Read NT LS 2005 – Инжил ЛС (2005 2 Korunttuktarga 7 Bible Online

2 Korunttuktarga 7 - NT LS 2005 – Инжил ЛС (2005 bible

2 Korunttuktarga 7

¹Süyüktüü bir tuugandarım, Kuday bizge uşunday ubadalardı bergendikten, denebizdi jana ruhubuzdu bulgagan ar kanday ıpılastıktan arılalı, Kudaydan korkuu menen, ıyıktıkka umtulalı.

²Bizge jürögüŋördön orun bergile: biz eç kimdi taarıntkan jokpuz, eç kimge zıyan keltirgen jokpuz, eç kimdi paydalangan jokpuz.

³Munu silerdi ayıptaş üçün aytıp jatkan jokmun. Murun aytıp ketkenimdey, siler bizdin jürögübüzdösüŋör, ölsök da, jaşasak da siler menen birgebiz.

⁴Silerge bolgon işenimim çoŋ, siler menen özgöçö sıymıktanam. Bardık kaygı-kapabızga karabay, tolugu menen sooronup, ayabay kubanıp jatam.

⁵Sebebi Makedoniyaga kelgenibizde, janıbız tınçtık tapkan jok, ar tarabıbızdan kısımga alındık: sırttan – kol saluu, içten – korkunuç.

⁶Birok köŋülü çökköndördü soorotkon Kuday bizdi Tittin kelişi menen soorottu.

⁷Tittin kelişi gana emes, anın siler arkıluu soorongondugu da bizdi soorottu. Maga bolgon kamkorduguŋar, sagınıçıŋar, men üçün tökkön köz jaşıŋar jönündö Titten ukkanımda, ogo beter kubandım.

⁸Oşonduktan jazgan katım menen silerdi kapalantkanıma ökünböym. Katımdın silerdi kapalantkanın körüp, öküngön elem, birok siler ubaktıluu ele kapalandıŋar.

⁹Azır bolso kubanıp turam. Albette, kaygırganıŋar üçün emes, künööŋördü sezip ökünüp, kaygırganıŋar üçün kubanıp jatam. Antkeni siler Kudayga jakkanday kaygırdıŋar, demek, biz silerge eç kanday zıyan keltirgen jokpuz.

¹⁰Sebebi Kudayga jakkan kaygı tobo kılıp kutkarıluuga alıp kelet, al emi bul düynönükündöy kaygı ölümgö duuşar kılat.

¹¹Sebebi Kudayga jakkan kaygı silerde kanday tırışçaaktıktı, keçirim suroonu, künöö kılgan adamga naarazılanuunu, korkunuçtu, kaaloonu, kızgançaaktıktı, jazanı jaratkanın karagılaçı. Bul işte taza ekeniŋerdi bardık jagınan körsöttüŋör.

¹²Men bul kattı taarıntkan adam üçün da, taarıngan adam üçün da jazgan jokmun. Bolgonu, biz jönündö kanday kam körörüŋör Kuday aldında özüŋörgö belgilüü boluşun gana kaaladım.

¹³Antkeni biz silerdin sooronuuŋar arkıluu sooronup kaldık. Buga koşumça Tittin kubanıçı bizdi ogo beter kubanttı, baarıŋ anın ruhun tınçtandırıptırsıŋar.

¹⁴Men silerdi aga maktap, uyatka kalgan jokmun. Silerge aytkandarıbızdın baarı çındık bolgondoy ele, Titke silerdi maktaganıbız da tuura bolup çıktı.

¹⁵Baarıŋardın til alçaaktıgıŋardı, özün korkunuç menen kanday ızaattap kabıl alganıŋardı estegen sayın, anın jürögü jılıyt.

¹⁶Oşentip, bardık nersede silerge tayana ala turgandıgıma kubanam.