŋiribiz Iysa Maşayaktın atınan ötünöm, baarıŋardın sözüŋör bir bolsun. Öz ara bölünbögülö, teskerisinçe, bir oy, bir pikirge kelgile.

¹¹Bir tuugandarım, öz ara talaşıp-tartışıp jatkanıŋar Hloyanın üyündögülörü arkıluu maga maalım boldu.

¹²Munu aytıp jatkanımdın sebebi: biriŋer: «Men Pabıldıkımın», biriŋer: «Men Apolostukumun», dagı biriŋer: «Men Keypanıkımın», dagı biriŋer: «Men bolso Maşayaktıkımın», – dep jatıptırsıŋar.

¹³Emne, Maşayak bölündü bele? Pabıl siler üçün aykaş jıgaçka kadaldı bele? Je siler Pabıldın ısımının urmatına suuga çömüldürüldüŋör bele?

¹⁴Krispos menen Gaydan başkaŋardı suuga çömüldürbögönüm üçün, Kudayga ıraazımın,

¹⁵«Men Pabıldın ısımının urmatına suuga çömüldürülgöm», – dep, eç kim ayta albayt.

¹⁶Stepandın üyündögülördü da suuga çömüldürgöm, alardan başka dagı kimdi suuga çömüldürgönüm esimde jok.

¹⁷Maşayak meni suuga çömüldürüü üçün jibergen emes, Jakşı Kabar taratuu üçün jibergen. Birok anı çeçendik menen taratuu üçün jibergen emes, bolboso Maşayaktın aykaş jıgaçı öz küçün jogotup koёt.

¹⁸Sebebi aykaş jıgaç jönündögü söz – ölümgö bara jatkandar üçün akılsızdık, al emi kutkarıla turgan biz üçün Kudaydın küçü.

¹⁹Antkeni Iyık Jazuuda: «Daanışmandardın daanışmandıgın jok kılam, akılmandardın akılın çetke kagam», – dep jazılgan.

²⁰Daanışman kayda? Mıyzamdı okutuuçu kayda? Bul düynönün akılduusu kayda? Bul düynönün akılmanduulugun Kuday akılsızdıkka aylandırgan jokpu?

²¹Özün akılman sanagan bul düynö Kudaydı kudaylık akılmanduuluk boyunça taanıbay koygonduktan, Kuday işengenderdi akılga sıybagan söz arkıluu kutkarıp aluunu tuura taptı.

²²Antkeni jüyüttör keremet-jışaandı talap kılışat, ellinder akılmandıktı izdeşet,

²³biz bolso aykaş jıgaçka kadalgan Maşayak jönündö jarıyalaybız. Jüyüttör üçün bul – azgırık, al emi ellinder üçün akılsızdık.

²⁴Çakırılgandar üçün, alar jüyüt bolobu, ellin bolobu, Maşayak – bul Kudaydın küçü jana Kudaydın akılmandıgı.

²⁵Antkeni Kudaydın «akılsızı» adamdardan akılduu, Kudaydın «alsızı» adamdardan küçtüü.

²⁶Kuday tarabınan çakırılıp alıngan bir tuugandar, özüŋördün kim ekeniŋerdi karap körgülöçü: bir azıŋar ele akılduusuŋar, bir azıŋar ele küçtüüsüŋör, bir azıŋar ele tektüü jerden çıkkansıŋar.

²⁷Akılduulardı uyatka kaltırış üçün, Kuday bul düynönün akılsızdarın tandap aldı. Küçtüülördü uyatka kaltırış üçün, Kuday bul düynönün alsızdarın tandap aldı.

²⁸Bul düynönün barktuularının barkın tüşürüü üçün, Kuday bul düynönün teksizderin, basıntılgandarın jana barksızdarın tandap aldı.

²⁹Kuday aldında eç bir adam maktanbaşı üçün uşunday kıldı.

³⁰Al arkıluu siler Maşayak Iysanın içindesiŋer. Maşayak biz üçün Kudaydan kelgen akılmanduuluk, adilettik, ıyıktık jana kutkarıluu bolup kaldı.

³¹Oşonduktan Iyık Jazuuda jazılganday, «Maktangan adam Teŋir menen maktansın».