Read NT LS 2005 – Инжил ЛС (2005 1 Korunttuktarga 3 Bible Online

1 Korunttuktarga 3 - NT LS 2005 – Инжил ЛС (2005 bible

1 Korunttuktarga 3

¹Bir tuugandar, men siler menen ruhiy adamdar menen süylöşköndöy süylöşö algan jokmun. Denenin kaaloosun atkarıp jaşagan adamdar menen, Maşayak jolundagı jaş baldar menen süylöşköndöy süylöştüm.

²Men silerge küçtüü tamak emes, süt bergem. Antkeni siler küçtüü tamaktı aş kıla almak emessiŋer, anı azır da aş kıla albaysıŋar.

³Antkeni siler azır dele denenin kaaloosun atkarıp jaşap jatasıŋar. Ortoŋordo körö albastık, uruş-talaş, kelişpestik bar bolso, denenin kaaloosun atkarıp jaşagan adam emey kimsiŋer? Siler adamdık kılıp jatkan joksuŋarbı?

⁴Biriŋer: «Men Pabıldıkımın», – deseŋer, biriŋer: «Men Apolostukumun», – deysiŋer, denenin kaaloosun atkarıp jaşagan adam emey kimsiŋer?

⁵Apolos kim? Pabıl kim? Alar – jön gana kızmatçılar, siler Teŋirge oşolor arkıluu işenip kaldıŋar. Teŋirdin bergenine jaraşa alardın ar birinin jöndömdüülügü bar.

⁶Men uruk septim, Apolos sugardı, birok Kuday östürdü.

⁷Oşonduktan sebüüçünün da, sugaruuçunun da işi maanilüü emes, sebilgendi östürüüçü Kudaydın işi maanilüü.

⁸Sebüüçü menen sugaruuçunun emgegi birdey. Birok ar biri öz emgegine jaraşa akısın alat.

⁹Biz Kudaydın kızmattaştarıbız, siler bolso Kudaydın egin talaası jana Kudaydın imaratısıŋar.

¹⁰Kudaydın maga körsötkön ırayımı menen men akılduu kuruuçu katarı paydubal saldım. Başka biröö oşol paydubaldın üstünö kurup jatat. Birok ar biriŋ özüŋdün kanday kurup jatkanıŋa köŋül bur!

¹¹Sebebi eç kim salıngan paydubaldan bölök paydubal sala albayt, al paydubal – Iysa Maşayak Özü.

¹²Al paydubaldın üstünö biröö altından, biröö kümüştön, biröö kımbat baaluu taştardan, biröö çöptön, biröö jıgaçtan, biröö samandan kurat.

¹³Ar bir adamdın kılgan işi sot künü açıkka çıgat, sebebi ot arkıluu açılat, kimdin işi kanday ekenin ot sınayt.

¹⁴Kimdin kılgan işi otko turuştuk berse, al sıylıgın alat.

¹⁵Al emi kimdin işi küyüp ketse, al zıyan tartat. Özü kutkarılat, birok otton çıkkanday kutkarılat.

¹⁶Kudaydın iybadatkanası ekendigiŋerdi, içiŋerde Kudaydın Ruhu jaşarın bilbeysiŋerbi?

¹⁷Kim Kudaydın iybadatkanasın talkalasa, anı Kuday talkalayt. Antkeni Kudaydın iybadatkanası ıyık, al emi al iybadatkana silersiŋer.

¹⁸Eç kim özün özü aldabasın. Araŋardan kim bul düynödö akılduu bolgusu kelse, akılduu boluş üçün, akılsız bolsun.

¹⁹Antkeni bul düynönün akılmandıgı – Kuday aldında akılsızdık. Iyık Jazuuda jazılganday, «Al akılmandardı özdörünün ele ayla-amalı menen karmayt».

²⁰Oşondoy ele: «Kuday akılmandardın oyu kuru oy ekendigin bilet», – dep jazılgan.

²¹Oşonduktan eç kimiŋer adam menen maktanbagıla, antkeni baarı silerdiki.

²²Pabıl da, Apolos da, Keypa da, düynö da, ömür da, ölüm da, azırkı uçur da, keleçek da – baarı silerdiki.

²³Siler bolso Maşayaktıkısıŋar, Maşayak Kudaydıkı.