Read NT LS 2005 – Инжил ЛС (2005 Galatiyalıktarga 1 Bible Online

Galatiyalıktarga 1 - NT LS 2005 – Инжил ЛС (2005 bible

Galatiyalıktarga 1

¹Adamdar tarabınan da emes, adam arkıluu da emes, Iysa Maşayak arkıluu jana Anı ölgöndördün arasınan tiriltken Kuday Ata arkıluu elçi bolup dayındalgan men – Pabıldan,

²oşondoy ele menin janımdagı bardık bir tuugandardan Galatiyadagı Jıyındarga salam!

³Kuday Atabız jana Teŋiribiz Iysa Maşayak silerge ırayımın tögüp, tınçtıgın bere bersin!

⁴Maşayak bizdi bul jaman düynödön kutkarış üçün, Kudayıbızdın jana Atabızdın kaaloosu boyunça bizdin künöölörübüz üçün Özün kurmandık kılgan.

⁵Al tübölüktön tübölükkö daŋktala bersin! Oomiyin.

⁶Silerdi Maşayaktın ırayımı menen çakırıp algan Kudaydan jüz burup, tez ele başka «Jakşı Kabarga» ötüp ketip jatkanıŋarga taŋ kalıp jatam.

⁷Çındıgında, başka Jakşı Kabar jok, birok silerdin tınçıŋardı algan jana Maşayaktın Jakşı Kabarın burmaloonu kaalagan adamdar bar.

⁸Birok bizbi je asmandan kelgen periştebi, başında silerge özübüz taratkan Jakşı Kabarga karşı kelgen «Jakşı Kabardı» taratsa, aga anatema.

⁹Murun aytkanıbızdı men azır da kaytalaymın: egerde kimdir biröö silerge özüŋör murun kabıl algandan başka «Jakşı Kabar» taratsa, aga anatema.

¹⁰Azır men adamdarga jaguunu oylop jatambı je Kudayga jaguunu oylop jatambı? Je siler meni adamdarga jaguuga arakettenip jatat dep oylop jatasıŋarbı? Egerde men dagı ele adamdarga jagınıp jürsöm, anda Maşayaktın kulu bolmok emesmin.

¹¹Bir tuugandar, munu bilişiŋerdi kaalaym: men taratıp jatkan Jakşı Kabar adamdın oyunan çıgarılgan emes.

¹²Antkeni men anı adamdan kabıl algan emesmin, adamdan üyröngön emesmin. Anı men Iysa Maşayaktın ayanı arkıluu kabıl algam.

¹³Siler menin jüyüt dinin tutkan kezimdegi murunku jaşoom jönündö: Kudaydın Jıyının ırayımsızdık menen kuuguntuktap, anı jok kıluuga arakettengenimdi,

¹⁴ata-babalarımdın salttarın özgöçö kızgançaaktık menen saktaganımdan ulam, jüyüt dinin tutuuda özüm menen teŋ çamalaş bolgon uruulaştarımdın bir tobuna karaganda köbüröök iygilikke jetişkenimdi ukkansıŋar.

¹⁵Birok meni enemdin kursagında jatkanda ele tandap alıp, Özünün ırayımı menen çakırıp algan Kuday

¹⁶butparastarga Uulu jönündö jar salışım üçün, maga Özünün Uulun açıp berüünü ılayık taptı, oşondo men eç kimden keŋeş suragan jokmun.

¹⁷İerusalimge, menden murun çakırılgan elçilerge barbastan, Arabiyaga kettim, andan kiyin kayra Damaskka kaytıp keldim.

¹⁸Üç jıldan kiyin Petir menen taanışuu üçün İerusalimge barıp, anıkında on beş kün boldum.

¹⁹Teŋir Iysanın bir tuuganı Jakıptan başka elçilerdi körgön jokmun.

²⁰Silerge jazıp jatkandarım – çındık, buga Kuday kübö.

²¹Andan kiyin Siriya, Kilikiya ölkölörünö bardım.

²²Maşayaktın Jüyüt aymagındagı Jıyındarı meni taanışçu emes.

²³Birok alar «Bir uçurda bizdi kuuguntuktagan adam murun özü jok kıluuga arakettengen işenim jönündö azır jar salıp jüröt» degen sözdü gana uguşup,

²⁴men üçün Kudaydı daŋktaştı.