Read NT LS 2005 – Инжил ЛС (2005 Galatiyalıktarga 3 Bible Online

Galatiyalıktarga 3 - NT LS 2005 – Инжил ЛС (2005 bible

Galatiyalıktarga 3

¹Akılsız galatiyalıktar, aykaş jıgaçka kadalgan Iysa Maşayak silerdin köz aldıŋarga tartılgıday süröttölüp berilbedi bele, kim silerdi çındıkka baş iyböögö azgırdı?

²Silerden bul nerseni gana bilgim kelet: siler Ruhtu mıyzamdı atkaruu arkıluu aldıŋar bele je aytılgan sözgö işenüü arkıluu aldıŋar bele?

³Siler uşunçalık akılsızsıŋarbı? Ruh menen baştap, emi adamdık araketter menen bütürüp jatasıŋarbı?

⁴Başıŋardan ötkörgönüŋördün baarı paydasız bolup kaldıbı? Çın ele, paydasız boldubu?

⁵Mıyzamdı atkargandıgıŋar üçün Kuday silerge Iyık Ruhtu berip, araŋarda keremetterdi körsötüp jatabı? Je aytılgan sözgö işengendigiŋer üçün oşentip jatabı?

⁶Bizge belgilüü: «Ibrayım Kudayga işendi, işenimi aga adildik katarı eseptelindi».

⁷Oşentip, işengender gana Ibrayımdın baldarı ekenin bilip koygula.

⁸Iyık Jazuu da Kudaydın butparastardı işenimi arkıluu aktay turgandıgı jönündö aldın ala bilgendikten, Ibrayımga: «Büt elder sen arkıluu bata alışat», – dep, aldın ala jarıyalagan.

⁹Oşentip, işengender işenimdüü Ibrayım menen birge bata alışat.

¹⁰Al emi mıyzamga tayangandardın bardıgı kargış astında. Antkeni Iyık Jazuuda: «Tooratta jazılgan mıyzamdın bardıgın dayıma atkarbagan adamga kargış!» – dep jazılgan.

¹¹Mıyzam arkıluu Kuday aldında eç kimdin aktalbastıgı belgilüü. Antkeni «Adil adam işenimi arkıluu tirüü bolot».

¹²Mıyzam bolso işenimge negizdelgen emes, teskerisinçe, «Mıyzamdı atkargan adam al arkıluu tirüü bolot».

¹³Ibrayımga berilgen bata Iysa Maşayak arkıluu butparastarga da berilişi üçün jana biz işenim arkıluu ubadalangan Ruhtu alışıbız üçün,

¹⁴Maşayak bizdin ordubuzga kargışka kalıp, bizdi mıyzamdın kargışınan kun tölöp kutkarıp aldı. Antkeni Iyık Jazuuda: «Jıgaçka asılgan ar bir adam kargışka kalgan», – dep jazılgan.

¹⁵Bir tuugandar, jaşoodon bir misal keltireyin: adam tarabınan bekitilgen muras kagazın eç kim jokko çıgara da, aga eç nerse koşumçalay da albayt.

¹⁶Birok ubadalar Ibrayımga jana anın urpagına berilgen. Kuday Ibrayımga köptük türdö: «Senin urpaktarıŋa», – dep aytkan emes, «Senin urpagıŋa», – dep, biröö jönündö, başkaça aytkanda, Maşayak jönündö aytkan.

¹⁷Men bul nerseni aytkım kelet: tört jüz otuz jıldan kiyin kelgen mıyzam Kuday tarabınan aldın ala bekitilgen kelişimdi jokko çıgarbayt, demek, ubada öz küçün jogotpoyt.

¹⁸Antkeni muraska mıyzamdın negizinde ee boluuga bolso, anda ubadanın zarılçılıgı jok bolmok. Birok Kuday anı Ibrayımga ubadanın negizinde belek kılgan.

¹⁹Anday bolso mıyzam emne üçün berilgen? Al kiyinçereek, kılmıştardın ayınan, Urpak kelgenge çeyin berilgen. Kudaydın ubadası oşol Urpakka baylanıştuu. Mıyzam perişteler arkıluu bir araçının kolu menen berilgen.

²⁰Birok jalgız biröögö araçının keregi jok, Kuday bolso biröö.

²¹Demek, mıyzam Kudaydın ubadalarına karşıbı? Albette, jok! Egerde ömür bere turgan mıyzam berilgen bolso, anda mıyzam arkıluu aktaluuga bolor ele.

²²Birok Iyık Jazuu bütkül adamzat künöönün tutkununda ekendigin jarıyalayt. Demek, ubadalangan nerse işengenderge Iysa Maşayakka bolgon işenimderi arkıluu berilet.

²³İşenim kelgenge çeyin, işenim aykın bolgongo çeyin, biz mıyzamdın sakçılıgı astında tutkundalgan bolçubuz.

²⁴Oşentip, işenim arkıluu aktalışıbız üçün, mıyzam biz üçün Maşayakka jetelep kelüüçü boldu.

²⁵Al emi işenim kelgende, jetelööçünün közömölünön boşonduk.

²⁶Antkeni siler, bardıgıŋar, Maşayak Iysaga bolgon işenimiŋer arkıluu Kudaydın baldarısıŋar.

²⁷Antkeni siler, bardıgıŋar, Maşayaktın urmatına çömüldürülüp, Maşayaktın beynesin kiydiŋer.

²⁸Mından arı silerdin araŋarda jüyüt da, ellin da, kul da, erkin adam da, erkek da, ayal da jok, antkeni bardıgıŋar Maşayak Iysanın içinde birsiŋer.

²⁹Egerde siler Maşayaktıkı bolsoŋor, anda siler Ibrayımdın urpaktarısıŋar, ubada boyunça murasçılarsıŋar.