Read NT LS 2005 – Инжил ЛС (2005 2 Korunttuktarga 8 Bible Online

2 Korunttuktarga 8 - NT LS 2005 – Инжил ЛС (2005 bible

2 Korunttuktarga 8

¹Bir tuugandar, silerdi Kudaydın Makedoniyadagı Jıyındarga körsötkön ırayımı jönündö kabardar kılabız.

²Baştarına oor sınoolor kelgenine karabastan, alardın kubanıçı çoŋ; ötö jakırdıgına karabastan, alar ötö bereşen.

³Antkeni men alardın çın köŋüldön, koldorunan kelişinçe, atügül, aşıra berişkenine kübömün.

⁴Iyıktarga kızmat kıluuga koşkon salımdarın kabıl alışıbızdı alar bizden köptön-köp ötünüştü.

⁵Alar biz kütköndön da artık kılıştı. Algaç özdörün Kudayga arnaştı, andan kiyin Kudaydın erki menen özdörün bizge arnaştı.

⁶Oşonduktan biz Titten silerdin araŋarda baştagan uşul jakşı işin da ayagına çıgarışın ötündük.

⁷Silerde bardıgı mol: işenimge, sözgö, bilimge baysıŋar, bardık jagınan tırışçaaksıŋar, bizdi çın diliŋer menen süyösüŋör, emi uşul kayrımduuluk işinde da ıntaluuluk körsötkülö.

⁸Munu men silerge buyruk iretinde aytkan jokmun. Başkalardın ıntaluuluguna salıştıruu arkıluu silerdin süyüüŋördü da sınap jatam.

⁹Teŋiribiz Iysa Maşayaktın ırayımı silerge belgilüü, Al Özü bay bolup turup, siler üçün jardılandı. Siler Anın jardılıgı arkıluu bay boluşuŋar üçün oşentti.

¹⁰Bul nersege karata men öz oyumdu aytayın: bul işti jaŋı ele baştabastan, ötkön jılı ele öz kaaloosu menen baştagan siler üçün bul paydaluu.

¹¹Emi bul işti ayagına çıgargıla. Özüŋör kaalap baştagan işti öz mümkünçülügüŋörgö jaraşa ayagına çıgargıla.

¹²Bergenge kaaloosu bolso, kolunda jok nersege jaraşa emes, kolunda bolgon nersege jaraşa kabıl alınat.

¹³Başkalarga jeŋildik bolup, silerge oorduk tüşpösün, teskerisinçe, teŋdik bolsun.

¹⁴Teŋdik boluş üçün, azır silerdin aşık nerseŋer tigilerdin kem-karçın toluktoogo jumşalsın, kiyin tigilerdin aşık nersesi silerdin kem-karçıŋardı toluktoogo jumşalsın.

¹⁵Iyık Jazuuda: «Köp jıynagan adamdıkı aşıp kalgan jok, az jıynagan adamdıkı jetpey kalgan jok», – dep jazılgan.

¹⁶Tittin jürögündö silerge karata uşunday kamkorduktu payda kılgan Kudayga ıraazımın.

¹⁷Antkeni men da andan ötüngöm, birok anın özündö ele uşunçalık kaaloo bar bolgonduktan, al silerge öz ıktıyarı menen ketti.

¹⁸Tit menen koşo dagı bir bir tuugandı jiberdik. Al Jakşı Kabar taratkandıgı üçün bardık Jıyındar tarabınan maktalıp jüröt.

¹⁹Anın üstünö, bul bir tuugan uşul kayrımduuluk işin atkaruuda biz menen çoguu jürüş üçün, Jıyındar tarabınan dayındalgan. Biz bul işti Teŋirdi daŋktaş üçün jana jardam berüügö dayar ekenibizdi körsötüş üçün kılıp jatabız.

²⁰Biz anı özübüz jıynagan bul mol jardam tuuraluu kimdir biröödön jeme uguudan saktanuu üçün jiberdik.

²¹Antkeni biz Teŋirdin aldında ele emes, adamdardın aldında da taza boluuga arakettenebiz.

²²Anı menen koşo dagı bir bir tuuganıbızdı jiberip jatabız. Anın ıntası köp jolu köp jagınan sınalgan. Azır anın ıntası murdagıdan da arttı, antkeni al silerge bekem işenet.

²³Tit jönündö aytsam: al menin joldoşum, silerdin araŋarda kızmat kılgan kızmattaşım. Berki bir tuugandar bolso – Jıyındar tarabınan jiberilgen öküldör, alar – Maşayaktın daŋkı.

²⁴Oşentip, Jıyındardın aldında alarga özüŋördö süyüü bar ekendigin jana siler menen maktanganıbızdın jönü bar ekendigin körsötkülö.