Read NT LS 2005 – Инжил ЛС (2005 Epestikterge 5 Bible Online

Epestikterge 5 - NT LS 2005 – Инжил ЛС (2005 bible

Epestikterge 5

¹Süyüktüü baldar katarı Kudaydı tuuragıla,

²Maşayak bizdi süygöndüktön, biz üçün Özün Kudayga jıtı jagımduu tartuu jana kurmandık katarı bergendey, siler da süyüü jolunda jürgülö.

³Araŋarda oynoştuk, ar kanday ıpılastık jana dünüyökorluk jönündö söz da bolboşu kerek, sebebi ıyıktarga mınday kıluu jarabayt.

⁴Oşondoy ele uyatsız, maŋızsız jana maskaralagan sözdördü süylöbögülö, mınday kıluu jarabayt, anın orduna ıraazıçılık bildirgile.

⁵Bilip koygula: oynoştuk kıluuçu, nike buzuuçu, dünüyökor, başkaça aytkanda, butka tabınuuçu Maşayaktın jana Kudaydın Padışaçılıgında muraska ee bolboyt.

⁶Eç kim silerdi maŋızsız sözdör menen aldabasın. Oşondoy kılgan baş iybes adamdar Kudaydın kaarına kalışat.

⁷Oşonduktan alarga şerik bolbogula.

⁸Siler bir kezde karaŋgı eleŋer, birok azır Teŋir arkıluu jarık bolduŋar, jarıktın baldarı katarı jaşagıla.

⁹Antkeni jarıktın jemişi: boorukerdik, adildik, çındık.

¹⁰Kudayga emne jagarın ajırata bilgile.

¹¹Karaŋgılıktın jemişsiz işterine aralaşpagıla, teskerisinçe, alardı aşkere kılgıla,

¹²antkeni alardın jaşıruun kılıp jatkandarın aytkanga ooz da barbayt.

¹³Antkeni aşkerelengen nersenin baarı jarık arkıluu aşkerelenet, açıkka çıkkan nersenin baarı – jarık.

¹⁴Oşonduktan Iyık Jazuuda: «Uktap jatkan ölük adam, oygon, tiril, Maşayak seni jarık kılat», – dep aytılgan.

¹⁵Oşentip, kanday jaşap jatkanıŋarga köŋül koyup karap, akılsızdarday emes, akılduularday jaşagıla.

¹⁶Ubakıttı paydalana bilgile, antkeni ubakıt jaman.

¹⁷Oşon üçün akılsız bolbogula, teskerisinçe, Kudaydın kaaloosu emne ekendigin taanıp bilgile.

¹⁸Şarap içip mas bolbogula, antkeni bul buzulgan jaşoogo alıp barat, teskerisinçe, Ruhka tolgula:

¹⁹biri-biriŋerge zaburlardı, daŋktoo ırların jana ruhiy ırlardı aytıp, Teŋirdi çın jürögüŋör menen daŋktap ırdagıla;

²⁰Teŋiribiz Iysa Maşayaktın atınan Kuday Atabızga bardık uçurda bardık nerse üçün ıraazıçılık bildirgile;

²¹Kudaydan korkuu menen biri-biriŋerge baş iygile.

²²Ayaldar, küyööŋörgö Teŋirge baş iygendey baş iygile,

²³antkeni denenin Kutkaruuçusu Maşayak Jıyındın başçısı bolgon sıyaktuu ele, küyöö da ayaldın başçısı.

²⁴Jıyın Maşayakka baş iygendey ele, ayaldar da bardık nersede küyöölörünö baş iyişsin.

²⁵Küyöölör, ayalıŋardı Maşayak Jıyındı süygöndöy süygülö. Maşayak Jıyın üçün Özün bergen.

²⁶Al Jıyındı söz menen, suu menen juup tazalap, ıyıktoo üçün;

²⁷tagı, kemçiligi je uşul sıyaktuu bir nersesi jok, ıyık jana kemçiliksiz kılıp, Özünün aldına daŋktuu kılıp koyuu üçün Özün bergen.

²⁸Oşol sıyaktuu ele küyöölör da ayaldarın özdörünün denesin süygöndöy süyüşü kerek. Ayalın süygön adam özün süyöt.

²⁹Antkeni eç kim eç kaçan özünün denesin jek körböyt, teskerisinçe, Maşayak Jıyın üçün kam körgön sıyaktuu, öz denesin azıktandırat, jılıtat,

³⁰antkeni biz Anın dene müçölörübüz. Anın etinen jana söögünön jaratılganbız.

³¹«Oşonduktan adam ata-enesin taştap, ayalı menen biriget. Oşentip, eköö bir dene bolot».

³²Bul sır ayabay tereŋ, menin aytkanım Maşayakka jana Jıyınga tieşelüü.

³³Silerge tieşelüüsü bolso bul: küyöösü ayalın özün süygöndöy süysün, ayal bolso küyöösün urmattasın.