Read NT LS 2005 – Инжил ЛС (2005 Galatiyalıktarga 2 Bible Online

Galatiyalıktarga 2 - NT LS 2005 – Инжил ЛС (2005 bible

Galatiyalıktarga 2

¹On tört jıldan kiyin Titti janıma alıp, Barnaba menen çoguu kayradan İerusalimge bardım.

²Men al jakka Kuday açıp bergendikten bardım. Beker ele emgektenbegenimdi jana beker ele emgektenip jatpaganımdı biliş üçün, butparastardın arasında taratıp jatkan Jakşı Kabar jönündö özgöçö kadırluu adamdarga aytıp berdim.

³Birok alar meni menen jürgön Titti da, ellin bolgonuna karabastan, sünnötkö oturuuga majburlaşkan jok,

⁴al emi bizdin Maşayak Iysa arkıluu ee bolgon erkindigibiz jönündö astırtan bilip alıp, bizdi kulga aylandırış üçün,

⁵Jıyınga jaşıruun türdö kirgen jalgan «bir tuugandarga» bir azga da makul bolgon jokpuz, köngön jokpuz. Jakşı Kabardagı çındık silerde saktalış üçün oşenttik.

⁶Kee biröölör tarabınan kadırluu dep eseptelgender (alardın kaçan, kantip kadırluu boluşkandıgı men üçün maanige ee emes, antkeni Kudayda bet karamalık jok) maga eç kanday koşumça nerse jüktöşkön jok.

⁷Birok Petirge sünnötkö oturguzulgandarga Jakşı Kabar taratuu işi tapşırılganday ele, maga sünnötkö oturguzulbagandarga Jakşı Kabar taratuu işi tapşırılganın bilişti.

⁸Antkeni Petirdin sünnötkö oturguzulgandardın arasındagı elçilik kızmatın koldop jatkan Kuday menin da butparastardın arasındagı elçilik kızmatımdı koldop jatat.

⁹Jıyındın kadır-barktuu tirekteri dep eseptelgen Jakıp, Keypa jana Jakan Kudaydın maga körsötkön ırayımı jönündö bilişip, maga jana Barnabaga birgeleşip iştöö üçün kol sunuştu. Oşentip, biz butparastarga bara turgan bolduk, alar bolso sünnötkö oturguzulgandarga bara turgan boluştu.

¹⁰Birok alar bizden jakırlardı esten çıgarboobuzdu ötünüştü, men bul işti büt küçüm menen atkaruuga arakettendim.

¹¹Petir Antiyoheyaga kelgende, men aga açık ele karşı çıktım, antkeni anın kılganı tuura emes ele.

¹²Jakıp jibergen kişiler kelgenge çeyin, Petir butparastar menen çoguu tamaktanıp jürgön. Birok oşol sünnötkö oturguzulgandar kelgende, Petir korkup, sünnötkö oturguzulbagandardan çettep, alıstay baştagan.

¹³Kee bir jüyüttör da aga okşop eki jüzdüülük kılışkan, atügül, Barnaba da alarga azgırılıp, eki jüzdüülük kılgan.

¹⁴Birok men alardın Jakşı Kabardagı çındıkka ılayık jaşaşpagandıgın körgönümdö, bardıgının közünçö Petirge: «Egerde sen jüyüt bolup turup, jüyüttördöy emes, butparastarday jaşap jatsaŋ, anda emnege butparastardı jüyüttördöy jaşoogo majburlap jatasıŋ?» – dep ayttım.

¹⁵Biz jüyüt bolup törölgönbüz, künöökör butparastar emespiz.

¹⁶Birok adam mıyzamdı atkaruu menen emes, Iysa Maşayakka bolgon işenimi arkıluu gana aktaların bilebiz. Oşonduktan biz da mıyzamdı atkaruu menen emes, Maşayakka işenüü arkıluu aktalış üçün, Maşayak Iysaga işenip kaldık. Antkeni mıyzamdı atkaruu menen eç bir adam aktalbayt.

¹⁷Egerde Maşayak arkıluu aktaluuga umtulup jürgön biz özübüz da künöökör bolup çıksak, anda Maşayak künöönün kızmatçısı bolup kalabı? Albette, jok!

¹⁸Egerde men özüm talkalagandı kayra kurup jatsam, anda özümdü özüm kılmışker kılıp jatam.

¹⁹Sebebi men Kuday üçün jaşayın dep, mıyzam arkıluu mıyzam üçün ölgöm. Men Maşayak menen koşo aykaş jıgaçka kadalgam.

²⁰Azır men jaşap jatkan jokmun, menin içimde Maşayak jaşap jatat. Al emi azırkı denedegi jaşoomdu ayta turgan bolsom, meni süygön jana menin orduma Özün kurmandık kılgan Kuday Uuluna bolgon işenim menen jaşap jatam.

²¹Men Kudaydın ırayımın çetke kakpaym. Egerde mıyzam arkıluu aktalsak, anda Maşayak beker ele öldü.