Read NT LS 2005 – Инжил ЛС (2005 Galatiyalıktarga 4 Bible Online

Galatiyalıktarga 4 - NT LS 2005 – Инжил ЛС (2005 bible

Galatiyalıktarga 4

¹Birok bul nerseni aytkım kelet: murasçı bardık nersenin kojoyunu bolso da, bala kezinde kuldan eç ayırmalanbayt,

²atası belgilegen ubakıtka çeyin kam körüüçülördün jana üy başkaruuçulardın közömölü astında bolot.

³Oşondoy ele biz da «bala kezibizde» düynödögü algaçkı negizderge kul bolçubuz.

⁴Birok öz ubagı kelgende, Kuday Öz Uulun jiberdi. Al ayaldan töröldü, mıyzamga baş iydi.

⁵Al mıyzamdın biyligi astındagılardı kun tölöp kutkardı. Al mıyzamdın biyligi astındagılar Kudaydın baldarı boluşu üçün oşondoy kıldı.

⁶Siler Kudaydın baldarı bolup kalgandıktan, Kuday silerdin jürögüŋörgö Öz Uulunun «“Abba!”, Ata!» dep çakırgan Ruhun jiberdi.

⁷Demek, emi sen kul emessiŋ, sen Anın balasısıŋ. Egerde balası bolsoŋ, anda Kuday seni Iysa Maşayak arkıluu murasçı da kıldı.

⁸Birok oşol ubakta siler Kudaydı taanıbagandıktan, çınıgı Kuday emes kudaylardın kuldarı eleŋer.

⁹Azır bolso Kudaydı taanıp bilgeniŋerden kiyin, tagıraak aytkanda, Kuday tarabınan taanılganıŋardan kiyin, kantip kayradan alsız jana jakır algaçkı negizderge kayrılıp jatasıŋar? Kayradan alarga kul bolguŋar kelebi?

¹⁰Kee bir kündördü, aylardı, mezgilderdi, jıldardı ıyık tutup jatasıŋar!

¹¹Men silerdin araŋarda kuru beker ele emgektendimbi dep korkup jatam.

¹²Bir tuugandar, silerden ötünömün: mendey bolgula, antkeni men da silerdey bolçumun. Siler meni eç taarıntkan emessiŋer.

¹³Özüŋör bilesiŋer, men birinçi jolu Jakşı Kabardı silerge alsız abalımda taratkam,

¹⁴alsız abalım siler üçün azgırık bolso da, kemsintken emessiŋer, jiyirkengen emessiŋer, teskerisinçe, meni Kudaydın periştesi katarı, Maşayak Iysa katarı kabıl algansıŋar.

¹⁵Silerdin oşol ubaktagı kubanıçıŋar kayda? Men özüm kübölöndürö alam, mümkün bolso, oşondo siler maga közüŋördü oyup berüügö da dayar eleŋer.

¹⁶Emi men çındıktı aytuu menen, silerge duşman bolup kaldımbı?

¹⁷Tigiler silerdi taza niet menen kızganıp jatışkan jok, teskerisinçe, siler alardı kızganışıŋar üçün, silerdi bizden bölüp ketüünü kaalap jatışat.

¹⁸Dayıma taza niet menen kızgangan jakşı, birok men araŋarda bolgondo ele emes.

¹⁹Baldarım, silerden Maşayak körüngöngö çeyin, men siler üçün kayradan tolgoo azabın tartamın.

²⁰Azır janıŋarga barıp, ünümdü özgörtüp süylögüm kelip jatat, antkeni men silerge ayran-taŋ kalıp jatam.

²¹Siler, mıyzamdın biyligi astında boluunu kaalagandar, aytkılaçı maga, mıyzamda emne aytılganın ukkan jok beleŋer?

²²Antkeni Iyık Jazuuda: «Ibrayımdın eki uulu bar ele, biri küŋ ayalınan, biri erkin ayalınan», – dep jazılgan.

²³Birok küŋ ayalınan törölgön uul kadimki baldarday, al emi erkin ayalınan törölgön uul ubada boyunça törölgön.

²⁴Mında kaymana maani bar. Bul eki kelişimdi bildiret. Biri Sinay toosunda tüzülgön, al – baldarın kulçuluk üçün törögön Ajar.

²⁵Ajar Arabiyadagı Sinay toosun bildiret. Al azırkı kündögü İerusalimge tuura kelet, antkeni İerusalim özünün baldarı menen kulçulukta.

²⁶Jogorku İerusalim bolso erkin, al baarıbızdın enebiz,

²⁷antkeni Iyık Jazuuda: «Kuban, balası jok, töröbös ayal! Kubanıp kıykır, katuu ün sal, tolgoo tartıp kıynalbagan ayal! Antkeni küyöösü bar ayalga karaganda küyöösü taştap ketken ayaldın baldarı köp», – dep jazılgan.

²⁸Bir tuugandar, siler da Iskakka okşop, ubada boyunça törölgön baldarsıŋar.

²⁹Birok oşol ubakta kadimki baldarday törölgön bala Ruh boyunça törölgön balanı kubalagan, azır da oşondoy.

³⁰Birok Iyık Jazuuda emne dep aytılat? «Küŋ ayaldı balası menen kuup çık, antkeni küŋ ayaldın balası erkin ayaldın balası menen birge muraskor bolboyt».

³¹Oşonduktan, bir tuugandar, biz «küŋ» ayaldın baldarı emespiz, «erkin» ayaldın baldarıbız.