Read NT LS 2005 – Инжил ЛС (2005 Epestikterge 3 Bible Online

Epestikterge 3 - NT LS 2005 – Инжил ЛС (2005 bible

Epestikterge 3

¹Oşonduktan men, Pabıl, siler – butparastar üçün Maşayak Iysanın tutkunu boldum.

²Maga açılgan jaşıruun sır jönündö, atap aytkanda, Kudaydın ırayımı jönündö silerge jarıyaloo kızmatı maga tapşırılgandıgın ukkansıŋar. Bul jönündö jogoruda kıskaça jazdım.

⁴Siler bul kattı okuganda, Maşayaktın jaşıruun sırın kanday tüşünörümdü baykay alasıŋar.

⁵Azırkı kündö Anın ıyık elçilerine jana paygambarlarına Ruh arkıluu belgilüü bolgon bul sır murunku muundun adamdarına belgilüü bolgon emes.

⁶Al sır mınday: butparastar da muraskorlor jana oşol ele denenin müçölörü boluşat, oşondoy ele Jakşı Kabardın negizinde Maşayak Iysa arkıluu Anın ubadası alarga da tieşelüü.

⁷Kudaydın küçü menen berilgen Kudaydın ırayım beleginin negizinde men Jakşı Kabar tarata turgan kızmatçı bolup kaldım.

⁸Iyıktardın eŋ kiçinesi bolgon maga berilgen ırayım bul: Kudaydın ırayımı menen Maşayaktın izildengis baylıgın butparas elderge jar saluu,

⁹oşondoy ele Kudaydın ar taraptuu akılmanduulugu asmandagı başkaruuçularga jana biyliktegilerge Jıyın arkıluu azırkı uçurda belgilüü boluşu üçün,

¹⁰bardıgın jaratkan Kudaydın Özündö ezelteden beri jaşıruun bolup kelgen sırdın maanisi kanday ekendigin bardık adamdarga açıp berüü.

¹¹Bul sır Anın Teŋiribiz Maşayak Iysa arkıluu jüzögö aşırılgan ezelteden berki maksatına negizdelgen.

¹²Maşayak arkıluu jana Maşayakka bolgon işenimibiz arkıluu Kudayga kayrattuuluk menen, işenimdüü türdö kayrıluuga mümkünçülügübüz bar.

¹³Oşonduktan siler üçün azap tartıp jatkanıma kaygırbooŋordu ötünöm, antkeni menin azap tartuum – silerdin daŋkıŋar.

¹⁴Oşol sebepten men Teŋiribiz Iysa Maşayaktın Atasının – jerdegi jana asmandagı bardık üy-bülö Kim arkıluu atalsa, Oşonun aldında tize bügüp,

¹⁶Al Öz daŋkının moldugu boyunça Ruhu arkıluu içki adamıŋardı bekemdesin dep;

¹⁷işenim arkıluu Maşayak silerdin jürögüŋördön orun alsın dep;

¹⁸oşondoy ele süyüügö tamırlanışsın jana negizdelişsin, bardık ıyıktar menen birge Maşayaktın süyüüsünün keŋdigi menen uzundugu, tereŋdigi menen biyiktigi emne ekenin tüşünö alışsın dep;

¹⁹akıl jetkis oşol süyüünü taanıp bilişsin, Kudaydın toluktuguna toluşsun dep sıyınam.

²⁰Bizdin içibizde küçü menen arakettenip jatkan, suraganıbızdan da je oylogonubuzdan da artık kıla ala turgan Kuday

²¹Jıyında Maşayak Iysa arkıluu muundan muunga, kılımdan kılımga daŋktalsın! Oomiyin!