Read NT LS 2005 – Инжил ЛС (2005 1 Korunttuktarga 5 Bible Online

1 Korunttuktarga 5 - NT LS 2005 – Инжил ЛС (2005 bible

1 Korunttuktarga 5

¹Silerdin araŋarda buzuktuk kılgan adam bar ekenin uktum. Al özünün ögöy enesin alıp alıptır. Mınday nerse butparastar arasında da kezdeşpeyt.

²«Mınday iş kılgan adam arabızdan çıgarılsa eken», – dep ıylagandın orduna kekireyesiŋer da!

³Araŋarda bolbosom da, ruhum siler menen, oşonduktan özümdü araŋarda jürgöndöy ele sezip, mınday iş kılgan adamga karata çeçim çıgarıp koydum.

⁴Teŋiribiz Iysa Maşayaktın ısımının urmatına çogulganıŋarda, ruhum silerdin araŋarda.

⁵Teŋiribiz Iysa Maşayak kelgen künü Teŋiribiz Iysa Maşayaktın küçü menen al adamdın janı kutkarılıp kalışı üçün, denesi kıynalışı üçün, anı şaytanga berip salgıla.

⁶Maktanar jönüŋör jok! Bir az ele açıtkı büt kamırdı açıtarın bilbeysiŋerbi?

⁷Jaŋı kamır boluşuŋar üçün, eski açıtkıdan arılgıla. Siler açıtkısız kamırsıŋar, antkeni Pasah Kozusu – Maşayak biz üçün kurmandıkka çalıngan.

⁸Oşonduktan eski açıtkı – buzuktuk jana kuuluk-şumduk menen emes, açıtkısız nan – taza jürök jana çındık menen mayramdaylı.

⁹Men silerge: «Buzuktuk kıluuçular menen mamileleşpegile», – dep, kat jazıp jibergem.

¹⁰Bul düynönün buzuktuk kıluuçuları, dünüyökorloru, talap-tonooçuları jana butka tabınuuçuları menen mamileleşpegile debeym. Bolboso bul düynödön taptakır ele çıgıp ketüügö tuura kelmek.

¹¹Men silerge: «“Bir tuuganıŋarmın”, – dep koyup, buzuktuk kılganın, dünüyökorlugun, butka tabınganın, uşak süylögönün, içkilik içkenin, uuruluk kılganın taştabagan adam menen mamileleşpegile. Atügül, anı menen birge oturup tamak da içpegile», – dep jazgam.

¹²Sırttagılardı sottop emne kılam? Jıyındagılardı siler sottoşuŋar kerek emes bele?

¹³Sırttagılardı Kuday sottoyt. Oşonduktan buzulgan adamdı araŋardan çıgarıp salgıla.